VOV.Bahnar - Khul jang kơpal xăh Đăk Pék, dêh char Quảng Ngãi (apŭng Đăk Glei, dêh char Kon Tum so) chă ƀôh, sir iŏk đei 1 kơting linh lôch tang ăn teh đak tơ̆ thôn 16/5.

VOV.Bahnar - Bơ̆ jang “Tơdrong jang 500 măng năr”, dôm năr âu ki, tơ̆ Gia Lai, khul linh công an jang hơdoi hăm khul kơdră tơring păng dôm anih jang đei ƀơm truh pơgơ̆r iŏk kơmẫu ADN kơtum kơtŏng ‘nhŏng oh linh lôch tang ăn teh đak tam mă băt hơnăn. Rim kơmẫu đei iŏk năr ‘nâu ưh lăp kơsô̆ chih răk vă pơyoa ăn tơdrong hơlen đĕch mă oei pơjing dơ̆ng 1 tơdrong hơmĕng lê̆ dôm unh hnam hlôi gô chang dôm jĭt sơnăm âu ki gơ̆h đei dơ̆ng tơdrong ‘lơ̆ng vă chă ƀôh kơtum kơtŏng, ‘nhŏng oh kơdih.   

VOV.Bahnar – Jơnŭm pơgơ̆r pơm jang "Tơdrong jang 500 măng năr chơ chă sir kôch, păng pơkăp hơnăn măt ăn linh lôch tang" dêh char Đăk Lăk pơgơ̆r hop akŏm 'măng mă mônh, drơ̆ng nơ̆r gah Trong pơm jang, asong tơdrong jang ăn rim bơngai jang lơ̆m khul păng tơlĕch chơ chă sir kôch lơ̆m dêh char.

VOV.Bahnar - Dôm jĭt sơnăm đơ̆ng rŏng lĕch đơ̆ng pơm ƀô̆ đô̆i, lơ ƀô̆ đô̆i rơka, ƀô̆ đô̆i jĭ jăn tơ̆ Đắk Lắk oei hơngŭr tơ̆ rim mir pơgar chehphe, sâu riêng, tiu. Yak hloh tơdrong jĭ jăn, đe sư ưh khan lăp tơ iung pơjing mŭk drăm ŭnh hnam mă oei plang ăn teh pơm trong, pơtho tơbăt dih băl trong jang sa, tơgop jơhngơ̆m tơ iung pơjing tơring tơrang ‘nao păng khul kơdră chĕp pơgơ̆r tơring. Dôm ƀô̆ đô̆i so tŏk bŏk hơnơ̆ng plang ăn jơhngơ̆m đon lơ̆m tơdrong choh jang sa păng tơ iung pơjing pơlei pơla.

VOV.Bahnar - Dêh char Quảng Ngãi tŏk bok tĕnh koăng pơm pơkeh hnam trương, tơmơ̆t dơ̆ng khul ƀok thây kô pơtho păng atŏk kơtang iung jang ming man rim hnam trương, sơđơ̆ng ‘lơ̆ng hơ iă vă hŏk tro mơ̆t hŏk lơ̆m sơnăm hŏk ‘nao.

VOV.Bahnar - Hơnih vei lăng Hnam trương pơtho pơhrăm dêh char Đắk Lắk tŏk bŏk iung jang hơdoi hăm rim tơring tơ iung pơjing trong jang krao mơ̆t hok, pơm pơkeh trong iung jang oei sa kơtă, oei sa kơ ‘năr dơ̆ng tơ̆ 3 hnam trương jăl mĭnh ƀar teh đak rong ‘me tơring sơlam teh đak.

VOV.Bahnar - Ƀlep lơ̆m năr tơbăt 79 sơnăm Năr Ƀô̆ đô̆i rơka-Lôch dŏng teh đak, Đại tướng Phan Văn Giang, Kơ iĕng Thủ tướng teh đak, Yŏng Ƀô̆ đô̆i vei lăng Sơlam Teh đak atŭm hăm khul bơ̆ jang hlôi năm ngôi, pôk tơmam drăm ăn rim ŭnh hnam đei iŏk yoa ăn teh đak tơ̆ tơring Nhân Cơ, dêh char Lâm Đồng.

VOV.Bahnar - Tơbăt 79 sơnăm năr Ƀô̆ đô̆i rơka-Lôch dŏng teh đak, pơgê năr 27/7, Kơ iĕng Kơdră chĕp pơgơ̆r Kuô̆k hô̆i Nguyễn Thị Thanh tơƀơ̆p muh măt rim yă Mĕ Việt Nam nuih mơng, Ƀô̆ đô̆i nuih mơng, bơngai đei iŏk yoa ăn Teh đak kơ pơlei tơm Hà Nội, dêh char Ninh Bình păng Thái Nguyên vang năm ‘măng pơgơ̆r “Hơrih ling lang hăm teh đak”.

VOV.Bahnar - Tơbăt 79 sơnăm Năr Linh jĭ rơka - Linh lôch tang ăn teh đak (27/7), kŭm hăm lơ̆m teh đak, dêh char Đắk Lắk tơlĕch jang lơ tơdrong jang ‘lơ̆ng nhen năm ngôi, apĭnh jet gia pơma dơnuh, asong tơmam, ming man, pơm hơmet ming hnam ‘mêm mơnat, hơdai hăm bơ̆jang kiơ̆ dôm tơdrong jang đơ̆ng “Tơdrong jang 500 măng năr tơchă, sir akŏm kơting linh lôch tang ăn teh đak”.

VOV.Bahnar - Đắk Lắk oei akŏm hơtŏk jơhngâm ming man dôm hnam trưng teh đak rong tơ̆ dôm xăh sơlam păng tơring tơter jih teh đak, adrin man đang, tơmât yoa hiơ̆ hlŏh ‘nŏh adrol kơ ‘năr 30/8 vă pơyoa ăn sơnăm hŏk 2026-2027.