VOV.Bahnar - Lơ̆m dôm sơnăm ou ki, Binh đoàn 15 (Hơnih tơm Ƀô̆ đô̆i vei lăng sơlam teh đak) ling lang lăng ba kơjăp truh bơ̆ jang pơtho pơhrăm mâm non lơ̆m tơring gĭt kăl Tây Nguyên. Vă chông ba đei kôn mon kon hơ ‘lơ̆p rim hơdrĕch hơdrung năm truh hăm hnam trương, Binh đoàn hlôi akŏm khul jang tơ iung pơjing trong hŏk pơhrăm hơ iă ăn rim đe kôn mon kon sou năm hŏk pơhrăm.

VOV.Bahnar - Kơsơ̆ 18/11, tơ̆ xăh Ia Krêl, dêh char Gia Lai, Binh đoàn 15 (Anih tơm vei lăng Khŭl lĭnh) pơgơ̆r et hơtŏk păng pơjao Hnam trưng Mầm non Sao Mai asong ăn kô pơtho păng hŏk tro xăh Ia Krêl, dêh char Gia Lai.

VOV.Bhanar - Hơnơ̆ng hop akŏm mă 10, giĕng ou ki, Kuô̆k hô̆i hlôi pơdrơ̆ng kiơ̆ 2 tơdrong tơchơ̆t gĭt kăl, ‘noh jĭ Tơdrong tơchơ̆t găh pơprŏ atŏk tơ iung mŭk drăm-tơpôl sơnăm 2026 păng Tơdrong tơchơ̆t găh proh hơmet kon jên jang teh đak sơnăm 2026. Mă kăl, trong jang tơm tŏk mŭk drăm sơnăm 2026 đei Kuô̆k hô̆i pơjao đơ̆ng 10% năm tơ̆ lơ, jang sa iŏk đei jô̆ hơtŏ măt bơngai đơ̆ng 5.400 truh 5.500 USD.

VOV.Bahnar – Lơ̆m lơ sơnăm kơ ou, tơ̆ dêh char Gia Lai, atŭm hăm sơnong jang kơchăng tơjră kơnê̆ păng hơtŏk mŭk drăm, rim khul linh hlôi tơlĕch lơ trong jang pơrô̆ pơrôp rơgei, vang glơng rim tơdrong tơnap tap, tơgŭm kon pơlei sơđơ̆ng tơdrong jang hơrih xa, vă hơtŏk 'lơ̆ng tơdrong hơrih. Tơdrong mă ou adoi răk 'măn lơ tơdrong 'lơ̆ng, kơhret kơjăp đon bơnôh khul linh păng kon pơlei tơ̆ tơring.

VOV.Bahnar - Kơsơ̆ 11/11, tơ̆ Pơsat linh lôch tang ăn teh đak tơ̆ Chư Prông, Anih vei lăng kon pơlei dêh char Gia Lai pơm lêh hơpong, pơdong păng ƀŭ hơmet 18 kơ̆l linh lôch tang ăn teh đak, lôch tang lơ̆m khei ‘năr tơblăh Mi sơ̆.

VOV.Bahnar - Tơ̆ ‘Măng hop akom mă 10, Kuô̆k hô̆i jăl XV, Kuô̆k hô̆i pơma dơnuh tơ̆ Khul găh Trong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ 15 khôi luơ̆t lơ̆m tơdrong choh jang sa păng cham char. Mĭnh lơ̆m dôm tơdrong đei lơ kơdră tang măt lăng kơjăp ‘noh pơjao kơtang ăn tơring lơ̆m vei lăng rong kon tơrong, jang pơgang vei lăng kon tơrong păng choh jang sa, vă jang ‘lơ̆ng lơ̆m iung jang, chĕp pơgơ̆r, pơjao hloi hơnăp jang kơ khul kơdră chĕp pơgơ̆r tơring, adoi hơmet pơ ‘lơ̆ng dôm tơdrong “tơhlăk tơhlĭn” đơ̆ng tơlĕch jang kiơ̆ khei năr ou ki.

VOV.Bahnar - Công an dêh char Gia Lai oei hơtŏk tơdrong pơtho, thi, ƀơk ƀăng gre A1 ưh đei nôp jên hŏk ăn kon pơlei kon kông đei tơdrong arih xa pơmat tat, kon pơlei tơ̆ tơring hơtăih yăih, tơring sơlam kơ dêh char. Tơdrong ‘nâu vă hơtŏk đon hlôh vao ăn kon pơlei, vang găn ƀiơ̆ tơdrong pơ̆k gre tơ̆ tơring kon kông.

VOV.Bahnar - Jang kiơ̆ trong jang khul kơdră chep pơgơ̆r tơring ƀar kâp, Kơdră chĕp pơgơ̆r Kuô̆k hô̆i Trần Thanh Mẫn akhan, lơ̆m khei ‘năr oei lơ mơmat tat, rim tơring kăl kơrŭn đĭ ai iung jang kiơ̆ tơplih kơsô̆, jang kiơ̆ khoa hŏk kmăi kmŏk, vă bơngai tŏ sĕt, mă lei tơdrong jang keh đang koăng.

VOV.Bahnar - Tơ̆ ‘măng hop akŏm mă 4, Jơnŭm vei lăng kon pơlei dêh char Gia Lai jăl XII năr 27/10, Jơnŭm vei lăng kon pơlei dêh char Gia Lai hlôi pơdrơ̆ng kiơ̆ Tơdrong tơchơ̆t sơkơ̆t hơdăh trong tơgŭm djru sơđơ̆ng hơrih sa hăm kon pơlei rôp ka hơdang đei duk ưh kơ đei tôm rơvơn gơh năm rôp ka hơdang.

VOV.Bahnar – Bơ̆ jang kiơ̆ trong jang đơ̆ng Đảng păng teh đak găh atŏk tơiung pơtho pơhrăm tơ̆ tơring sơlam, dêh char Lâm Đồng oei hơmet pơkĕh rim tơdrong vă man 2 lơ̆m 5 tŏ hnam trưng lơ̆m sơnăm 2025 ‘nâu.