Ngai lơi kung tam gơl mờ bơsir pa: 22/1/2021

VOV4.K’ho- Đơng lam pơrjum Mpồl đơng lam dà lơgar rơcang sơndră kòp Covid-19 geh lơh drim ngai 20/1, tàm hìu lơh broă Chính phủ, Phó Thủ tướng, ồng Vũ Đức Đam đơs nền: sơlơ lòt sền, sền gròi gùng tiah nhàr dà lơgar, gàr niam ờ do ờ dă kòp bơ tờp tàm ală ngai geh lơh pơrjum dờng Đảng gùt lơgar dơ\ 13 mờ tàm dơ\ sa tềp bơhìan yau Tân Sửu.

Lài hơ\, jat jơnau yal bơh Bộ Y tế dê ai go\, bơh lòt sền, tàm ală anih tam cah is tơrgùm bal tàm 2, 3 tiah, kung gam geh ală broă lơh ờ hềt lơh jat nền nòn jơnau pơlam bơh Bộ Y tế dê. Den tàng, Mpồl đơng lam sồr, ală tiah lơh jat nền nòn jơnau sồr bè tam cah is, dilah lời gơbàn kòp Covid-19 pal lơh glài kuang bàng.

Mpồl đơng lam sồr ală Bộ: Y tế, Quốc phòng mờ Kuang àng geh broă rơndap lơh, cơ chế bơyai lơh ală dơ\ par nàng jun làng bol rê wơl hờ lơgar mờ nùs nhơm gàr pràn jak tam cah is; mơkung pơn jat tai chul chồl broă lơh tơrlòng sơ nơm vaccine, ring bal cơ chế dipal nàng tu\ sơnơm vaccine geh cit tơrlòng lài geh cồng nha den gơtùi lơh gơlik mờ tac tàm lơgar.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định