VOV.Bahnar - Tơ̆ Việt Nam, rim sơnăm đei hloh 100.000 ‘nu bơngai lôch yua đơ̆ng dôm tơdrong jĭ ƀơm truh hơ̆t hla. Ư khan lăp thoi noh, 1 ‘yoi hơ̆t đei soh kŭm hơdai hăm tơdrong 1 păh jên hu kơ unh hnam đei pơhoach ưh kơ đei yua kiơ. Et hơ̆t đunh năr gô jing tơdrong joăt hơnat kĕ hŭt. Đei lơ bơngai băt hơ̆t đei pơrăm mă lei oei nŏng kơ et, ƀơ̆t lăp et hloi lơ̆m unh hnam, pơm ăn bơngai lơ̆m unh hnam, mă loi ‘noh jĭ hơioh iĕ, kŭm đei ƀơm ưh kơ ‘lơ̆ng yua đơ̆ng ‘nhui hơ̆t. Hŭt hơ̆t ưh khan lăp tơgŭm vei lăng jơhngơ̆m pran đĕch mă oei ‘mơ ‘met jên păng pơjing cham char hơrih ‘lơ̆ng hloh ăn unh hnam.