Ngai lơi kung tam gơl mờ bơsir pa: 22/10/2020

VOV4.K’ho- Drim 21/10, tàm Hà Nội, Phó Thủ tướng, ồng Trịnh Đình Dũng, Kuang atbồ Mpồl đơng lam dà lơgar bè rơcang sơndră trồ tiah lơh aniai bơyai lơh pơrjum jal mhar cribơyai ală rơndap broă sơndră mờ càl rbut dờng sồ 8 mờ bơta mìu nhàc dà ko\ dà cò tàm tiah tàm gùl lơgar. Đơs đơng lam tàm pơrjum, Phó Thủ tướng, ồng Trịnh Đình Dũng sồr ală anih lơh broă pal tơrgùm jơh nùs sơndră mờ mìu càl rbut dờng sồ 8 mờ bơsong jơnau gơ lời wơl bơh mìu dà ko\ dà cò tàm ală tiah, ngan là ală càr Quảng Bình, Quảng Trị tu\ làng bol gam gơtìp ua\ ngan kal ke.

Phó Thủ tướng sồr pal gàr niam ờ do ờ dă ală ơhò, plung, làng bol, broă lơh sa kă bro tàm dà lềng in. Jơh ală tiah geh gơ rềng pal bơt bơtàu rơndap broă sơndră wơl, lài ngan là ntrờ` làng bol dô pleh lài mờ tu\ càl rbut dờng tus hờ ù gờl; rơcang lài ală rơndap broă sơndră mờ mìu dà ko\ dà cò. Sền gàr broă lơh sa, ală anih nhơl chờ, kàl lơh sa. Pal tơrgùm bơsong, ờ lời kòp bơ tờp gơlik geh tu\ dà ko\ dà cò gơ hoài soat.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định