Ngai lơi kung tam gơl mờ bơsir pa: 21/1/2021

VOV4.K’ho- Mho ngai 20/01, tàm Hìu lơh broă Chủ tịch, mò Đặng Thị Ngọc Thịnh, Phó Chủ tịch lơgar tìp mat Mpồl cau ala mat pơn rơ jak ngan càr Vĩnh Long di dơ\ geh cồng nha bơh Pơrjum dờng tàm pơr lòng kờ` gơ boh dà lơgar gùt lơgar dơ\ 10 nam 2020, gờm chờ Pơrjum dờng  dơ\ 13 Đảng dê. Ală nam do, srơh tàm pơr lòng kờ` gơ boh dà lơgar tàm ù tiah càr Vĩnh Long neh geh ală kấp, gah sơnah lơh broă, ală tiah rcang lài tam gơl pa nàng di pal mờ bơta geh ngan, pơgồp bơnah lơh gơs ală cồng nha kuơ màng tàm bơtàu tơnguh lơh sa- mpồl bơtìan. Ală srơh gơ gơs bơta gơn kơ nờm, gơ hòi gơ jà bơta tus bal bơh ua\ ngan ală rơ nàng làng bol, kuang bàng, cau ling, lơh geh bơta tam klăc dùl nùs bal, pơgồp bơnah kuơ màng tàm broă lơh jat ală kơ nòl broă bơtàu tơnguh lơh sa- sươn sre bơh tiah do dê.

Đơs tàm dơ\ tìp mat, mò Đặng Thị Ngọc Thịnh, Phó Chủ tịch lơgar kơ\p kờ`, càr Vĩnh Long geh lơh jat niam ală kơ nòl broă tờm bơh srơh tàm pơr lòng kờ` gơ boh dà lơgar dê; lơh jat niam ală kơ nòl broă chính trị, hòi jà gùt làng bol, gùt ling klàng tus bal; mơ kung di tu\ jờng rơ, pà khà jờng cau lơh krơh niam, broă niam, cau pơn rơ jak ngan.

Cau mblàng K’ Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định