VOV.Bahnar - Bơ̆jang kiơ̆ trong jang đơ̆ng Đảng păng teh đak găh chĕp vei păng tưk tơiung kơjă kăp gĭt joh ayŏ kơ dôm hơdrĕch kon kông, tơdrong tôn chĭng chêng Tây Nguyên tŏk bŏk đei chĕp vei hăm dôm tơdrong jang hơdăh, ‘lơ̆ng lơ̆m tơpôl. Tơ̆ dôm pơlei pơla, đe kră pơlei, ngê̆ nhơ̆n oei hơnơ̆ng pơtho rim er chĭng ăn jơhnơr mơlôh, vă re jơva bri kông ưh kơ đei hiơt hiong tơ̆ hơnăp tơdrong hơrih ‘nao.

VOV.Bahnar - Lơ̆m pơlei pơla, dôm tơdrong chơt nhen et sa tơƀưh năr rơneh, et tŏk hnam dăh mă et sa kơ răt gre roi ‘năr roi lơ păng ƀrư̆ ƀrư̆ jing pŭ trăp ăn lơ ŭnh hnam. Đơ̆ng tơdrong chơt vang tơgŭm băl, tơdrong năm et sa ƀrư̆ ƀrư̆ jing pơm kơhret kon jên păng pơrŏ, pơm ăn tơdrong ‘mêm băl đơ̆ng rông ƀôt đei ưh kơ ‘lơ̆ng. Pơm tông “Đơ̆ng tơdrong chơt jing tơdrong pơngơ̆t” tơroi tơdrong yan âu ‘nâu, hơvơn kơmih ma duch nă păng bôl buăl vang.

VOV.Bahnar - Tơ̆ lơ pơlei pơla Tây Nguyên, tơdrong tơgŭm asong tŏk iŏk jên hăm jên cheh tŏ sĕt pơih đei tơdrong hiôk, tơgŭm kon pơlei hơtŏk tơiung jang sa, sơđơ̆ng tơdrong hơrih sa. Mă lei, oei đei 1,2 ŭnh hnam dơnuh hin tam mă pơ̆n tŏk iŏk jên. Tơdrong tơm pơm ăn gah lơ ‘noh yua đơ̆ng tam mă băt trong jang sa, ưh kơ đei hlôh vao jang sa, hli tơrơ ưh kơ pŭn ai păng ưh kơ băt pơm đơ̆ng yơ. Tơdrong ưh kơ pơ̆n kŭm hăm đon tơchĕng “Tŏk iŏk jên hli kơ pŭ dơ̆ng hre” hlôi pơm ăn tơdrong hiôk klăih đơ̆ng dơnuh hin đei hŭt kơchăng hê̆. Pơm tông hơtuch giĕng năr ‘nâu jĭ nơ̆r tơtă pơtruh hăm mih ma duch nă lui ngeh tŏk iŏk jên, ƀrư ƀrư̆ yak tŏk sơđơ̆ng tơdrong hơrih sa.

VOV.Bahnar - Khei 3 hơnhăk ba jơhngơ̆m đon chhôk ‘nă đơ̆ng sơnăm mơlôh lơ̆m teh đak, lăng truh tơbăt năr pơjing Khŭl hơdruh tơdăm Cộng sản Hồ Chí Minh (26/3) - pơgơ̆r đơ̆ng dôm bơngai mơlôh ƀĕnh jơhngơ̆m đon hơdrin, ling lang iung jang yua kơ tơpôl păng tơdrong hơtŏk tơiung kơ pơlei pơla teh đak. Tơ̆ dôm pơlei pơla Tây Nguyên, kơmâu ao jơk hơdruh tơdăm hlôi păng tŏk bŏk tơgop pơm ‘lơ̆ng trong pơlei, chĕp vei tơdrong ‘lơ̆ng joh ayŏ, pơjing tơdrong hơrih sa roi ‘năr roi phĭ tơnŏ, hiôk chơt. Pơm tông năr ‘nâu đei hơnăn Hơdruh tơdăm jang tơgŭm yua kơ tơpôl, hơvơn kơmih ma duch nă păng bôl buăl vang mơ̆ng:

VOV.Bahnar - Hăm jơhngâm đon chơt hơiă kơ năr pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring jăl jang đơ̆ng 2026 - 2031, đơ̆ng pơlei pơla tơ̆ bri kông Tây Nguyên truh tơ̆ dôm pơlei jang ka tơ̆ tơring tơter đak dơsĭ Nam Trung Bộ, kon pơlei dôm hơdrĕch hơdrŭng chơt hơiă năm bơ̆ jang hơnăp jang kơ dih.

VOV.Bahnar - Tây Nguyên tŏk bŏk hơmet ăn yak mơ̆t lơ̆m pơyan tŏ. Tơ̆ hơnăp tơdra hơdrol gô đei krê hơmơt, tơdrong jang tang găn tŏ phang tŏk bŏk đei khŭl kơdră tơring păng kon pơlei hăt hot tơlĕch jang. Đơ̆ng tơdrong kôch hơmet hơbong thong đak, hơlen lăng dơnâu mong đak, truh krao hơvơn kon pơlei iŏk yua trong tơruih ‘mơ ‘met păng yua đak trŏ lăp... Kơchăng đơ̆ng hrôih, hơmet mă hơlen vă tơjur ƀiơ̆ hiong răm, vei lăng mir ƀa lơ̆m pơyan tŏ vă jê̆ truh ‘noh jĭ tơdrong pơm tông năr ‘nâu.

VOV.Bahnar - Đơ̆ng rŏng kơ Tây Nguyên mơ̆t lơ̆m pơyan tơruih cheh phe. Pơm tông: Jơva re chơt hơiă năr ‘nao” pơtruh nơ̆r pơma, pơlung kon pơlei iung jang sa blŭng sơnăm vă đei mĭnh pơyan cheh phe đei plei lơ. Đơ̆ng rŏng kơ năr Tết, kon pơlei kăl kơ iung jang vei lăng ƀlep khei ‘năr, ưh kơ hơlăh, vang hơdai băl choh jang sa vă iŏk đei mĭnh pơyan jang ‘nao.

VOV.Bahnar - Dôm năr âu, jơ̆p tơ̆ pơlei pơla Tây Nguyên rơ ông rơ ang lơ tơdrong lêh, hơmet ăn sơng Pơyan puih mak ‘nao. Hơdai tơdrong chơt hơiă ngôi hơdai, tơdrong vei sơđơ̆ng tơpôl, veh hơtăih dôm tơdrong pơm glăi lơ̆m tơpôl kŭm jing tơdrong gĭt kăl. Pơm tông “Veh hơtăih kơ ƀâu cua - Têt roi chơt hơiă” gô pơma dơnuh tơdrong ‘nâu.

VOV.Bahnar - Tơdrong čhôk hơiă cheh phe đei plei lơ, đei kơjă măk hơnhăk truh tơdrong chơt hơiă jơ̆p rim pơlei pơla Tây Nguyên ƀơ̆t Têt truh, pơyan puih mak vih. Mă đơ̆ng thoi noh ră, čhôk hơiă pơyan puih ưh kơ sĭ hơchăng lê̆ mir roh. Pơm tông hơtuch giĕng năr ‘nâu đei hơnăn “Đơ̆ng rŏng kơphĕ - athei vei lăng ‘lơ̆ng pơgar cheh phe”, tơtă kơ mih ma duch nă hơnơ̆ng vei lăng ‘long cheh phe đơ̆ng rŏng kơ phĕ, ‘nĕ pơhoach jên brăh brư, kăl kơ tơmơ̆t jên jang, choh pơtăm ƀlep ki thuơ̆t, vă cheh phe ling lang jing ‘long pơm pơdrŏng kơjăp.

VOV.Bahnar - Dôm trong jang, tơdrong tơgŭm đơ̆ng Đảng păng teh đak hơmet pơ ‘lơ̆ng tơdrong arih xa, sut pơđĭ hnam hiăh hiok, tơgŭm ăn tơdrong choh jang xa hlôi ƀôh đei yoa tơpă tơ̆ yăn âu bơih. Hnam man kơjăp ‘lơ̆ng, trong ‘you rơgoh, pơlei pơla phĭ tơtŏ dơno ‘lơ̆ng. Pơm tông năr ‘nâu tơƀôh jơhngâm đon ‘mêm bơnê đơ̆ng kon pơlei Tây Nguyên hăm Đảng păng teh đak, ƀât vă jê̆ năr Têt hăm um ai pơlei pơla ‘lơ̆ng hơiă, jơhngâm hưch hanh vang pơjei băl choh jang, mât 1 ƀơ̆r đon, ưh jor pơlei pơla ning mônh kơnh roi tŏk pơdrŏng ‘lơ̆ng rŏ hlŏh dơ̆ng.