Mbang nayom baai pambuak gauk cak rok patagok gah rivang main di TPHCM saong dom tỉnh Đông Bắc

Mesup ini (20/11), ong Nguyễn Văn Nên, Bí thư Thành ủy ban raya HCM ba akaok kapul urang lambaok ban raya nao ravang sang aruah giáo sư Nguyễn Thiện Thành, ame di ong Nguyễn Thiện Nhân, UV Mintri Chính trị. Giáo sư Thành bhian hu mbaok dalam dom tuk kan kandah abih di 2 mbang mesruh pacang kol Prang haong kol Mỹ. Hadei di harei taneh ia yasa, giáo sư jeng Yam ndok akaok meti di sang iek ruak Thống Nhất. Lingiu di bruk padang jalan peih tabiak  gah “lão khoa” di sang iek ruak, ong daok lac gru pato abih drei ka anek saih, lac urang ilamu hu rilo danak dak ba tame pandar ka bruk iek ruak di bhap bini. Dalam mesup harei 20/11, Bí thư Nguyễn Văn Nên jeng hu nao ravang sang GS.TS Trần Hồng Quân, dahlau daih ngak akaok mintri pato megru, akaok kapul dom sang bac Đai hoc, Cao đẳng Việt Nam.

Dah page 20/11, di Quảng Ninh, Phó Thủ tướng Vũ Đức Đam, urang dang akaok TPHCM saong dom tỉnh Đông Bắc gam saong labaih 200 doanh nghiệp rivang main, gah kapar haoh hu mbaok tame mbang nyaom baai pambuak gauk cak rok patagok gah rivang main di TPHCM saong dom tỉnh Đông Bắc ngan saong kadha “pambuak dom gheih mekre”. Mbang nyaom biaai hu ginum biaai ka bruk pambuak gauk patagok gah rivang main di TPHCM saong dom tỉnh Đông Bắc tukvak 2020- 2025, tapa bruk peih ngak bruk sanya pambuak gauk cak rok patagok gah rivang main tukvak 2020-2021. Dom sanya, pambuak gauk pataom tame bruk padang ngak tui jalan nao bahrau dalam cak rok patagok, pandar siam  dom yaom glaong meng langik tasik gah rivang main gam saong dom labik inem mek ilamo, sajarah, palei ngak, pandap mbang rilo janih di dom tỉnh bhum Đông Bắc.

Mesup ini (20/11), di Hà Nội, Mintri Y tế peih bruk brei thau “Cổng công khai y tế”, dalam nan hu khan dom bruk gah yaom jru, pandap panda iek ruak saong yaom jien iek ruak… Kuhria tal harei 19/11, hu jaik 17.000 pandap panda iek ruak hu brei thau cambaih yaom. Tui Akaok Mintri Y tế Nguyễn Thanh Long, bruk brei thau cambaih laih yaom pandap panda iek ruak nan, meda daong ka dom labik iek ruak buh jien tabiak blei hu njauk janih, njauk yaom saong pabak bruk iek ruak, paglaong prein meriak gauk khang kadang di darak pasar pandap panda iek ruak.

UBND tỉnh Thừa Thiên – Huế brei thau, harei 20/11, kapul daong duah urang njauk bala meda ngak salah bruk mbeik veik jalan ia kraoong nduac, meng labik kraong Rào Trăng piah jhul samar bruk duah urang njauk bala di thủy điện Rào Trăng 3. Kapul daong duah urang njauk bala daok pabak xăng manyek, ngak rọ patau, pabak rilo jamriak kuac piah jhul samar bruk duah. Bruk glut jaleih rahtabiak di harei 12/10 di thủy điện Rào Trăng 3 ngak brei 17 urang ngak njauk lam abih. Tal urak ni jeng daok 12 urang daok lahik.

Harei 20-11, danak dak kuac raok ribaong Nhiêu Lộc - Thị Nghè hu ngak salah blaoh bruk kuac raok, peih praong jalan ia nduac piah ngak pasaim saong hacih sa-at alam môi trường, patagok bruk tahuak ia ka labik ini. Pasak khik ramik jalan ia, Sở jalan mbak pajeng ba ban raya HCM daok pasang iek bruk kuac raok nan njauk haong bruk ba tabaik halei oh piah taduan mek. Ngan saong dom ribaong karei dalam ban raya, Pasak khik ramik jalan ia, Sở jalan mbak pajeng ba ban raya HCM daok ba tabiak jalan ngak, pok tagok urang ngak praong di ban piah pasang iek, brei adat ngak. Dalam thun 2021 meda brei ngak pasiam dom ribaong karei di labik pasak TPHCM.

Châu Âu oh njauk pacang cakak veik yau dalau daih kayua jit praong Covid-19 mayah bruk cuk pataik pacang pabah jeng bhian randap jang. Nan lac panuac di urang dang akaok jabat gah Y tế thế giới (WHO) tại châu Âu Hans Kluge, dalam tuk gah y tế di dom negar dalam bhum daok tapa prein ngak bruk. Taeng di adit tapa, châu Âu hu labaih 29 ribau urang metai kayua Covid-19. Tui ong Han Klúc-ghơ, mayah bruk pandar pataih pacang pabhah hu tal 95%,  ye pacang cakak lac bruk oh cang ngak.

Mintri Ngoại giao Hung-ga-ri brei thau, lô vắc-xin Covid-19 di Nga akaok meti hu ba tal Hung-ga-ri piah ngak iek lâm sàng. Lingiu di nan, dom Cty jru di Hungary jeng taduan hu harak tacei ilamu kỹ thuật meng Nga piah ngak vắc-xin. Bruk nna jeng hu makna lac, Hungary meda jeng taneh ia camereip abih dalam Liên minh châu Âu ngak tabiak vắc-xin Covid-19.

Rajaei Hàn Quốc hu jalan pabak 114.000 baoh sang brei pah dalam 2 thun anak tal meng bruk blei viek saong salih dom khách sạn saong baoh sang jabat daok klaak saoh jeng sang daok. Dahlau di nan, rajaei di Tổng thống Moon Jae-in hu padang ngak rilo jalan piah patrun yaom daok tagok glaong, yau ye ngak pacadu giới hạn tanut glaong di baoh sang chung cư saong salih dom labik ngak quân sự jeng labik bhap bini daok, min jeng oh langyah hu bruk kurang sang daok. Hu thau, bruk ngak ni lac dom kham marat bahrau abih di Hàn Quốc piah langyah bruk bhap bini duh hatai ka yaom sang tagok glaong./.

Urang lang: Thu Thảo – M. Phương 15:55:55

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân