VOV.Bahnar – Đơ̆ng rŏng hlŏh 10 khei tơlĕch man, dôm hnam trưng teh đak rong jăl mônh, jăl ƀar tơ̆ tơring sơlam Ia Lốp, Ia R’vê păng Buôn Đôn, dêh char Đắk Lắk, hlôi man đang, gô đei Anih vei lăng kon pơlei dêh char pơjao adrol kơ ‘năr 25/8 truh, vă tơring păng dôm hnam trưng iŏk yoa, pơgơ̆r ăn hŏk tro hŏk pơhrăm đơ̆ng sơnăm hŏk ‘nao 2026–2027.

VOV.Bahnar - Vă jê̆ năr năm akŏm tơ̆ hnam trưng bơih, mă lei Hnam trưng teh đak rong dêh char Lâm Đồng (tơring dêh char Bình Thuận so) oei rơgôn rơgan yua đơ̆ng tơdrong jang pơm hơmet ming kơjă 61 ti hlak jên.

VOV.Bahnar – Lơ̆m tơdrong jang 500 măng năr chơ chă, sir kôch kơting linh lôch tang, kon pơlei Khánh Hòa hăt hot chă tơroi tơbăt, chơng trong ăn rim khul truh pơm jang.

VOV.Bahnar - Bơ̆jang kiơ̆ “Tơdrong jang 500 măng năr tŭn pran bơ̆jang kiơ̆ tơchă, sir dônh akŏm păng chih hơdăh hơnăn kơting linh lôch tang ăn teh đak”, Anih pơgơ̆r jang 515 dêh char Lâm Đồng hlôi jang đang tơdrong iŏk kơmâu ADN kơting linh lôch tang ăn teh đak, hrôih 3 khei pơting hăm trong jang tơlĕch ăn.

VOV.Bahnar – Tơ̆ 'măng hop akŏm juăt jang mă 2, Jơnŭm jang vei lăng kon pơlei dêh char Đăk Lăk jăl 11 'nao hơlen lăng Tơchơ̆t jên tơgŭm hăm bơngai jang lơ̆m jơnŭm pơgơ̆r thôn, kueng kơphô̆

VOV.Bahnar - Đảng ủy Anih vei lăng kon pơlei dêh char Gia Lai ‘nao đei hla ar pơtruh ăn Khŭl kơdră chĕp kơ̆l pơgơ̆r Anih jang Đảng dêh char găh trong jang tơgŭm hla ar hŏk ăn kơ hloh 182.000 ‘nu hŏk tro găh dôm grŭp tơgŭm hơdrol, hăm kơjă hla ar ăn mơng tơchĕng hơdrol dang 42 ti hlak jên, đơ̆ng jên jang tơring sơnăm 2026.

VOV.Bahnar - Truh dang ei, dêh char Lâm Đồng hlôi iŏk đang kơmẫu vă set hơlen ADN păng chih tơmât lơ̆m kơmăy 3.040 lơ̆m kơsô̆ 4.776 tŏ pơsat linh tam mă băt hơnăn.

VOV.Bahnar - Tơ̆ Hop akŏm hăt hot ‘măng mă Blŭng, Kuô̆k hô̆i jăl XVI ou ki, mưh pơma dơnuh tơ̆ khul găh Tơdrong vă pơjing Khôi luơ̆t Tơroi tơbăt, pơtho tơbăt Khôi luơ̆t (hơmet ming), Kơdră chĕp pơgơ̆r Kuô̆k hô̆i Trần Thanh Mẫn pơma hơdăh, tơdrong hơmet ming ưh khan lăp pơm pơkeh tơdrong khôi luơ̆t mă oei trŏ lăp hăm tơdrong hơpơi ‘meh vă đơ̆ng bơngai tăh hla găh trong khôi luơ̆t tơjê̆ hăm kon pơlei, pơm kiơ̆ ƀônh păng tơpă mơ̆t lơ̆m tơdrong hơrih. Kiơ̆ đơ̆ng Kơdră chĕp pơgơ̆r Kuô̆k hô̆i, rim răih kon pơlei jei kăl hơrih păng jang kiơ̆ Khôi luơ̆t tơm păng Khôi luơ̆t, kơ yuơ lơ loh bơ̆ jang tơroi tơbăt, pơtho tơbăt khôi luơ̆t kăl tơplih ‘nao kơtang, tơ iung pơdrong joăt pơm kiơ̆ yom kiơ̆ khôi luơ̆t lơ̆m tơpôl.  

VOV.Bahnar - Tơblăh vang đĭ tơ̆ rŏng hloh pơđăm jĭt sơnăm, mă lei oei rơbou ‘nu ƀô̆ đô̆i lôch dŏng teh đak tim mă tơchă ƀôh dăh mă tim mă băt hơdăh hơnăn. Hăm dôm ƀô̆ đô̆i bơ̆ jang năm tơchă kôch akŏm hrei ou, rim ‘măng năm tơchă ưh khan lăp iung jang tơdrong jang chinh trĭ mă oei jing ‘măng iung năm ba mih ma duch nă brŏk vih hăm pơlei pơla, ŭnh hnam păng jơnăn kơdih. Tơ̆ Đắk Lắk, ‘Măng iung jang 500 măng năr atŏk kơtang năm tơchă, kôch akŏm păng hơlen băt hơdăh hơnăn kơting ƀô̆ đô̆i lôch dŏng teh đak tŏk bŏk iung jang kơtang, tơgop iung jang keh đang jơhngơ̆m đon ƀlŏk hơdơ̆r hôn bơnê hăm dôm bơngai lôch plang ăn pham lĕch sĕch huŏng kơ yuơ tơdrong pơm tơm, rơngei hiôk hian kơ Teh đak.

VOV.Bahnar - Việt Nam jĭ teh đak đei lơ tơdrong lui khop. Hloh 95% kơsô̆ kon pơlei đei tơdrong arih xa tơklep hăm lui khop. Um rup tơdrong lui khop 'lơ̆ng hơiă đei kơjăp lơ̆m tơdrong arih xa rim năr. Tơ̆ dôm tơring kơdrâm dăh mă tơ̆ pơlei pơla, dôm hnam hơkŭm, anih soi tơbeh hơnơ̆ng pơih 'măng sơng dôm bơngai lui truh hơkŭm lơ̆m rim năr păng lơ̆m dôm năr lêh tih. Dôm bơngai kiơ̆ lui tôch hiôk mưh chă roi tơƀôh đon lui hăm tơdrong lui khop.