VOV.Bahnar - Hơnih bơ̆ jang Kuô̆k hô̆i hlôi drơ̆ng mĭnh nơ̆r pơtruh ăn Kuô̆k hô̆i lăng hơlen, hơmet ming đĭ đăng Khôi luơ̆t jang kiơ̆ pơkom, tang găn brăh brư tơ̆ ‘Măng hop akŏm mă 10 truh ou kơnh kiơ̆ trong trŏ lăp hloh. Tơdrong tơm ‘noh pơjing đei trong jang chinh trĭ trŏ lăp tôm tong, kơjăp ‘lơ̆ng, vă pơkom păng tang găn brăh brư đei jing tơdrong joăt, tơdrong pơkăp ‘lơ̆ng kơ rim bơngai, vă pơjing đei hơyak atŏk tơ iung kơjăp ‘lơ̆ng.

VOV.Bahnar - Dêh char Đắk Lắk ‘nao jang đang tơdrong jang sut hnam pơgia, hnam hiah hiok, tơgŭm ŭnh hnam pơmat tat găh hnam oei.

VOV4.Bahnar - Hơnơ̆ng ‘măng hop akŏm mă 48, kơsơ̆ năr 12/8, Hơnih bơ̆ jang chĕp pơgơ̆r Kuô̆k hô̆i ăn tơgop nơ̆r tơgoăt iŏk tơblang hơdăh trong vă pơjing Khôi luơ̆t Bơ̆ jang dăr lăng kơ Kuô̆k hô̆i păng Jơnŭm vei lăng kon pơlei hơmet ming.

VOV.Bahnar - Tơ̆ Hnam Kuô̆k hô̆i, Hơnih bơ̆ jang Kuô̆k hô̆i pơgơ̆r Hop akom kơ Kuô̆k hô̆i găh dăr lăng hăm hơnăn “Dăr lăng kơ Kuô̆k hô̆i vă pơjing atŏk tơ iung”. Iung pơma tơ̆ hop akom, Kơdră chĕp pơgơ̆r Kuô̆k hô̆i Trần Thanh Mẫn pơma hơdăh, Hơnih bơ̆ jang Kuô̆k hô̆i kăl dăr lăng hơnơ̆ng, truh hloi pơgơ̆r hăt hot vă ƀôh dôm tơdrong ưh kơ lăp, tơtom hơmet pơ ‘lơ̆ng tơnap tap.

VOV.Bahnar - Tơdrong jang “Bơ̆jang yua kơ tơpôl” ‘măng mă 31 hlôi rơih xăh Kon Chiêng, mĭnh lơ̆m dôm tơring pơmat tat hloh kơ dêh char Gia Lai ‘noh jĭ hơnih năm truh. Pơgơ̆r lơ̆m 2 năr, tơdrong jang hlôi hơnhăk tơdrong vang tơgŭm đơ̆ng jơ̆p tơring lơ̆m teh đak hăm kon pơlei kon kông tơring ‘nâu.

VOV.Bahnar - Lơ̆m jơ ‘năr tơdrong bơ̆ jang khul kơdră chĕp pơgơ̆r tơring ƀai kâp tŏk bŏk tơlĕch jang kơtang tơ̆ dêh char Dak Lăk, tơdrong tơgŭm ăn kon pơlei băt iŏk yoa kmăi kmŏk kơsô̆ hlôi jing tơdrong kăl hloh. Yak hơdoi hăm Khul kơdră chĕp pơgơ̆r, khul đoàn viên, hơdruh tơdăm lơ̆m dêh char Gia Lai hlôi păng tŏk bŏk iung jang ‘lơ̆ng hơnăp jang pơm jŭk yŭk trong hơlou lơ̆m bơ̆ jang tơplih kơsô̆, tơgop pơm ăn băt hlôh găh kmăi kmŏk, mă kăl tơ̆ tơring hơtăih yăih, tơring kon kông dêh char Dak Lăk.

VOV.Bahnar – Tơrĕk truh tơdrong sek tơlang tơdrong đei ƀôh đơ̆ng tơring, ưh đei lê̆ akŏm dôm tơdrong tơnap tap tơrĕk truh dôm tơdrong khop.

VOV.Bahnar - Tơ̆ dêh char Dak Lăk, Hơnih tơm vei lăng Hnam trương pơtho pơhrăm hlôi pơgơ̆r iŏk nơ̆r tơgop Trong vă jang“Tơdrong jang pơtho pơhrăm ming khul bơ̆ jang hơgei bơngai kon kông lơ̆m rim hơnih bơ̆ jang, tơdrong jang kăl jăl jang 2025–2035, lăng truh sơnăm 2045”. ‘Nou jing hơyak tơlĕch jang kiơ̆ hơdăh iung jang kiơ̆ Tơdrong tơchơ̆t kơsô̆ 1657 đơ̆ng Thủ tướng Teh đak găh Trong jang kăl bơ̆ jang kon kông jăl jang 2021–2030, lăng truh sơnăm 2045. 

VOV.Bahnar - Tơdrong jang sut pơđĭ hnam pơgia, hnam hiăh hiok tơ̆ Tây Nguyên jang vă jê̆ đang bơih. Dôm jĭt rơbâu tŏ hnam hlôi đei pơjao ăn kon pơlei, jing anih oei xa hiôk sơđơ̆ng ‘lơ̆ng rŏ, tưk tơiung jơhngâm hưch hanh tơ̆ pơlei pơla, pơlung kon pơlei adrin jang tŏk.

VOV.Bahnar – Khei năr ou ki, Khul linh dêh char Quảng Ngãi pơgơ̆r lơ tơdrong jang kăp gĭt tơrĕk truh đe Mĕ Việt Nam Nuih mơng, 'nhŏng oh linh lôch tang ăn teh đak, unh hnam teh đak tơchơ̆t tơgŭm. Lơ tơdrong jang kăp gĭt nhen tơgŭm năr ming man hnam 'mêm kơ-eng, hơmet ming hnam oei, khăm jĭ jăn, asong pơgang ưh kơ iŏk jên đei kang ƀô̆ khul linh pơgơ̆r tơ̆ lơ tơring. Dôm tơdrong jang ou đei pơtơm đơ̆ng sơnong jang kơ plei nuih bơngai linh Ƀok Hô.