Kapol anek saih Viet Nam tame pakacah Olympic Tin học dunya mbang 32 thun 2020 mek hu 4 huy chương

Urak ini, bhum taneran kraong Cuu Long hu labaih 500 labik glut jaleih tapen kraong, tapen tasik. Yaok thun, glut jaleih ngak lahik labiah 300 hecta taneh, glai ia mbak tapen tasik, labaih 19 ribau baoh sang daok tapen kraong brei panduan ba nao labik karei plaik njaik bala. Thun 2020 lac thun pandiak bhang tua riya ia mbak biak trak saong mboh lac bruk njom ia mbak, glut jaleik taneh dak harei dak trak, ngak kan kandah trak tal raidiuk bhap bini. Gam saong nan bruk kuac mek cuah, kuac bingun mek ia ala taneh biak ralo, kapal gilai nao mai angaok kraong…ngak ia paoh khang tame ar ngak glut jaleih trak jang. Piah caga bruk nan, tui Viện Roh duah biến đổi khí hậu bhum taneran kraong Cửu Long, njauk brei cih vak labik glut jaleih, duah thau labik mbuan glut jaleih jang. Tui nan, dom labik mbuan glut jaleih ralo oh brei bhap bini daok, oh brei padang sang danaok jeng yau dom danak dak praong. Dom bhum tapen tasik, labik mbuan glut jaleik brei ngak ar pacang. Tui nan takik kuac mek cuah dalam kraong, brei dauh jalan salih ka cuah dalam bruk padang ngak.

Tukvak 2021-2025, mbang pakacah tamat THPT hu khik tani tanat, peih ngak dreih yau thun 2020, meng bruk peih pakacah, tal đề thi, chấm thi song brei thau ka bruk pakacah…. Nan lac panuac di Mintri pato megru ka bruk peih mbang pakacah tamat  THPT ka dom thun anak tal. Mintri pato megru  jeng kuhria tal jalan  peih pakacah angaok máy tính song yaom lac khik tani tanat  ka jalan pakacah  dalam tuk vak meng thun  2021-2025, Min, mintri kham merat patagok rilo kadha  tangi sua jang

Kapol anek saih Viet Nam tame pakacah Olympic Tin học dunya mbang 32 thun 2020 mek hu 4 huy chương. Dalam nan hu 1 huy chương Ameh,  2 huy chương pariak saong SA huy chương ban. Jak jeng siam abih di kapul dalam thun ini lac adei Bùi Hồng Đức bac tal 12, Sang bac Trung học phổ thông chuyên Khoa học Tự nhiên, Đại học Quốc gia Hà Nội, mek hu huy chương ameh saong dang dhi 11 angaok dunya.  Ini lac mbang akaok meti, mbang pakacah  hu peih tui jalan online di Viet Nam dalam tuk jit Covid-19 rah tabiak dalam kan kandah, anek saih Viet Nam jeng daok brei mboh labik dang di drei dalam bruk pakacah dalam bhum saong angaok dunya.

24 jalan radaih nao 16 tỉnh, ban meng  Quảng Trị tabiak gah brak panduan ba dahlau tapa  mblang radeih Miền Đông bahrau , quận 9, meng 0tuk harei 10/10. Tuk camereip, 24 jalan dok dalam bruk panduan ba  hu pataok radeih  di mblang radeih urak ni (quận Bình Thạnh) taduan bayar tuai, hadei di nan tapa  mbang radaih bahrau ngak harak tabiak bến. Bruk ni rah tabiak oh tapa 3 bilan  meng di harei  10/10, palagaih ka  doanh nghiệp song bruk bhian randap nao mai di bhap bini. Mblang radeih urak ni tok mek jien pataok, oh mek jien  radeih tame tabiak. Dom jalan radeih oh panduan ba min hu jalan tapa mblang radeih bahrau hu pajeng ba tuai di pak ni min po radeih brei tut angan tame ngak labik pajeng ba tuai.

Blah rup cih Hội đình Chèm di urang cih vak mỹ thuật Đông Dương Nguyễn Văn Tỵ birau hu pablei to yaom glong abih jaik 1 triệu đôla pak Paris. Ini lac yaom glaong abih di urang cih ini di dunya saong lac yaom glaong abih di urang cih Viet Nam di labik pablei to yaom pak châu Âu. Blah rup cih hu sa bác sĩ blaic raic negar Prang ngak bruk di sang iek ruak Hải Phòng samar Prang blei dalam parang iek yaok thun di Sang bac cao đẳng Mỹ thuật Đông Dương, hadei di nan hu ba nao khik piah dalam sang di urang ini daok di Paris tal tuk ba tabiak pablei to yaom. Ini lac blah cih veik ka 3 di blah rup cih nan, blah rup cih akaok meti tok daok sa blah.

Yaom lac dok jiak 40 harei tra  meng tal harei palih ruah, min labaih  meteh  triệu harak palih ruah hu payua tal cử tri Mỹ ka mbang palih ruah tổng thống thun ni. Kayua dom suh sah ka pren yava meng bruk palaik  phiếu tapak, dalam tuk jit prong  Covid-19 dok rah tabiak kan kandah song njauk  xếp hàng atah dalam harei palih ruah tui kuhira hu patagok biak rilo urang buh phiếu oh hu mbaok, atau buh phiếu avar tapak dalam mbang palih ruah mbang ni.

Sa kapol dom urang ilamu Nga mbang camereip duah tabiak sa jnih khàng sinh tự nhiên meda caga pacang hu bruk randap jru. Tui dom urang roh duah dahlau kayua dom urang ilamu di sang bac Đại học Ty-u-men, asar duah mboh piah pacang hu siam jaik abih lac dom ruak njom mbak kayua vi khuẩn saong bimao njom mbak ruak ka anek manuac saong athur. Kapol urang roh duah brei mboh, sa dalam dom bruk bo gah ngak jru tavao daok dang kan kandah di urak ini lac duah dom janih jru kháng sinh tự nhiên meda pacang caga hu dom vi sinh randap haong jru atau pacang hu jru khang.

Liên hợp quốc song Anh brei thau lac meda pambuak gauk peih nyaom biai pakat glong dunya ka  langik tasik dalam harei 12 bilan 12 tal, njauk tuk vak pahadar 5 thunThỏa thuận khí hậu dak rai Paris. Panuac nan hu batabiak hadei di tuk  akaok Negar trung Quốc Tập Bình brei thau negar ni  batabiak bruk tathuak CO2 tagok tanut glong di abih dahlau di thun 2030 và hadei di nan ba mai leik 0 dahlau di thun 2060. Tổng thư ký Liên hợp quốc An-tô-ni-ô Guê-tê-rết ndom lac, dom negar dok peih dom jalan ngak, min langik tasik jeng lac bruk njauk ngak jip song khol drei jhui palai pajoa tuk vak./.

Urang lang: Ái Nghiêm – Hani Pha – 26/09 14:19:45

 

 

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân