VOV4.Bahnar - Jĭ grŏnh oei tơpŏh tôch hơmơt tơ̆ lơ dêh char, plt lơ̆m teh đak. Tơ̆ tơring Tây Nguyên dôm dêh char Gia Lai, Đắc Lắc, Lâm Đồng... kơsô̆ bơngai jĭ grŏnh oei tŏk hơnơ̆ng rim năr. Tơdrong tơm ‘nŏh yoa mĕ ƀă lăng pơhơi, lơ sơnăm yoa đơ̆ng jĭ covid ưh đei pơm kiơ̆ trong ƀet vắc-xin ăn đe hơioh. Anih tơm vei lăng jang pơgang hlôi pơjing 6 khul chă hơlen năng, pơtho tơƀôh trong tang găn jĭ păng tơlĕch trong ƀet vaccine tang găn jĭ grŏnh lơ̆m khei 3 âu ki, mă lei tơdrong kăl hlŏh jĭ, rim unh hnam athei đei đon tang găn jĭ grŏnh ăn đe hơioh. Pơm tông năr ‘nâu nhôn pơma nuh găh tơdrong ‘nâu.

VOV4.Bahnar - Tây Nguyên oei vă mât lơ̆m pơyan tŏ phang pơđang, mă lei hăm tơdrong vang bơ̆jang đơ̆ng rim kon pơlei păng tơdrong tơgŭm đơ̆ng khul kơdră pơgơ̆r, bơ̆n gơ̆h găn ƀiơ̆ tơdrong hiong răm đơ̆ng tŏ phang. Mih ma duch nă athei ‘mơ ‘met đak, pruih đak kiơ̆ đing kơtoh, kôch hơmet hơbong, dơnâu đak păng tơplih ming ‘long pơtăm mă lăp.

VOV4.Bahnar - Man tơgŭm hnam, sut pơđĭ hnam hiăh hiok ưh lăp 1 trong jang gĭt kăl vă vei lăng ‘lơ̆ng tơdrong arih xa tơpôl đơ̆ng Đảng păng teh đak đĕch, mă oei jing đon hơmĕng kơ mĭnh tơdrong arih xa hiôk sơđơ̆ng, ‘lơ̆ng rŏ ăn dôm unh hnam pơmat tat dơ̆ng. Đei tơdrong pơngơ̆t đơ̆ng Teh đak, tơdrong vang tơgŭm đơ̆ng rim anih jang kơpal păng tơpôl kon pơlei, rơbâu tŏ hnam man kơjăp ‘lơ̆ng oei vă tơplih ăn dôm bơbŭng hnam gia, hiăh hiok, tơgŭm ăn kon pơlei đei anih oei xa kơjăp ‘lơ̆ng, jang tŏk mŭk drăm. Pơm tông năr ‘nâu đei hơnăn "Vang tơgŭm man hnam vă sut pơđĭ hnam hiăh hiok" tơƀôh jơhngâm đon ‘mêm băl, tơgŭm băl đơ̆ng kon pơlei dôm hơdrĕch hơdrung tơ̆ Tây Nguyên.

VOV4.Bahnar - Khei 3 Tây Nguyên đei năng jĭ “pơyan ‘lơ̆ng hlŏh lơ̆m sơnăm”, hlôi mât lơ̆m tơdrong chih pơđơ̆k, ƀai hơri, rup čhơ̆. Khei 3 sơnăm ‘nâu, ưh lăp hưch hanh vă tơƀlŏk dơ̆ng 50 sơnăm Tơblăh jơnei Buôn Ma Thuột, kon pơlei dôm hơdrĕch hơdrung Tây Nguyên oei chơt hơiă pơgơ̆r Lêh Cheh phe Buôn Ma Thuột ‘măng mă 9 dơ̆ng. Bơngai Tây Nguyên ling lang hưch hanh hăm tơdrong jang kăch mang păng ƀôh čhôk ‘nă jĭ tơring pơtăm chĕh phe đei ư hơnhang jơ̆p apŭng plenh teh.

VOV4.Bahnar - Hrei ‘nâu, tơ̆ 1,2 tơring hơtăih yăih, tơring kon kông tơ̆ Tây Nguyên, kơsô̆ unh hnam đei hnam hum, hnam chă pơyơ̆ng rơgŏh 'lơ̆ng oei lăp tŏ sĕt đĕch. Yoa thoi noh, kăl roi tơƀôh ăn kon pơlei băt hơdăh tơdrong gĭt kăl đơ̆ng vei lăng cham char arih xa rơgŏh 'lơ̆ng. Rim unh hnam athei đei hnam hum, hnam chă pơyơ̆ng rơgŏh 'lơ̆ng vă vei lăng anih oei xa 'you rơgoh, pơm hơtŏk jơhngâm pran ăn kon pơlei. Pơm tông năr 'nâu pơma nuh găh tơdrong 'nâu.

VOV4.Bahnar - Kum hăm 52 dêh char, plt nai lơ̆m teh đak, Lêh pơjao linh sơnăm 2025 tơ̆ tơring Tây Nguyên pơgơ̆r lơ̆m ‘năr 13/2/2025 âu ki (jĭ ‘năr 16 khei 1 âm sơnăm Ất Tỵ). Jơhngâm đon chơt hơiă ƀât năr pơm linh păr ang jơ̆p pơlei pơla, truh hăm rim unh hnam đei bơngai năm pơm linh, vă bơ̆ jang tơiung pơjing păng vei lăng teh đak. Pơm tông năr ‘nâu đei hơnăn “Năr năm pơm linh” tơƀôh hơdăh jơhngâm đon tơnăp, chơt hơiă ‘nă hal đơ̆ng đe druh dăm năm pơm linh păng tơdrong hưch hanh đơ̆ng tơring Tây Nguyên đei ƀĕnh tơdrong juăt jang kăch mang.

VOV4.Bahnar - Tây Nguyên oei vă mât lơ̆m pơyan phang. Đơ̆ng rŏng kơ dôm năr pơdơ̆h Têt Nguyên đán, hlơ hlĕng tŏ pơ̆ng kơ̆l, tơdrong pruih đak, vei rong ‘long pơtăm tôch gĭt kăl, mă loi jĭ hăm ‘long cheh phe. Mă lei, oei đei lơ bơngai “xa têt hlŏh tơdrong”, mă loi hăm đe drŏ nglo nŏng kơ et tơdrô, gô kơdroh oei tam mă ‘mĕh năm jang mir na ‘mơ̆i. Pơm tông năr ‘nâu đei hơnăn “Đĭ têt bơih, jăh năm mir năm”, pơma nuh găh tơdrong ‘nâu.

VOV4.Bahnar - Năr ‘nâu jĭ ‘năr 27/12 âm, Tết Nguyên đán Ất Tỵ vă jê̆ truh bơih. Kŭm hăm kon pơlei Việt Nam tơ̆ jơ̆p tơring lơ̆m teh đak, khei ‘năr âu ki, dôm tơdrong jang vei lăng ‘lơ̆ng tơdrong arih xa lơ̆m tơpôl hơnơ̆ng hue lăng truh tơ̆ đe mih ma duch nă tơ̆ tơring hơtăih yăih, tơring sơlam kơ dôm dêh char Tây Nguyên. Tơdrong năm ngôi, hơpăh tơmam Têt ăn kon pơlei đei pơgơ̆r tôch ‘lơ̆ng, vă pơm ăn rim bơngai đei sơng xa Têt chơt hơiă ‘nă hal, ƀĕnh jơhngâm đon ‘mêm băl. Pơm tông năr ‘nâu pơma nuh găh tơdrong tôch hơiă âu.

VOV4.Bahnar - Tơdrong arih xa hrei ‘nâu roi pơdrŏng đei ƀôh, tơdrong răt gre hon đa hăm mih ma duch nă tơ̆ dôm pơlei pơla hơtăih yăih, tơring kon kông ưh pă đei măh pơmat dêh bơih. Mă lei đon vei lăng gre lơ̆m hnam tơnŏ hơnơ̆ng jing tơdrong kăl kơ pơma truh. Lơ mih ma duch nă mưh răt đei gre ‘nŏh ưh kơ đei vei lăng ‘lơ̆ng, lê̆ kon hơ ‘lơ̆p tam tôm sơnăm, ưh đei ƀăng huơ̆r gre… mă iŏk gre hao kơdâu tơ̆ trong tôch hơmơt.

VOV4.Bahnar - Tơdrong arih xa chăl hle hrei ‘nâu hơnhăk ba lơ tơdrong đei yoa, mă loi jĭ tơdrong tĕch mơdro lơ̆m mang internet. Lăp kăl đei jên, ngôi kơtă tơ̆ hnam bưh bơ̆n gơ̆h răt iŏk tơmam đơ̆ng rim teh đak lơ̆m apŭng plenh teh. Mă lei “ƀât lăp kŭm đei tơdrong ưh hơiă ‘năi”, yoa đei lơ bơngai pŭh ƀơm nơ̆r đe hơlĕnh pơdăr mưh răt tơmam online, kơna bơ̆n athei kơchăng hăm tơdrong ‘nâu. Mă loi ƀât hơtuch sơnăm, vă jê̆ têt, lơ bơngai pơm yoch hơnơ̆ng chă trong hơlĕnh pơdăr vă iŏk pơgâm jên đe.