Nhiv kruôr đhâu, ntơưv jiês cơưv chuyên đề 18, Hôiv đôngx tỉnh Sơn La, khóa 15, ntu 2021-2026 tưz sêiz shuôk, thôngz đhâu dưv thảo nghị quyết lok cuêz tênhv tsưr ziv yưv pênhr cxiv tsa uô ntu cêr muk chênhr Hòa Bình-Mộc Châu, ntu đhâu thax tsav tỉnh Sơn La. Dưv anr cêr muk chênhr Hòa Bình-Mộc Châu, ntu đhâu Sơn La tâu Ủy ban tỉnh Sơn La hêik Chinhr phuv tso chêi kriz uô yưv pênhr Dưv anr lơưr tsưr ziv uô yênhx ntu. Hâur co, ntu 2024-2028 zuôr uô cêr txâuk trâu oz hax yêz muk, muôx têx qơư trâu chor yêz đrêk sêi tsik so, pâux nzir plas uô cêr lơưr tsưr ziv txâuk trâu 4 hax yêz muk. Ntu 2031-2025 zuôr yưv pênhr uô cov tiêr ntu cêr muk chênhr no trơưk tsưr ziv tưz tso tơưv./.

VOV-Ly dịch đọc

Hnuz hội kriê shux xênhz xêir tsov têx ngênhx cơưv hâur shông 2024 zos ngênhx zoz zux tỉnh Lào Cai tsưr tsix, tưz paz trâu shux xênhz xêir tâu têx ngênhx cơưv trơưk siêz nhiêv. Hnuz hội muôx 3 cxênhz ntâu lênhx shux xênhz nhoz 9 huyện, TP, thị xã hâur tỉnh Lào Cai mnôngs hêik kriê lok têx ngênhx zuk nhiêv cơưv. Đhâu mnôngs têx hêik kriê, chor shux xênhz muôx six hơưv tâu buôk ti heik kriê ntơưv têx tsêr cơưv Đại học, học viện, tsêr cơưv kriê uô hâux lưv thiêz doanh nghiệp xeir zuôr nênhs lox tôngv li zuôr xar 30 qơư piêr kriê uô cxuô zav hâux lưv. Zơưv Nguyễn Thế Dũng, Phưv Giám đốc Sở zoz zux tỉnh Lào Cai hêik pâuz:

“Shông no tsênhv muôx iz kror txơưr, co tsi tiêk kriê trâu chor shux xênhz lớp 12 xưz, tsênhv muôx lok six chôngz lênhx shux xênhz cxênhx 2 nhoz cxuô huyện cux tuôx hur si, chor nhuôs tâu mnôngs, tâu hnor chiê xeir tsov qơư cơưv, tsêr cơưv trâu zuk hâur ntu zuôr txos, muôx têx zos tsêr cơưv chuyên lok sik tsêr cơưv mênhx cxưx tỉnh, têx tsêr cơưv cxênhx 3 txơưr đuô, tsêr cơưv kriê uô hâux lưv cux zos iz kro jông hâur ntu nhiv no”./.

An Kiên-Riê Lâux cxeik, nhênhv

Nthuôr uô cêr lov jêv lok têx vênhx huôv mênhx cxưx Thái zos iz kror hax huv du lịch yiêz jông nhoz hâur chor huôx tôngv Shông Du lịch têz qơưk-Điện Biên thiêz Ntênhk hôiv pax lâus shông 2024. Jiês nthuôr uô cêr lov jêv zuôr tâu uô muôx 37 phênhz đros muôx 13 ntu piêr txos lịch sử txix thâuv piz cxiv tsa thax tsav qơư Mường Then yênhx oz kror qơư txos thâuv yênhx têx jêx jok tsâu sor, pêx xênhv uô tsâus ntux tưz paz thiêz thor trâu jêx jok muôx luz nênhx jông, uô tâu nox tâu hnar. Hâur co zuôr muôx ntâu ntu hêik tsênhz mênhx txos mênhx cxưx Thái Tây Bắc li têx chax chês vênhx huôv jông; hêik txos cêr gâux đrâus jông nhoz lênhx hluôk tuz Lú thiêz lênhx nxêik Ủa; têx suôz trax suôz gâux jông muôx nhoz Tây Bắc, chor hluôk tuz hluôk nxêik sik đros đhie pax vuôs, uô si lov jêv. Xor xưv tâu vav tiêk zuôr paz trâu tsôngv kruô sêiz pov tâu têx kror yiêz jông, nzor zos yênhx iz kror hax huv du lịch jông muôx nhoz ntơưv tỉnh./.

Vũ Lợi-Lik Thox cxêik nhênhv

Đhâu thâuv txeik tâu mông heik pâuz lok Lò Văn Hại, xênhz shông 1993, nhoz jok Noong Hẻo 1, xã Noong Hẻo, huyện Sìn Hồ, tỉnh Lai Châu trâul tuôs tsi pâuz tsênhz qir tiv, tâu chox lok uô đaz uô kruô ntơưv qơư, Công an tỉnh Lai Châu tưz choz trâu Phongx Cảnh sát hình sự, Phongx kỹ thuật hình sự đros Công an huyện Sìn Hồ xav jênhv thiêz qênhz yuôx shuôs. Đhâu qênhz yuôx heik pâuz, txix hnuz 25/2, Lò Văn Hại muk uô jos krêz yâu cuz tsi trơưk chei trâu zơưv Lò Văn Ương, xênhz shông 1975, nhoz xã Noong Hẻo, huyện Sìn Hồ. Thâuv 5 six tsâuk ntux hnuz xiêz 08/3, ntơưv qơư krêz yâu cuz tsi trơưk chei ntơư Lò Văn Hại tưz trâul plav tơư pôngz trâu iz luz kror tsuô toz, trâul tuôs ntơưv qơư. Txos 9 six tsâuk ntux đros hnuz, chuôz zis mul tok lol tsêr thiêz hnuz tov kaz li uô đaz uô kruô trâu Lò Văn Hại. Nhiv no Cơ quan Cảnh sát qênhz yuôx, Công an tỉnh Lai Châu tsênhv tror qênhz yuôx chiê uô tsênhz mênhx. Iz chas ntơư, cux tror qênhz yuôx, uô tsênhz mênhx têx cêr cxâuv txơưr đuô chiê muôz tik cêr cxâuv trơưk chei têz qơưk cui tinhv./.

Khắc Kiên-Riê Lâux cxeik, nhênhv