VOV4.Bahnar - Pă 1 giĕng dơ̆ng hŏk tro lơ̆m teh đak pơdơ̆h hŏk. ‘Nâu jĭ khei ‘năr đe hơiŏh đei ngôi pơchơt đơ̆ng rŏng 1 sơnăm hŏk pơhrăm gleh hrat, mă lei kŭm jing khei ‘năr tôch lap hăm đe mĕ ƀă yoa athei vei lăng kon hơ ‘lơ̆p hai, năm choh jang hai. Yoa thoi nŏh, dôm anih jang kơpal, mă loi jĭ đe đoàn viên druh dăm, đei hơnăp jang tôch gĭt kăl vă pơgơ̆r ngôi pơchơt pơyan he ăn đe đoàn viên păng đe hơioh. Pơm tông giĕng ‘nâu pơma truh tơdrong ‘nâu.