Hu rilo urang pandar hala mbang piah pasiam ruak kalik, pasiam ruak catang tian ka uranaih…min oh thau lac hala meda ba tal oh siam ka prein yawa meyah pandar oh njauk.

 

  Birau ini, Sang iek ruak Da liễu Trung ương hu iek ruak ka sa urang kumei umo 20 thun. Dahlau di ini 4 thun, hadei di tuk hu urang tacei jalan ngak brei abih mbau takai, anai kumei nan mek hala riak ia tram takai. Dalam tuk tram takai, anai nan mek tangin sraong ia luk tagok mong takai. Hadei di nan sa harei, kalik urang kumei nan bhong tagok, tamuh kakah saong dua gah takai haong tangin gah hanuak patih mbong yau urang ruak bạch biến.

Tuk nao tame Sang iek ruak Da liễu Trung ương, urang kumei ini hu kalik yau urang ruak bạch biến. Min biak di nyu bruk ba tal ruak kalik mbong lac kayua klik gaok sắc tố di hala. Luac 4 thun tapa, urang kumei ruak ini gam menyum jru gam luk jru min oh ka hu siam.

  Ini tok lac sa urang ruak dalam dom urang ruak tame sang iek ruak Da liễu Trung ương kayua pandar hala oh njauk. Sang iek ruak jeng bhian hu ilo urang ruak njauk biến chứng trak meng bruk pandar hala piah pasiam klik mbaok, kalik sanam.

Dom bác sĩ langyah: Dalam hala hu phenolic compounds meda pacang bruk tamuh tabiak melanin saong laok kalik nan ye ngak brei mbong samar. Langiu di nan hala tuk hu kahon, riak mek ia piah luh atau tram meda ba tal ruak viem kalik trak, trun sắc tố. 

Meyah pandar hala suai lavik meda ngak brei lahik sambo màu di klik, ngak brei trun sắc tố kalik. Bruk patrun sắc tố di dom asar meng hala nan meda lahik eng tui tukvak suai lavik. Rilo urang bhian randap mbang hala jeng ba tal bruk patrun sắc tố vil val cambuai.

  Kayua yau nan ye, bác sĩ kakei lac dahlau di tuk pandar hala piah pasiam ruak tui jalan ngak meng kan mai di bhap bini, njauk caik hatai piah patrun patakik dom ruak karei./.

Urang lang: Aí Nghiêm -07/11

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân