Ngai lơi kung tam gơl mờ bơsir pa: 15/8/2020

VOV4.K’ho- Tàm dơ\ pơrjum pah nam Quốc hội Indonesia dê, Kuang atbồ lơgar Indonesia neh yal ală broă tờm kuơ màng bơh rơndap cih Kes priă dà lơgar nam 2021 mờ Sră cih kah priă jền, tàm hơ\ sền gròi broă lơh niam wơl lơh sa dà lơgar dê tài bơh gơ rềng bơh kòp dờng Covid-19, wèt tus broă pơn jờng tam gơl pa rơndap tap sèng nàng tơnguh broă lơh sa, tam gơl pa mờ bơta pràn tàm pơr lòng lơh sa, lơh mhar tam gơl lơh sa tus rài kỹ thuật sồ, ngui mờ kờp du\ lài ală bơta tam gơl  bè nhân khẩu học.

Kuang atbồ lơgar Indonesia kờp du\ lài, hoàc huơr kes priă nam 2021 bơh lơgar Indonesia dê geh gơmù tàm khà 5,5% GDP bulah lơh sa geh pơn jat tai niam wơl. Broă lơh niam wơl lơh sa dà lơgar nam 2021 geh lơh jat dùl dơ\ le\ bal mờ broă tam gơl pa tàm ală gah, bơh gah lơh sơnơm, bơto bơtê, dong kờl sền gàr mpồl bơtìan, bal mờ lơh niam wơl broă lơh kes priă dà lơgar mờ dia.

Cau mblàng K’ Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng