Ngai lơi kung tam gơl mờ bơsir pa: 15/8/2020

VOV4.K’ho- Ồng Kim Jong-un Kuang đơng lam bồ lơgar Triều Tiên pa sồr sang te\ kơrnoat wàng se kơryan tàm thị trấn Kaesong mờ ală tiah gùt dar nàng kờ` kơryan kòp Covid-19 lơh bơtờp.

Lài hơ\ tàm nhai 7 pa do, kuang bàng geh gơnoar lơgar Triều Tiên dê neh tơnguh bơta jal mhar tus khà jơnhoa ngan rlau jơh gơ wèt mờ Kaesong tơnơ\ tu\ dùl nă cau pin bơtờp virus Sars CoV-2 lòt gan tiah nhàr lơgar tam cah đah 2 bồt Triều Tiên nàng rê hờ hìu.

Bal mờ broă ờ lơh krà` kơrnoat wàng se kơryan, ồng Kim Jong-un đơs nền broă gròi sền tiah nhàr lơgar pal geh lơh kơ\ kơl jăp sùm.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng