Ngai lơi kung tam gơl mờ bơsir pa: 30/10/2020

 VOV4.K’ho– Càl rbut dờng sồ 9 lơh aniai ală càr tiah tàm gùl lơgar lơh gơbàn ua\ hoàc huơr kơn jơ\ ngan. Tu\ do, ală càr tiah do gam tơrgùm jơh bơta pràn bơsong jơnau gơ lời wơl tơnơ\ càl rbut dờng. Jat jơnau yal bơh Mpồl đơng lam tiah lam lài sơndră mờ càl rbut dờng sồ 9 dê, tus nggùl ngai 29/10, càl rbut dờng sồ 9 neh lơh 2 nă cau chơt, 55 nă cau roh thit tài bơh tơrlah bơ nơm tàm càr Quảng Nam; rlau 2 rbô 500 nơm hìu gơtìp tơrlah tơr lơm, mờr 89 rbô nơm hìu gơtìp pồ rơkàng.

Gơ rềng tus broă tơrlah bơnơm tàm thôn 1, xã Trà Leng mờ thôn 1, xã Trà Vân, kơnhòal Nam Trà My, càr Quảng Nam, mpồl lơh broă geh gơnoar neh jòi bàn 16 [ồc cau chơt, 12 nă cau gơtìp sồt să geh jun tus hìu sơ nơm, tu\ do gam pơn jat tai jòi cau roh thit.

Tàm càr Quảng Ngãi, bulah dà neh hoài soat, mơya 2, 3 tiah thòng kung gam gơtìp dà wềl tam cah is tài bơh dà ko\ dà cò. Càr neh sồr kuang bàng tus ală tiah pơgồp bal mờ ală mpồl kuang àng, ling klàng dong làng bol bơsong jơnau gơ lời wơl bơh càl rbut dờng sồ 9.

Tàm Hà Nội, bơh drim ngai òr (29/10), Anih lơh broă sùm mpồl đơng lam dà lơgar bè rơcang sơndră mờ rềs àr bơh trồ tiah pơrjum cri bơyai ală broă tơmù hoàc huơr bơh mìu dà tih dà cò.

Tơrgùm jòi ală cau gơtìp rềs àr bơh trồ tiah lơh aniai mờ pơn jăt tai càr niam màng kis làng bol tềng đăp mờ bơta gơrềng bal bơh mìu càl dờng sồ 9 là tơngu me tòm geh ală kuang bàng đơs uă tàm dơ\ pơrjum.

Gơrềng tus mờ 2 nơm ơhò lơh ka càr Bình Định mờ 26 nă cau lơh ka gơtìp rềs àr tàm dà lềng, 2 nơm ơhò sền gròi cau lơh ka mờ 1 nơm ơhò ling tàm dà lềng neh tus tềng tiah gơtìp mờ gam jòi cau ờ go\ [ồc.

Mpồl ling dà lềng tiah 4 neh lơh anih đơng lam nàng tơrgùm phan lơh broă bal mờ cau nàng jòi ală cau lơh ka. Bơh hoàc huơr tơrlah ù tàm kơnhoàl Nam Trà My, càr Quảng Nam lơh gơtìp jòi ờ go\ 53 nă cau, geh ờ uă kuang bàng đơs là, pal gờ` rơcang ntrờn làng bol tàm ală tiah di gơlan gơtìp uă, jăt chàr bơnơm tus tàm tiah niam ờ do ờ dă lài mờ tu\ mìu dà tih dà cò lơh aniai nàng tơmù uă ngan hoàc huơr.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định