Radaih pajeng bol lin nao viek thủy điện Rào Trăng 3, xã Phong Xuân, huyện Phong Điền, tỉnh Thừa Thiên-Huế

Nyaom roya pakat negar dom bangsa takik mbang ka II thun 2020 hu peih tabiak meng harei 2 tal harei 4/12/2020, ngan saong kadha: “ala hala dok hadah hadai di Đảng, dom bangsa samu gauk, jum pataom, iek praong gauk, daong ba gauk, patagok prein gam cakrok haong taneh ia”. UB Bangsa brei thau: 1.600 urang lambaok mai hu mbaok dalam nyaom roya, ngak brei pahadah tagok prein khang jum pataom bangsa, pachreih bruk pakacah gauk ngak mbang, bac megru, ngak bruk ….dalam bhap bini dom bangsa, ngak hu bruk praong, siam piah salam uan nyaom roya pakat negar mbang ka 13 di Đảng.

UBND tỉnh Bà Rịa - Vũng Tàu bahrau payua sarak ka Sở ngak nong saong patagok palei pala tỉnh ieu pambuak bruk haong huyện Côn Đảo pilih ruah labik oh hu gilai piah peih ngak danak dak hạ tầng kỹ thuật labik tái định cư pasak huyện Côn Đảo. Hu thau, danak dak praong labaih 22.400m2, hu 102 lô tái định cư saong dom bruk nao gam, hu yaom jien buh tame ngak abih tih jaik 35 tỷ đồng.

Harei 18/11, Sở Jalan mbak pajeng ba tỉnh Long An brei thau, HĐ bhap bini tỉnh hu brei tapa bruk buh jien tabiak padang ngak 3 baoh tatua lac: Cần Giuộc, Vàm Cỏ Đông saong Vàm Cỏ Tây angaok jalan pambuak TPHCM – Long An – Tiền Giang. Dom tatua nan hu peih tabiak ngak di thun 2021 saong ngak salah hadei di 5 thun, daong palagaih piah piah jhul samar bruk đô thị hóa, piah patagok kinh tế - xã hội di tỉnh Long An saong dom labik jaik taphia nan. Jalan ini jeng daong patrun bruk radaih nao mai rilo di dom jalan roya 1, roya 50, patrun bruk gar jalan, bala angaok jalan. Lingiu di bruk ngak 3 baoh tatua nan, Long An jeng daok buh jien tabiak ngak pasiam, peih praong 7 jalan pambuak haong TPHCM, ngan saong yaom jien abih tih 24.400 tỷ đồng, tui kuhria hu ngak salah blaoh di thun 2025.

Dah pegaiy ni (18/11), 10 ôtô pajeng bol lin nao viek thủy điện Rào Trăng 3, xã Phong Xuân, huyện Phong Điền, tỉnh Thừa Thiên-Huế. Bruk ngak di kapul lac pacang binek, ngak pasiam jalan ia nduac di kraong Rào Trăng, duah urang ngak daok lahik. Kayua njauk kan kandah di ribuk Vamco tuh tame di harei 15/11, kapuk daong duah manuac njauk tabiak nao gah lingiu piah khik salamat. Bruk glut jalieh rahtabiak di maong 12 melam 12/10 lam lahik labik daok, sang khik ramik thủy điện Rào Trăng 3, labik 17 urang ngak daok ndih. Tal urak ni, gah chức năng bahrau duah mboh 5 rup tau, 12 urang jeng daok lahik.

Viện KS bhap bini ban raya HCM bahrau ngak salah cáo trạng piah ba tabiak kaoh tui hukum 3 urang Việt Nam  ngak môi giới brei ka yaok pluh urang Trung Quốc daok veik suan hukum di quận Bình Tân dalam tuk jit Covid-19 daok tamuh tabiak dalam bhap bini. 3 urang nan, lac: Trần Chí Hạo, Nguyễn Quang Thắng saong Nguyễn Thành Trung njauk truy tố ka duas peih bruk môi giới ka urang karei daok veik Việt Nam suan hukum. Tui cáo trạng, yaom lac thau dom urang Trung Quốc tame negar drei suan hukum, min Hạo, Trung, Thắng jeng daong pah sang, ngak phiên dịch, blei laptop, salih jien nhân dân tệ, daong blei pandap mbang. Bruk ngak ini biak jhak ka xã hội, jhak tapak tal bruk khik salamat, tani tanat palei negar ngan saong urang negar lingiu daok di ban raya HCM, kayua yau nan ye njauk ba tabiak kaoh catang tui hukum negar.

Tổng thống Nga Vladimir Putin hu pasang iek brei tapa bruk padang ngak labik hải quân camriep di Nga di Ấn Độ Dương, peih praong bruk hu mbaok gah quân sự saong jhul patagok talei pambuak quốc phòng saong dom negar châu Phi. Labik di Xu-đăng meda lac labik hải quân negar langiu ka 2 di Nga hadei di Tartous di Xyri daok di tasik Địa Trung Hải. Rajaei Nga brei thau, labik ni hu padang ngak piah jhul patagok bruk quốc phòng, khik saron mbon, tani tanat bhum palei saong oh ngak kan kandah hagait tal taneh ia halei karei.

Ixraen harei ini brei thau lac hu peih bruk taong meng kapal haoh trun bol bala Xyri haong kapul urang Quds di Iran hadei di tuk mboh dom pandap patuh di labik Cao nguyên Golan kayua Ixraen khik iek, piah taong tame bol bala Ixraen. Tui bol bala Ixraen, bruk taong meng kapal haoh nan hu peih tabiak hadei di tuk gah pacang caga Ixraen duah mboh dom pandap patuh, hu caik di jalan tapen negar labik Alpha di Ixraen, saong hu panuac lac kapul urang Kuts di Iran ngak bruk ini. Hãng thông tấn Karja Xyri brei thau, hu 3 urang lin metai saong 1 urang karei njauk rambus dalam dom bruk taong ngak brei srau kadau di Ixraen.

Jabat jru tavao saong pandap mbang Mỹ harei ni brei thau, negar ni hu brei adat ka bruk pandar mẫu dut iek Covid-19 brei thau samar drah di sang. Mẫu dut iek kayua jabat Lucira Health ngak tabiak, pandar sa mbang, piah duah mboh virus SARS-CoV-2. Bruk nan hu ba tabiak dalam tuk dom urang njom bahrau dalam dom harei tapa di rilo negar praong di Mỹ saong châu Âu daok tagok biak glaong. Tui yaok pataom di gah Y tế dunya, Mỹ saong dom negar châu Âu hu tal labaih 70% dom urang njom Covid-19 saong labaih 77% dom urang metai di dalam dunya./.

Urang lang: Thu Thảo – M. Phương – 18/11 15:15:44

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân