Ngai lơi kung tam gơl mờ bơsir pa: 4/8/2020

VOV4.K’ho- Mho ngai 3/8, Ủy ban Nhân dân càr Lâm Đồng neh geh sră nggal sơrbac mhar sồr ală anih lơh broă geh gơnoar tàm càr dê mhar lam lơh jăt ală broă lơh rcăng sơndră kòp Covid-19, mơkung ơm jơh ală broă lơh bơh ală anih lơh sa kă bro nhơl chờ lơh rài bồ tơngoh, lơh niam muh măt să jan tàm ù tiah càr dê mờ bơto sồr ba` ơm tơrgùm gal cau.

                                    Càr Lâm Đồng lơh jăt broă rơcang sơndră mờ kòp Covid-19

Jăt mờ hơ\, Ủy ban Nhân dân càr Lâm Đồng sồr ală kấp, ală gah, ală tiah mờ anih lơh broă geh gơrềng tàm càr lơh jăt niam nùs nhơm “tam dră mờ kòp bè tam dră mờ bol sò tơm sơl”, tơrgùm lơh jăt jơnau kờ` dơ\ le\ bal là bơtàu tơnguh lơh sa- mpồl bơtiàn mơkung pal tam dră mờ kòp geh cồng nha.

Ủy ban Nhân dân càr Lâm Đồng sồr ơm ing jơh ală broă lơh bơh ală anih đơs crih tam ya, hìu bar, karaoke, rạp lơh lơma, massage, jơnau nhơl điện tử, đơs crih tam ya phòng trà, anih lơh hàng niam muh măt să jan mờ bơto sồr ba` ơm tơrgùm gal cau tus dì tu\ geh jơnau yal pa. Mờ ală anih lơh broă geh gơnoar kung pal sơrbac mhar lơh jăt broă jòi tềl ală cau lòt rê bơh Đà Nẵng bơh ngai 1/7 tus ngai 28/7 mờ ală anih geh pơhìn bơtờp kòp uă jăt jơnau bơto sồr bơh Bộ Y tế dê.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng