VOV.Bahnar - Pơyan pơdơ̆h he jĭ jơnăr đe hơioh pơdơ̆h ngôi đơ̆ng rŏng 1 sơnăm hŏk pơhrăm. Mă lei, lăp dôm khei âu ki, tơ̆ Tây Nguyên đĭ đei hlŏh 20 ‘măng glơ̆k kơ đak, bơngai răm ‘nŏh tơtă đe hơioh ngăl. Tơ̆ dôm tơring tơrang, tơring hơtăih yăih, ƀât bơngai ‘lŏ, bơngai kră hăt choh jang mir, đe ‘lơ ‘lơ̆p chă pơm ngôi kơdih, chông băl jur hum tơ̆ đak krong, tơ̆ dơnâu đak, đơ̆ng noh jing đei tơdrong lôch glơ̆k tôch kơ mơnat. Pơm tông hơtuch giĕng năr ‘nâu đei hơnăn: "Lê̆ ăn pơyan pơdoh he jing tơdrong ơh sơ ‘ngon" jĭ nơ̆t tơbăt găh tơdrong ‘nâu.

VOV.Bahnar - Hơnih mạng tŏk bŏk pơih ăn lơ tơdrong hiôk vă roi tơƀôh dôm kơjă kăp gĭt joh ayŏ joăt joe truh hăm lơ lap tơpôl. Lơ buăl mơlôh hlôi tơgĕch iŏk yua mạng tơpôl vă păr ang tơdrong hơri brông, nơ̆r pơma păng tơdrong ‘lơ̆ng hơiă kơ hơdrĕch hơdrŭng kơdih. Lơ̆m pơm tông tơ̆ hơla âu, hơvơn kơmih ma duch nă păng bôl buăl vang răp mơ̆ng tơdrong tơroi găh tơdrong hơnhăk hơri brông truh jê̆ hloh hăm rim bơngai ‘moi kiơ̆ mạng.

VOV.Bahnar - Tơdrong hiôk chơt lơ̆m ŭnh hnam ƀơ̆t lăp ưh kơ oei tơ̆ dôm tơdrong tih đĕch, mă đei tơ̆ lơ̆m tơdrong hlôh băl păng tơgŭm, pơdŏng băl dôm tơdrong jang hmă rim năr. Đơ̆ng rŏng dôm jơ năm tơ̆ mir gleh lap, lei tơpang ti đơ̆ng drŏ nglo hăm vă chu vang pơdŏng pŭ trăp kŭm hăm hơkăn ưh? Ƀlep ƀơ̆t năr Ŭnh hnam Việt Nam 28/6, hơvơn kơmih ma duch nă păng bôl buăl vang mơ̆ng pơm tông: “Mĭnh pơbŭng hnam, 2 tơpang ti”.

VOV.Bahnar - Đơ̆ng mĭnh pôm brŏ joăt joe truh điên thoăi hơgei hrei ‘nâu, trong kon pơlei gơh băt tơdrong kơtơ̆ng ang đĭ đei lơ tơplih. Mă lei mă đơ̆ng tơ̆ hơyuh pơre nơ̆r dăh mă lơ̆m hơnih kơmăy kơsô̆, dôm bơngai jang chih hla ar tơroi oei ling lang hơdrin hơnhăk tơdrong kơtơ̆ng ang trŏ lăp, đei yua truh hăm kon pơlei. Ƀlep ƀơ̆t năr tơbăt 101 sơnăm Năr Hla ar chih tơroi Kăch mang Việt Nam, hơvơn kơmih ma duch nă păng bôl buăl vang mơ̆ng pơm tông "Đơ̆ng nơ̆r pơre lơ̆m Radio truh kơmăy kơsô̆”.

VOV.Bahnar - Jơhngâm pran jĭ tơdrong kăp gĭt hlŏh kơ rim bơngai, rim unh hnam. Mă lei jĭ jăn dăh mă pơ̆k rơka đei ưh lai gơ̆h băt hơdrol. Yoa thoi noh vang răt ƀao hiêm pơgang ‘nŏh jĭ trong tơgŭm ăn kon pơlei đei vei lăng jơhngâm pran ‘lơ̆ng ƀiơ̆ păng tơjur ƀiơ̆ jên khăm hơmet jĭ. Hơpơi kơmih ma duch nă păng bôl boăl mơ̆ng nhôn pơm tông: “The iĕ – Đei yoa tih”.

VOV.Bahnar - Tơdrong pơgơ̆r pơdong ƀŭ mơmat, et sa đunh năr, chă tĕch mơdro kơdih, pơih brŏ re tôch kơ dêh tơ̆ 1,2 pơlei pơla tŏk bŏk pơm tơhiong 1 lơ̆m dôm kơjă kăp gĭt ‘lơ̆ng kơjă lơ̆m tơdrong joăt so păng pơm brăh brư, ƀơm ưh kơ ‘lơ̆ng truh tơdrong hơrih tơpôl. Pơm tông hơtuch giĕng năr ‘nâu đei hơnăn “Chĕp vei tơdrong ‘lơ̆ng – Chơ̆ng lê̆ tơdrong ưh hơiă” tơƀôh hơdăh tơdrong kăl hloh đơ̆ng tơdrong pơm kiơ̆ tơdrong hơrih ‘lơ̆ng hơiă lơ̆m tơdrong pơdong ƀŭ, vei tơdrong ‘lơ̆ng, ‘mơ ‘met păng hơtŏk dôm tơdrong ‘lơ̆ng hơiă joh ayŏ kơ pơlei pơla.

VOV.Bahnar - Hơioh ling lang kăl đei ‘mêm kơ eng păng vei lăng. Mă lei lơ̆m tơdrong hơrih sa rim năr, lơ mĕ ƀă yua hăt kơ jang sa mă ƀơ̆t lăp hiơt kơ ‘măn jơ năr ăn kơ kon hơ ‘lơ̆p. Mĭnh tơmam hơpăh kăl ‘măn ăn kơ đe hơ ‘lơ̆p ưh khan lăp hơbăn ao ‘nao dăh mă ƀĕng keo, mă oei jing tơdrong ngôi hơdai, vang tơgŭm păng dôm nơ̆r pơlung ‘lơ̆ng đơ̆ng ŭnh hnam păng tơpôl. Pơm tông “Tơmam asong ăn đe hơioh” tơroi găh tơdrong ‘nâu, hơvơn kơmih ma duch nă păng bôl buăl vang mơ̆ng.

VOV.Bahnar - Tŏk bŏk pơyan tŏ tôch kơ dêh tơ̆ Tây Nguyên, ‘năr tŏ pơdui đunh pơm ăn ‘long pơtăm jô hŏnh, đak roi ‘năr roi hrơ̆ đĭ, lơ kon pơlei oei răp gô lơ̆m “apĭnh đak ‘mi” nhen 1 đon lui joăt joe. Hơdai hăm ‘noh jĭ tơdrong sir iŏk đak luh lah, soh mir ưh kơ đei vei lăng păng tơ jur hơgăt teh bri tŏk bŏk pơm ăn tŏ phang pơđang sa roi dêh dơ̆ng. Pơm tông hơtuch giĕng năr ‘nâu tơroi kơ tơdrong ‘nâu păng trong jang kơchăng pơm lăp păng vei lăng tu đak, ‘long pơtăm mă kĕ yak hloh pơyan tŏ, păng tơdrong jang sa mă đei vei sơđơ̆ng kơjăp.

VOV.Bahnar - Pơyan tŏ hŭl hang, kŭm jing ƀơ̆t hơioh đa ‘meh chă ngôi tơ̆ dôm thong đak, dơnâu đak, dui ba hơmơt kơ glơ̆k, sar bar ơh sơ ‘ngon... Tơpă yan âu ăn ƀôh, tơdrong pơm pơhơi đơ̆ng bơngai ‘lŏ, lê̆ hơioh chă pơngôi măk ai tơ̆ dôm hơnih krê hơmơt gô hơnhăk truh dôm tơdrong răm jơhngơ̆m ưh kơ hiôk. Tơ̆ hơla âu, hơvơn kơmih ma duch nă păng bôl buăl vang mơ̆ng pơm tông “Pơyan pơdơh he sơđơ̆ng ‘lơ̆ng ăn hơioh”.

VOV.Bahnar - Năr ‘nâu 26/4, vă khan ‘năr 10/3 sơnăm Bính Ngọ - kŭm hăm jơ̆p lơ̆m teh đak lăng găh Soi kơ Hùng Vương, tơdrong pơgơ̆r lêh păr ang jơ̆p Tây Nguyên păng tơter đak dơsĭ Nam Trung Bộ hăm lơ tơdrong jang joh ayŏ - chă tơmang lăng ‘lơ̆ng hơiă. Dôm tơdrong jang joh ayŏ tơƀôh kơjă kăp gĭt tơm a, jơhngơ̆m đon tơgoăt tơgoăl păng tơdrong mơ̆t hơdai đơ̆ng “bri kông păng đak dơsĭ”. Pơm tông “Tơm a kơ bri kông păng đak dơsĭ” hơvơn kơmih ma duch nă păng bôl buăl vang mơ̆ng.