VOV4.Bahnar – Pơgê brei (8/11), tơ̆ plt Đà Lạt, dêh char Lâm Đồng, Tổng Liên đoàn Lao động Việt Nam pơgơ̆r Hop akŏm hơlen năng 10 sơnăm bơ̆ jang Tơdrong tơchơ̆t 217/2013 đơ̆ng Anih tơm Chinh trĭ (jăl XI) găh dăr lăng, tơl tơblang lơ̆m tơpôl đơ̆ng Mặt trận Tổ quốc Việt Nam păng dôm khul jang chinh trĭ, tơpôl. 

VOV4.Bahnar - Dôm đon tơchĕng ưh kơlăp lơ̆m kon pơlei kon kông tơ̆ Lai Châu adrol sơ̆ ƀơm ưh ‘lơ̆ng truh hơnăp jang đơ̆ng đe drŏ kăn lơ̆m unh hnam păng tơpôl. Tơlĕch tơdrong jang 8 “Bơ̆ jang pơm hơtŏ băl kơplăh drŏ kăn hăm drŏ nglo păng sek tơlang dôm tơdrong gĭt kăl hăm drŏ kăn păng đe hơioh” găh tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông đơ̆ng 2021 - 2030, jăl I: đơ̆ng sơnăm 2021 truh sơnăm 2025 vang tơgop pơm tơplih đei đon tơchĕng, hlôh vao đơ̆ng tơpôl păng kơdih kâu đe drŏ kăn. Tơgŭm ăn đe sư hơđơ̆ng jơhngâm tơƀôh kơdih kâu lơ̆m hnam tơnŏ păng tơpôl.

VOV4.Bahnar - Ưh khan lăp jang keh đang hơnăp jang kơ bơngai tang măt lơ̆m tơdrong jang, khei năr ou ki, Khul kơdră tang măt Kuô̆k hôi dêh char Dak Lăk oei ‘măn jơhngơ̆m đon lăng ba, pơrô hơvơn khul jang iung jang bơ̆ jang vei lăng năng tông tơdrong hơrih sa tơpôl. Tơdrong vei lăng năng tông truh tơdrong hơrih sa tơnap tap lơ̆m tơring kon kông, tơring hơtăih yăih hlôi pơjing đei tơdrong gơnang tơgŭm ăn kon pơlei hơdrin yak hloh dơnuh hin.          

VOV4.Bahnar - Khei ‘năr âu ki, Khŭl vei lăng drŏ kăn rim tơring lơ̆m teh đak hlôi akŏm tơlĕch jang Tơdrong jang - bơ̆jang kiơ̆ hơtŏ băl drŏ nglo hăm drŏ kăn păng hơmet pơ ‘lơ̆ng dôm tơdrong kăl hăm drŏ kăn păng hơioh. Kiơ̆ đơ̆ng noh, tơroi tơbăt krao hơvơn kon pơlei tơ̆ tơpôl tơplih đon tơchĕng, trong jang tơgop sut hŭt tơdrong pơjăm drŏ kăn, dôm tơdrong joăt so ưh kơ ‘lơ̆ng, hơmet pơ ‘lơ̆ng 1,2 tơdrong tơpôl kăl ăn kơ drŏ kăn păng hơioh tơring kon pơlei kon kông păng groi kông. Tơ̆ Phú Yên, lơ sơnăm âu ki, khŭl vei lăng drŏ kăn dêh char ưh kơ đei pơdơh lăng kăl tơlĕch jang tơgŭm, yak hơdai hăm drŏ kăn kon kông pơjing ŭnh hnam hiôk chơt; tơgŭm mŏ oh đei dơ̆ng tơdrong ‘lơ̆ng, tơdrong hiôk vă pơ̆n vang jang dôm tơdrong jang tơpôl, hơtŏk ‘lơ̆ng hơnăp jang păng nơ̆r pơma lơ̆m tơpôl.

VOV4.Bahnar - Mă hlôi iŏk đei tơdrong tơgŭm đơ̆ng dôm tơdrong jang tơjur tơnuh hin kơjăp ‘lơ̆ng, lơ kon pơlei kon kông tơ̆ Gia Lai oei tơƀâp lơ pơmat tat lơ̆m tơdrong jang vă tŏk klăih đơ̆ng tơnuh păng ƀônh tơnuh hơlơ̆k dơ̆ng yoa ưh kơmăh teh choh jang xa. ‘Nâu jĭ tơdrong tôch pơmat tat lơ̆m tơdrong jang tơjur tơnuh hin tơ̆ tơring.

VOV4.Bahnar - Tơ̆ ‘măng hop akŏm mă 8, giĕng ou ki, Kuô̆k hô̆i hlôi pơma dơnuh tơ̆ hnam hop akŏm mĭnh ƀar tơdrong đei nơ̆r tơgop phara dih băl kơ trong vă pơjing Khôi luơ̆t Tư pháp bơngai tim mă tơ̆l hơdruh tơdăm. Rim kơdră tang măt athei lăng hơlen mă brĕ rim tơdrong tơchơ̆t găh trong phak hăm dôm bơngai tim mă hơdruh tơdăm, sơđơ̆ng ăn tơdrong brar, tang găn hơlou pơm yoch, adoi pơm ‘lơ̆ng găh tơdrong oei sa ‘mêm mơnat dih băl ‘lơ̆ng hơ iă đơ̆ng sơ̆, lăng truh pơjing đei trong ‘lơ̆ng mưh sek tơlang dôm bơngai tim mă hơdruh tơdăm đei tơdrong glăi.

VOV4.Bahnar - Hop akŏm Bơngai tang măt rim hơdrung kon kông dêh char Dak Lăk ‘măng mă IV hlôi pơgơ̆r lơ̆m pơgê năr 25/10, hăm vang năm đơ̆ng 250 ‘nu bơngai tang măt bơ̆ng pang tang măt ăn hloh 715.000 ‘nu bơngai kon kông lơ̆m dêh char.

VOV4.Bahnar - Dôm sơnăm ou ki, Đại đội bộ binh 2 păng 5 (Hơnih Ƀô̆ đô̆i dêh char Dak Lăk) ưh khan lăp jang ‘lơ̆ng tơdrong jang pơtho pơhrăm tơblăh, iung jang hơdoi hăm khul anai vei lăng kơjăp iăp kơtang tơring sơlam teh đak, rim hơnih ou oei jang ‘lơ̆ng bơ̆ jang tơgŭm dŏng, tơgŭm kon pơlei hơmet pơ ‘lơ̆ng đơ̆ng ‘mi kial pơrăm, tơgŭm djru hơrih sa tơpôl dơ̆ng.

VOV4.Bahnar - Dôm sơnăm ou ki, Hơnih mong jên hŏk pơhrăm Vừ A Dính hlôi đei lơ trong jang hơ iă, jơnei păng hơnhăk đei iŏk yoa ‘lơ̆ng hơ iă, tơgop kơtang lơ̆m tơdrong jang atok tơ iung pơtho pơhrăm tơring kon kong, groi kông păng tơring achon dơsĭ. Ƀlep lơ̆m tơbăt 25 sơnăm năr pơjing Hơnih mong jên hŏk pơhrăm Vừ A Dính, Kơdră chĕp pơgơ̆r Kuôk hô̆i Trần Thanh Mẫn tơƀơ̆p rim khul, rim bơngai sơng iŏk đei tơmam hơpăh Vừ A Dính gơ̆h hơgei.

BAHNAR.VOV.VN - Đơ̆ng iŏk jang kiơ̆ tơchơ̆t jang kơ teh đak gah tơjur hin dơnuh kơjăp sơđơ̆ng (sơnăm 2021) truh dang ei, rim sơnăm dêh char Gia Lai tơjur oei pă pơhlom 3% kơsô̆ unh hnam hin dơnuh. Tơpă ăn ƀôh, tơdrong jang tơjur hin dơnuh tơ̆ dêh char đei akŏm tơ̆ tơring kon kông, hăm tơdrong tơlĕch jang drơ̆ng minh dôm tơdrong jang, vă pơtrŭt hơlêm kon pơlei tơplih đon tơchĕng, tơlĕch pơm jang vă klaih đơ̆ng hin dơnuh kơjăp sơđơ̆ng.