Ngai lơi kung tam gơl mờ bơsir pa: 4/8/2020

 VOV4.K’ho -  Bác sĩ Lê Phúc, Phó Kuang atbồ Tiah tờm sền gròi kòp tê jê să càr Dak Lak pà git, Tiah tờm do neh lơh xét nghiệm mhar virus SARS - CoV2 ai 89 nă cau gơ rềng tus 2 nă cau kòp sồ 601 mờ 602 gam tam cah is tàm Tiah tờm tam cah is tơrgùm bal bơh càr dê tàm Trung đoàn Cảnh sát cơ động Tây Nguyên. Ală cau pa yal geh 71 nă cau F1, 4 nă cau F2 mờ 2, 3 nă cau đì bal rơndeh par mờ taxi Mai Linh mờ 2 nă cau kòp do.

Cồng nha lơh xét nghiệm mhar bơh sơn rờp là ờ bơ tờp virus SARS-CoV2. Bác sĩ Lê Phúc pà git, tàm mho mgai 3/8, Tiah tờm sền gròi kòp tê jê să càr pơn jat tai lơh xét nghiệm mhar gơ wèt mờ ală cau geh gơ rềng tus 2 nă cau kòp pa geh tơmut tàm Tiah tờm tam cah is tơrgùm bal tàm ngai. Tu\ do, Tiah tờm gam pơ gồp bal mờ Hìu sơnơm [òn dờng mờ ală gah broă lơh geh gơ noar pơnjat tai jòi cau F1, F2 gơ rềng tus 2 nă cau kòp do.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng