Ngai lơi kung tam gơl mờ bơsir pa: 17/6/2020

VOV4.K’ho- Bơh bồ sơnam tus tu\ do, tàm ù tiah [òn dờng Pleiku, càr Gia Lai neh sền go\ mờr 50 nă cau bơtờp kòp sốt xuất huyết, gơmù mờr nggùl dơ\ pơndrờm bal dùl tu\ mờ nam 2019. Tu\ do, gam tàm tơngai tam gơl tus kàl mìu, do là bơta trồ tiah niam ngan ai bơta gơbàn uă bơh uă kòp bơtờp dê, tàm hơ\ geh kòp sốt xuất huyết.

Tài bè hơ\, gah lơh broă geh gơnoar càr Gia Lai neh mờ gam lam lơh ală broă lơh nàng kờ` kơryan ờ ai kòp in lơh bơtờp mờ bơtờp uă tàm mpồl bơtiàn. Kuang bàng lơh sơnơm tàm ală xã, sơnah [òn neh rcăng lài pơgồp bal lơh pràn lơh uă broă lơh mblàng yal, tơl hìu bơnhă geh jà ki\ sră hơ ờ lời kih dà rơ\ rài, jơh nùs pơs wàs hìu đam lơh kloh niam tiah ơm kis gùt dar, kơryan bơta deh dùh rơ\ rài bơh sơmak bơtờp kòp dê.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng