Bruk panduan ba bhap bini di danao Krông Pách thượng, tỉnh Đắk Lắk 

Tổng cục Yaok pataom brei thau, bruk pablei salih pandap panda tabiak negar langiu di Việt Nam dalam 11 bilan thun ini mek hu glaong abih lac 20 tỷ 100 trieu USD dalam tuk jit Covid-19 daok rah tabiak patui veik ngak kan kandah tal bruk ngak kinh tế di dunya. Yau ye, kuhria abih tih jien mek tame meng bruk pablei pandap panda tabiak saong tame meng negar langiu dalam 11 bilan labaih 489 tỷ 100 trieu USD, tagok 3,5% dut saong tukvak ini thun dahlau, dalam nan jien pablei pandap tabiak negar langiu hu 254,6 tỷ USD, tagok 5,3%; Hu 31 janih pandap pablei tabiak negar langiu mek hu labaih 1 tỷ USD.

Dalam dom bruk di harei pataom “dam dara hadah krah” pakat negar 2020, melam blaoh, di sang bac Đại học Quốc gia Hà Nội, kapul dam dara Cộng sản Hồ Chí Minh pakat negar peih bruk pok meyaom, jao Giải thưởng urang ranaih hadah krah pakat negar song pataom iek veik harei pataom dam dara hadah krah pakat negar thun 2020. Meng labaih 240 harak danak dak, jalan ngak, pandap ngak tabiak di dam dara urang ranaih umo hu tame palih ruah Giải thưởng, Kapul dam dara pakat negar hu palih ruah jao giải ka 37 danak dak, jalan ngak, pandap ngak tabiak siam gheih di abih hu ba tame pandar dalam bruk bac daa,ngak bruk…Dalam nan, hu 3 danak dak di Nyaom dom urang lac urang bangsa takik; 16 danak dak di dam dara urang ngak, kĩ thuật viên, urang ngak ranaih umo; 12 danak dak, jalan ngak di anek saih, sinh viên, gru pato ranaih umo ...

Hajan praong dui atah ngak brei rilo labik dalam tỉnh Ninh Thuận dauk dalam ia, hu labik ia dauk dalam saong mbuan glut jaleih, Sớ Pato megru birau hu sarak brei uranaih mầm non, anek saih phố thông, sinh viên, học viên padeih bac harei ini 30/11 kayua hajan ia ia sua. Yam ndoc Sớ Pato megru tỉnh Ninh Thuận iew sang bac brei pambuak saong karja palei, amaik ame piah hu jalan khik brei salamat tuk anek saih di dom labik mbuan ia duak, glut jaleih gilac veik mai bac. Dom jabat pato megru huyện, ban peih bruk brei urang hu maok luac harei melam, pasang iek duah thau dom labik sang bac mbuan ia dauk, glut jaleih.

Bruk panduan ba bhap bini di danao Krông Pách thượng, tỉnh Đắk Lắk dok hu karja pak ni peih ngak chip. Yaok rituh boh sang song dom ribau urang dang anak kan kandah kayua hajan ia sua, labik ni njauk dauk ia trak. Bruk njauk caik hatai, ni lac mbang panduan ba samar mbang ka 3 hu peih ngak dalam bilan hajan ni, min biak tavak tavaiy, kayua rilo bhap bini dok iek lap, tuk halei ia dauk tame sang meng nao.Yau nan ye. 4 bilan tapa, bhap bini di labik danao Krông Pách thượng mbuan gaok bala tuk hu hajan ia sua,kayua jalan ia nduac hu pacang veik. Dom kan kandah hu khan brei thau dahlau, min danak dak krong ribong hu labaih 4.400 tỷ đồng ni dok suai damuai, bruk peih prong taneh riya jeng lac dok dang sa labik .

Melam kabroi, gah chức năng lang talaih hu baoh mbom siuk trak 340 kg di phố Cửa Bắc, phường Trúc Bạch (Ba Đình, Hà Nội). Dahlau di nan, dalam tuk padang ngak takai sang di Công ty tải điện 1 ka 15 Cửa Bắc, phường Trúc Bạch, quận Ba Đình harei 28/11 dom urang padang ngak sang duah mboh sa baoh mbom oh ka patuh. Baoh mbom praong 35cm, atah labaih 100 cm, trak 340 kg, daok tamo 2 akaok patuh, biak mbuan rah tabiak bala khang.

Harei ni lac mbang camereip meng di tuk rah tabiak jit prong Covid-19, Australia hu ndom batabiak bruk lac meda raok tuai du lịch dunya meng puac thun 2021, hadei di tuk bruk klauk vaccine pacang Covid-19 hu peih ngak prong tal bhap bini. Ni lac sa kadha biak bui sambai ka rilo công ty du lịch song dịch vụ di Australia dok ngak bruk song Australia.

Jit Covid-19 tamuh gilac veik di negar Indonesia jaik 9 bilan tapa saong taneh ia ini oh padeih tagok glaong dom mbang urang njom ruak birau saong metai kayua Cobid-19. Harei kabroi, urang njom ruak Covid-19 dalam negar Indonesia tagok tal 6.267 mbang, tui nan abih tih urang ruak lac 534.266. Dalam nan hu veik 169 urang metai, tapa nan abih tih urang metai kayua Covid-19 lac 16.815 urang. Urak ini, Indonesia lac taneh ia hu manuac metai kayua ruak Covid-19 glaong abih di bhum Đông Nam Á saong dang ka 5 di bhum Châu Á.

Kapul iek gah taduan mek bruk di ong Joe Biden, urang hu gah truyền thông Mỹ iek lac Tổng thống Mỹ bahrau, harei 29/11 (tui tukvak Mỹ) hu ba tabiak angan dom urang dalam nyaom truyền thông Nhà Trắng di ong Biden. Tong abih 7 urang dalam nyaom nan di ong Biden jeng lac urang kamei song hu ba akaok kayua Kate Bedingfield, sa urang ngak bruk lavik thun song lac akaok truyền thông bruk palih ruah di ong Biden. Muk Jennifer Psaki, urang dahlau deih lac akaok truyền thông Nhà Trắng saman di Tổng thống Barack Obama, jeng lac Thư ký báo chí Nhà Trắng. Ni lac mbang camereip tong abih tih dom cố vấn dang akoak song bruk ngak prong lac batabiak dom panuac, dom harak ndom puac di karja jeng lac urang kamei./.

Urang lang: Hani Pha – Ái Nghiêm – 30/11 10:38:42

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân