Ngai lơi kung tam gơl mờ bơsir pa: 10/12/2020

VOV4.K’ho- Tàm [òn dờng Dà Làc, càr Lâm Đồng, Viện khoa học xã hội tiah Tây Nguyên pơgồp bal mờ UBND càr Lâm Đồng bơyai lơh cribơyai kấp dà lơgar Lơh sa dùl nă să is tiah Tây Nguyên dê tu\ do. Bơta kòl yan mờ gùng dà broă lơh. Tus bal tàm dơ\ cribơyai geh ală cau jak chài tus bơh ală Viện kơ lôi sơ nơng, Hìu bơsram đại học mờ Kuang bàng ala mat Kuang đơng lam bồ 5 càr Tây Nguyên dê, ai tơlik ua\ jơnau đơs bơtàu tơnguh tiah Tây Nguyên mờ bơta pràn lơh sa sươn sre geh lài.

Tàm dơ\ cribơyai ală cau jak chài ndrờm đơs là Tây Nguyên là tiah geh ua\ phan kuơ geh is bè ù tiah, brê bơ nơm, trồ tiah, dà mờ phan kuơ geh is tàm ù nàng bơtàu tơnguh lơh sa đơs bal,mờ gah lơh sa sươn sre đơs is. Mơya tus tu\ do lơh sa- mpồl bơtìan tiah Tây Nguyên kung gam ờ hềt bơtàu tơnguh di pal. Den tàng bè hơ\, nàng ngui geh cồng nha bơta pràn, mpồl cau geh lài, ală càr tiah Tây Nguyên kờ` pal lơh geh tiah bơcri pia\ lơh gơ kờ`, lời ai ua\ bơta dong kờl, dong kờl mpồl lơh sa kă bro in bơtàu tơnguh.

Tiến sĩ Phạm S-Phó Chủ tịch UBND càr Lâm Đồng pà g^t, Tây Nguyên là tiah geh bơta pràn. Mơya, bơta pràn mut gơ rờm bal dunia bơh mpồl lơh sa kă bro gùt tiah Tây Nguyên dê gam kui kuơ, bơta pràn tàm pơr lòng mờ bơta pràn gơ dờp mờ drà kă bro gam ờ hềt pràn. Tiến sĩ Phạm S neh sơn`io ală bơta kòl yan bơh lơh sa is tàm tiah Tây Nguyên dê là:

Tiah do broă bơcri priă lơh phan bơna, ngan là phan bơna gùng lòt gam ờ pràn ngan, khà pria\ lơh broă sa ua\. Pria\ tă lơh Logictic bơh ală càr Tây Nguyên jơn hoa rlau mờ ală tiah ndai den tàng bè hơ\ pơgồp bơnah tơnguh khà pria\ tac. Mpồl cau lơh broă nàng geh bơta g^t wă công nghệ cao, ngan là ală anih lơh gơlik phan nàng tus bal tàm drà kă bro tăc phan mờ lơgar ndai phan lơh bơh gah lơh sa sươn sre gam ờ hoan geh.

Jat Tiến sĩ Nguyễn Duy Thụy-Viện Trưởng Viện Khoa học xã hội tiah Tây Nguyên pà g^t, tus tu\ do, lơh sa is neh hời rơ hời gơ gơs là bơta tờm bơh rài lơh sa dê, mờ bơta tơnguh lơh sa mhar ơm tàm khà niam. Den tàng nàng bơtàu tơnguh lơh sa is đơs bal mờ Tây Nguyên dê đơs is, den kờ` pal lơh pràn tam gơl pa broă atbồ dà lơgar, lơh geh bơta dong kờl mpồl lơh sa kă bro tàm broă càn pria\ bơcri lơh sa, bơtàu tơnguh ală bơta pràn, loh làng ngan là tàm gah lơh sa sươn sre, công nghệ lơh gơlik phan…Tiến sĩ Nguyễn Duy Thụy đơs:

Bơta lơh nền hơ\ là kấp geh gơ noar bơh dà lơgar tus ală càr, [òn dờng là cau tờm at bồ lơh nền mờ bơh hơ\ hơ\ sồng ai geh ală gùng dà, ală broă lơh. Rơndap tap sềng bơta sền sơ nơng dờng pal là Dà lơgar mơya tus di tu\ ai ală gùng dà broă lơh den  pal ai gơ noar ală tiah in jat tàm bơta pràn bơh he dê ai ală gùng dà broă lơh cèng bal bơta ngan ngồn, di pal mờ bơta pràn bơh ală tiah dê hơ\ sồng bơtàu tơnguh.

Cau cih Tuấn Anh- Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định