Mbang par di sruh kapal haoh VN417 ba labaih 100 tuai Việt Nam mai taneh ia 

Page harei ini 25/9, Ban raya HCM hu peih bruk alin brei angan “ Amaik Viet Nam anh hùng” mbang ka 40 ka dom urang amaik metai blaoh. Mbang ini, Ban raya HCM hu karja alin brei angan “ Amaik Viet Nam anh hùng” ka 41 urang maik metai blaoh di 14 quận, huyện di tuk pahadar 75 thun harei Nam bộ mesruh metak. Brei panuac di var nan, ong Trần Lưu Quang - Phó bí thư Thường trực Thành ủy TP.HCM  lambaok ka đảng bộ, karja saong bhap bini Ban raya payua panuac hadar dhar phol tal dom urang amaik Viet Nam anh hùng. Bruk alin brei angan nan lac piah ka bhap bini Ban raya hadar dhar phol, pok meyaom dom anh hùng sajarah dakrai, pato pakai bruk “ menyum ia hadar tal halau ia”, “ bayar dhar phol”.

Tapa 5 thun peih ngak danak dak pambuak bruk pablei sali  tuk vak  2016 -2020 song pambuak bruk pabak saong pablei pandap panda di TPHCM hong dom  tỉnh, ban  Đông - Tây Nam Bộ, urak ni, hu  28 doanh nghiệp khik tani tanat drak pasa di  TPHCM hu buh jien ngak 47 sang mac , labik ngak pandap; 63 trang trại rong pala di dom  các tỉnh, ban Đông - Tây Nam Bộ, saong yaom phun jien abih tih labiaih 18 ribau tỷ đồng. Dom  doanh nghiệp hu pambuak gauk, dong phun jien ka urang nong rong pala, blei veik pandap lac labaih 3.200 tỷ đồng/sa thun.  Danak dak hu padang talei pambuak bruk pablei salih abih gah, pabak saong pablei pandap khik tani tanat drak pasa, rik dong blei pandap ka urang nong. Tuk vak tal  TP.HCM pataom tame dong blei dom kaya nong, đặc sản mek hu tanut pandap siam hu rong pala  tui jalan VietGap, GlobalGap; pamong tal padang angan je kaya nong, pandap di yaok bhum palei

Harei ini, Hội đồng bhap bini ban Hà Hội mbang 15, vaktu 2016- 2021, peih bruk ginum biai mbang ka 16. Di var ginum biai, Hội đồng bhap bini ban Hà Nội brei padeih ngak Akok UB bhap bini ban mbang XV ngan saong ong Nguyễn Đức Chung;  ba urang tame palih ruak ngak akok UB bhap bini ban Ha Noi ngan saong ong Chu Ngọc Anh. Hu taong abih urang lambaok njauk hatai, ong Chu Ngọc Anh hu palih ruah ngak Akok UB bhap bini ban Hà Nội vaktu 2016-2021.

Mbang par di sruh kapal haoh VN417 ba labaih  100 tuai meng mblang kapan haoh dunya Incheon (Hàn Quốc) tal mblang kapan haoh dunya  Nội Bài (Việt Nam) hu par tagok tuk 10h05 minite (tukvak Seoul) mesup 25/9. Ni lac mbang par pajeng tuai mai Việt Nam camereip abih kuhria meng di tuk  gah kapan haoh  Việt Nam padeih par dom jalan par dunya kayua jit ruak COVID-19. Bruk peih mbang par hu Vietnam Airlines song dom jabat chức năng pambuak bruk caga biak catang dalam rilo harei tapa song pandar dom jalan pasang iek jit ruak biak catang.

Page harei ini 25/9, sa hotel di jalan CMT8, P12, Q.10, TP.HCM apui khuah biak khang, apui khuah ngak brei sa urang metai, sa urang njauk rambuac. Tuk mboh apui khuah, rilo urang dalam khách sạn saong bhap bini vin taom dar mai daong padam meng bình padam apui sit di pak nan min oh jeng kayua apui khuah  di labik glaong. Gah padam apui khuah hu ba rilo radaih padam apui gam saong yaok pluh urang lin padam pui mai labik nan piah padam apui khuah. Hadei di nan apui meng hu padam.

Cà phê ralai  dok tagok di Japon dalam tuk dak harei dak hu rilo urang ngak bruk di sang kayua jit jalan suah yava  COVID-19. Bruk ni ngak patagok yaom ka cà phê robusta – janih cà phê hu pandar piah ngak cà phê ralai dalam tuk pok jien  pablei cà phê arabica – janih cà phê hu chất lượng glong jang  song bhian hu dom  cửa hàng cà phê pandar – daok trun. Tui nan ngak ka  Việt Nam – labik ngak cà phê robusta prong abih di dunya, daok jeng labik pabak cà phê prong abih di Japon  jhul  Brazil trun dang dhi ka 2

Dom urang padam apui khuah Mỹ harei kabroi brei thau, urang padam pacang hu meteh glai apui khuah di Lốt An-giơ-lét dalam bang Ca-li-phóc-ni-a, gah Pei negar Mỹ. Apui khuah glai meng harei 6 bilan 9 lac sa dalam dom mbang apui khuah glai praong abih kuhria meng dahlau mai di Lốt An-giơ-lét ngan saong taneh praong 45.700 héc-ta. Labaih 1.600 urang padam apui khuah daok ngak bruk piah padam apui khuah. Dahlau di nan,  harei 23/9, tok hu 17% taneh glai apui khuah  hu pacang padam. Hu tuk apui khuah mai tal jaik Đài quan sát Mau Uyn-xơn, lac sa labik iek patuk  hu padang di Talei ceik Xan Ga-bri-en, langiu Lốt An-giơ-lét di thun 1904. Thun 2020 lac apui khuah glai trak jhak abih meng dahlau mai di bang Ca-li-phóc-ni-a ngan saong 5 mbang apui khuah glai praong di bang ini. Kuhria dalam Ca-li-phóc-ni-a, dom mbang apui khuah glai ngak brei 26 urang metai.

Giải thưởng Nobel 2020 hu khan brei thau di harei  9-10, song bruk jao giải hu tabiak di bilan 12. Ban peih ngak giải thưởng brei thau, mbang camereip abih kuhria meng thun 1944 bruk jao giải Nobel oh hu peih ngak di  Stockholm -Thụy Điển kayua jit ruak. Po di giải Nobel thun ni  meda taduan di  Đại sứ quán Thụy Điển dok dalam negar atau pak di labik ngak bruk. Tok hu giải Nobel hòa bình hu jao di ban ine Oslo di Na Uy min hu peih ngak sit kayua jit ruak./.

Urang lang: Hani Pha – Ái Nghiêm – 25/09 15:45:30

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân