Ngai lơi kung tam gơl mờ bơsir pa: 3/6/2020

VOV4.K’ho – Kuang atbồ lơgar Mỹ, ồng Donald Trump pơyua jơnau jà Thủ tướng lơgar Ấn Độ, ồng Narendra Modi tus lơgar Mỹ nàng tus bal Pơrjum dờng màng Mpồl ală rài lơh sa công nghiệp bơtàu tơnguh (G7) tàm dơ\ cribơyai tàm điện thoại ngai 2/6. Ồng Trump ai tơnggo\ bơta kơp kờ` rề ơnàng pơrjum bơh G7 dê nàng chờ gờm ală lơgar kươmàng ndai, tàm hơ\ geh Ấn Độ.

Tàm tu\ hơ\, Thủ tướng lơgar Ấn Độ, ồng Modi den đơs là, broă rề ơnàng pơrjum geh dong bơsong ală broă gơlik geh tàm dunia tơ nơ\ kòp Covid-19. Tàm dơ\ boh bơr jo\ jòng 40 phuk, kuang đơng lam bồ Mỹ mờ Ấn Độ kung cribơyai ua\ broă gơlik geh pah ngai ndai bè kal ke tàm tiah nhàr lơgar đah lơgar Ấn Độ mờ lơgar Lo mờ broă lơh niam wơl Mpồl lơh sơ nơm dunia. Kuang atbồ lơgar Mỹ kơp kờ` gơtùi bơyai lơh dơ\ pơrjum tàm nhai 9 halà jơla rlau, mơkung tơnguh khà nac geh jà tus bal pơrjum geh Australia, Nga, Hàn Quốc mờ Ấn Độ.

Cau mblàng K’ Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng