VOV.Bahnar - ‘Măng ‘mi tih đak lơ̆p âu ki tơ̆ tơring găh Pơbăh kơ tơring Tŏk bŏk păng Tây Nguyên hlôi pơm ăn lơ bơngai lôch răm, đak jroh hoch mŭk tơmam, pơm ăn lơ ŭnh hnam hiong pơgoh, hơioh hơrih hơdrô̆, ưh kơ đei bơngai oei hơdai, pơlei pơla hiong răm đĭ. Hăm tơdrong pơgơ̆r hăt hot đơ̆ng Đảng, Khŭl kơdră teh đak, tơdrong mơ̆t jang đơ̆ng khŭl lĭnh kơpal, Mặt trận Tổ quốc păng dôm khŭl grŭp, kŭm hăm kon pơlei lơ̆m teh đak hlôi tơtom tơgop, tơgŭm kon pơlei tơring đak lơ̆p jăh tơiung ming tơdrong hơrih sa.

VOV.Bahnar - Đơ̆ng rŏng ‘mi tih pơdui đunh pơm ăn tơdrong phĕ păng sơ̆k cheh phe đơ̆ng kon pơlei tơƀơ̆p lơ pơmat tat. Kiơ̆ đơ̆ng noh ăn ƀôh, tơdrong pơm tơlĕch iĕ, răh rai roi ‘năr roi ƀôh ưh kơ ‘lơ̆ng, athei tơlĕch ăn ‘noh jĭ kon pơlei jang chŭn mir kăl kơ tơplih trong jang, lăng kăl hơtŏk ‘lơ̆ng tơmam, hơdai hăm vang jang tơdrong jang hơp tak xăh vă jang hơdai pơm tơlĕch, tĕch mơdro kiơ̆ trong jang. ‘Nâu đei lăng jing trong năm kơjăp tơgŭm kon pơlei sơđơ̆ng anih tĕch, hơtŏk kơjă tơmam choh jang sa tơ̆ hơnăp tơdrong tơplih đơ̆ng anih tĕch mơdro.

VOV.Bahnar - Dôm năr âu, tơring Tŏk bŏk oei kơrŭn jơhngơ̆m lơ̆m ‘măng ‘mi kial hơbŭt, lơ tơring đak lơ̆p, hnam oei păng chŭn na đei đak jroh. Hue lăng truh tơring đak lơ̆p, kon pơlei Tây Nguyên vang tơgop tŏ sĕt phe, tŏ sĕt ƀum, pơtruh jơhngơ̆m đon vang tơgŭm. Hơvơn kơmih ma duch nă păng vang mơ̆ng “Jơhngơ̆m đon ‘mêm đơ̆ng bri kông pơtruh ăn tơring hiong răm đơ̆ng ‘mi tih pơrăm” – tơroi truh tơdrong ‘lơ̆ng găh jơhngâm đon hơnơ̆ng ‘mêm băl đơ̆ng kon pơlei tơ̆ tơring groi kông.

VOV.Bahnar - Et hât hăm et tơdrô phă jơhngâm pran tôch dêh, sư pơm tơlĕch lơ tơdrong jĭ krê hơmơt dơ̆ng. Đe mih pơla, ma pơlei athei hŭt lê̆ dôm tơdrong juăt kơnê̆ âu, kơchăng khăm hơlen năng jơhngâm pran tơ̆ hnam pơgang vă gơ̆h đei jơhngâm pran 'lơ̆ng, arih xa hơdai hiôk chơt hăm unh hnam păng pơlei pơla.

VOV.Bahnar - Lơ̆m tơdrong choh jang hrei ‘nâu, tơdăh lăp pơmơ̆ng kiơ̆ lơ̆m tơdrong hlôh vao ƀok yă tơƀôh ăn, jang kiơ̆ trong joăt so ‘noh hơnat kĕ pơm pơdrŏng. Hrei ‘nâu, kon pơlei jang chŭn mir ưh khan lăp pơnam đĕch mă oei athei băt jô̆ hơlen, băt jang hơdai, băt pơm tơlĕch kiơ̆ ‘meh vă đơ̆ng anih tĕch mơdro. ‘Meh đei pơyan jang iŏk yua lơ, athei tơplih đon tơchĕng, trong jang đơ̆ng jang pơyua ăn kơdih jing pơm tơlĕch tơmam, đei hla ar pơkăp răt pơđĭ, vei sơđơ̆ng ‘lơ̆ng. Pơm tông “Tơplih ming đon tơchĕng - Jang sa roi đei” pơma dơnuh tơdrong ‘nâu.

VOV.Bahnar - Tơ̆ rim pơlei pơla, lơ bơngai oei joăt tơchĕng: drŏ nglo bơngơ̆t tơdrong tih - năm mir, năm tơ̆ bri; oei drŏ kăn ‘noh pơvĭnh ƀât por ‘nhot, vei lăng, bơngơ̆t rim tơdrong lơ̆m hnam. Mă lei hrei ‘nâu, ƀơ̆t tơdrong hơrih sa tơplih, bơngai drŏ kăn kŭm pŭ trăp, kŭm năm tơ̆ mir, kŭm gleh hrat, mă lei brŏk tơ̆ hnam oei hơngŭr hơpuih hơmet hnam, vei lăng kon, pai por ‘nhot... đơ̆ng hrôih truh măng oei ưh kơ đĭ tơdrong. Pơm tông Vang pơvih por gŏ, hnam dơnŏ hiôk chơt” gô ba bơ̆n truh hăm tơdrong tơroi kơ bre klo kăn mĕ Brinh păng ƀă Brinh, vă vang tơchĕng găh tơdrong mơnat păng vang tơgŭm ‘mêm băl lơ̆m hnam dơnŏ.

VOV.Bahnar - Tơ̆ pơlei pơla, tơdrong hơrih sa adrol sơ̆ hiôk hơđơ̆ng, dang ei ‘noh ma túy oei truh pơrăm tơdrong hơrih sa kơ 1,2 hnam tơnŏ tơring kon pơlei kon kông. Tơ jê̆ âu kŏng an hlôi chă ƀôh, rôp vei đe tơdăm păh iung tơ̆ pơlei pơla ƀơm truh tơdrong vei răk, et ma túy. ‘Nâu jĭ nơ̆r tơbăt ăn rim đe mĕ ƀă athei bơngơ̆t truh tơ̆ kon hơ ‘lơ̆p. Pơm tông “Ma Túy: Ưh đei et pơlong năng ‘nŏh huei kơ ơh jơhngâm!” jĭ nơ̆r krao hơvơn tơpôl pơma ưh hăm ma túy, vei lăng hnam tơnŏ, pơlei pơla hiôk hơđơ̆ng, ‘lơ̆ng hơiă.

VOV.Bahnar - Hrei ‘nâu, điên thoăi hơgei đei internet tơgŭm bơ̆n tơgoăt hrĕnh, chă lăng ngôi hiôk, mă lei ƀơ̆t lăp kŭm pơm ăn dôm tơdrong hơtăih ưh kơ băt đơ̆ng mĕ ƀă păng kon hơ ‘lơ̆p. Thoi noh tơdrong kiơ gô đei ƀôh mưh dôm bơngai lơ̆m ŭnh hnam vang mơ nơh kơ pơih lăng mạng”? Hơvơn kơmih ma duch nă păng bôl bual vang mơ̆ng pơm tông “Mưh oei sŏng xa ‘nŏh ưh gơh lăng điên thoăi!”

VOV.Bahnar - Pơm tông “Kon hŏk ‘mơ̆i na hơgei” tơroi truh tơdrong pơma nuh đơ̆ng 2 ‘nu ƀă Tây Nguyên găh tơdrong ăn 2 ‘nu kon hŏk dơ̆ng dăh mă vă iŏk ŭnh hnam, pơm pô̆ băn. Pơm tông pơtruh nơ̆r pơma: hŏk ưh khan lăp vă băt gơh chư đĕch, mă vă hơrih ‘lơ̆ng, vă pơm tơ ‘ngla tơdrong hơrih ƀât tŏk bŏk khei ‘năr đei lơ tơdrong tơplih.

VOV.Bahnar - Đơ̆ng tơdrong ƀlŏk chơt hơiă pơyan Hla ruih sơnăm 1945, radio pơih tơroi ƀơ̆r Ƀok Hồ pơre nơ̆r Teh đak rơngei hiôk hian, truh tơdrong chhôk ‘nă găh tơdrong tơplih đơ̆ng tơdrong hơrih sa pơlei pơla Tây Nguyên ‘noh jĭ tơdrong tơm đơ̆ng pơm tông “Pơlei pơma Tây Nguyên ang hơdah kŭm hăm teh đak” năr ‘nâu. Pơm tông tơƀôh jơhngơ̆m đon tơgoăt tơgoăl, đon lui gĭt kăl đơ̆ng kon pơlei dôm hơdrĕch hơdrŭng hăm Đảng, teh đak, hơdai hăm pơtruh tơdrong hơ pơi ‘meh jơhnơr mơlôh yak pơtăl dơ̆ng kiơ̆ ƀok yă sơ̆, hơnhăk Tây Nguyên roi ‘năr roi pơdrŏng ‘lơ̆ng, yak tŏk kơjăp lơ̆m chăl ‘nao.