VOV.Bahnar – Khul K52, Hơnih tơm vei lăng khul linh dêh char Gia Lai 'nao sir kôch đei kơting linh lôch tang atŭm hăm lơ tơmam drăm lơ̆m hơkou tơ̆ thôn Bình Thành, xah Tuy Phước Đông, dêh char Gia Lai.

VOV.Bahnar - Pơgê 5/10, tơ̆ Cham gre păr apŭng plĕnh teh Cần Thơ, Anih tơm pơgơ̆r khŭl linh Quân khu 9 jang hơdai hăm Quân chủng Phòng không - Không quân păng rim tơring bro Tơmăn đak krong Cửu Long pơgơ̆r chơ, pơjao 15.401 kơcheh kơting linh lôch tang ăn teh đak yua ăn hơlen lăng ADN, băt hơdăh hơnăn linh lôch tang ăn teh đak.

VOV.Bhanar - Tơ̆ Hnam Kuô̆k hô̆i, Hơnih bơ̆ jang Chĕp pơgơ̆r Kuô̆k hô̆i ‘nao pơgơ̆r Hop akŏm Kơdră kơpal tang măt Kuô̆k hô̆i ‘măng mă Blŭng, jăl jang XVI, pơma dơnuh, tơgop nơ̆r hăm 17 tơdrong vă jang kăl gô vă pơtruh ăn Kuô̆k hô̆i tơ̆ ‘Măng hop akŏm mă ƀar. Tơdrong gĭt kăl hloh đei Kơdră chĕp pơgơ̆r Kuô̆k hô̆i Trần Thanh Mẫn pơma hơdăh ‘noh:Kuô̆k hô̆i pơjing khôi luơ̆t vă xek tơlang dôm tơdrong yan ou, vei lăng păng đei iŏk yoa trŏ ƀlep kơ kon pơlei, hơmet pơ ‘lơ̆ng tơhlăk tơhlĭn, pơm pơ ‘lơ̆ng khul jang, pơih trong ăn atŏk tơ iung.

VOV.Bahnar - ‘Mi lơ pơm ăn ưh kơ tŏ sĕt pơgăn ăn tơdrong sir kôch, iŏk tơmam tơ̆ dôm pơsat kŭm nhen tơchă kơting linh lôch tang ăn teh đak tơ̆ dêh char Lâm Đồng. Mă đơ̆ng thoi noh ră, rim khŭl linh kơ dêh char hlôi jang đang iŏk tơmam tơ̆ 11 pơsat, hrôih dang 3 khei pơting hăm trong tơlĕch jang. Truh dang ei, hloh 3.600 tơmam kơting linh lôch tang ăn teh đak tam mă băt đei hơnăn hlôi đei pơjao pơyua ăn hơlen lăng ADN, ƀơ̆t mă tơdrong tơchă, sir iŏk akŏm tơ̆ ‘ngoăih oei hơnơ̆ng bơ̆jang.

VOV.Bahnar - Đon ƀlŏk hơdơ̆r đơ̆ng bơngai hlôi hơrih, tơblah păng pơm jang tơ̆ pơlei tơm so Diên Khánh (Khánh Hòa) tŏk bŏk jing dôm “gru kơnăl” kăp gĭt, tơgŭm ăn khul juăt jang chơ chă ƀôh dôm hơnih ƀŭ đe linh lôch tang. Đơ̆ng đon tơƀlŏk noh, rim hlăk teh đei sir kôch, pơjing đei tơdrong hơpơi hơnhăk dôm bơngai hlôi lôch hơchăng tơ̆ pơlei tơm so gơh chôt vih hăm khul grŭp, 'nhŏng oh păng unh hnam.

VOV.Bahnar - Tơ̆ dôm pơlei pơla tơring kon pơlei kon kông Lâm Đồng, kră pơlei, bơngai đei kon pơlei lui yom ưh khan lăp jing gơng tơroh hơnhăk ba trong jang, tơdrong tơgŭm truh hăm kon pơlei đĕch mă oei tơgoăt kơjăp tơdrong arih xa, lui khop hăm hơnăp jang kơ tơpôl dơ̆ng. Hăm đon jang tơnăp, tơpăt ‘lơ̆ng păng nơ̆r pơma đei kon pơlei lui kiơ̆, đe sư chă krao hơvơn kon pơlei mât 1 ƀơ̆r đon, tơgŭm băl tŏk klăih đơ̆ng pơmat tat, vei kơjăp tơdrong juăt ‘lơ̆ng đơ̆ng sơ̆, “arih xa ‘lơ̆ng, lui kơjăp”.

VOV.Bahnar - Lơ̆m tơdrong pơgơ̆r hŏk pơhrăm, chă tơchĕng hơlen yan ou tơ̆ dêh char Đắk Lắk, Khul bơ̆ jang kơ Học viện Quốc phòng bơ̆ jang hăm dêh char Đắk Lắk găh atŏk tơ iung muk drăm-tơpôl hăm hơmet pơ ‘lơ̆ng vei lăng sơđơ̆ng dơ̆ng kơjăp teh đak.

VOV.Bahnar - Khul K51, Anih chĕp kơ̆l pơgơ̆r khul linh dêh char Đắk Lắk 'nao sir chă, kôch iŏk đei kơting linh lôch tang ăn teh đak mă blŭng lơ̆m dôm năr blŭng bơ̆jang kiơ̆ tơdrong jang pơyan phang 2026-2027 tơ̆ Campuchia.

VOV.Bahnar – Khul jang kơpal xah Ba Động, dêh char Quảng Ngãi 'nao sir kôch đei 3 kơting linh lôch tang tơ̆ bro tu đak glung Nước No, thôn Ba Liên.

VOV.Bahnar – Jô̆ truh năr 23/6 truh năr 30/9/2026, rim Khul jang kôch akŏm kơting linh lôch tang hlôi ƀôh băt, akŏm đei hơkŏp tôm noh 682 kơ̆l kơting linh lôch tang.