VOV.Bahnar - Năr 15/7, Jơnŭm vei lăng kon pơlei dêh char Gia Lai jăl XIII, jăl jang 2026-2031 pơgơ̆r hop akom blŭng a ‘măng mă 5, lăng hơlen tơdrong atŏk tơ iung mŭk drăm-tơpôl 6 khei blŭng sơnăm păng tơchơ̆t lơ trong jang gĭt kăl pơvih pơvăn ăn trong tơlĕch jang atŏk tơ iung kơ dêh char.

VOV. Bahnar - Mưh pơyan phĕ sâu riêng vă truh, găh tơdrong mã kơsô̆ tơring pơtăm, hơnih tăh ‘nŭng, hơlen băt tơm a la chă păng pơih să hơnih tech răt tŏk bŏk dôm tơdrong đei hơnih vei lăng choh jang sa păng rim tơring akŏm hơmet pơ ‘lơ̆ng.

VOV.Bahnar - Kơsơ̆ năr (15/7), Hơnih Choh jang xa păng Cham char dêh char Đăk Lăk jang atŭm hăm dôm hơnih jang kơ teh đak Canada hlôi pơtơm Tơdrong Jang "Pơ-'lơ̆ng sinh hŏk păng pơm trong hiôk jang xa ăn đe drăkăn kon kông" (krao kơđeh noh Tơdrong jang BLOOM).

VOV.Bahnar - Năr 14/7, tơ̆ 'Măng hop akŏm mă 4, Hơnih jang Kuô̆k hô̆i hơlen lăng Hla bar chih tơroi găh tơdrong jang pơrô̆ pơrôp kon pơlei ah khei 6/2026 hăm lơ pơtruh tơrĕk truh pơtho pơhrăm, vei rơgoh tơmam drăm xa, tang găn păng tơjră tơdrong pơm glăi păng vei lăng tơring tĕch răt.

VOV. Bahnar - Khul bơ̆ jang Quân khu 5 kơ yuơ Thiếu tướng Lương Đình Chung, Kơ iĕng Kơdră chĕp pơgơ̆r đảng Quân khu 5 pơm Kơdră khul dăr lăng bơ̆ jang tơchă iŏk tơmam pơvih pơvăn ăn hơlen băt hơdăh hơnăn dôm kơting ƀô̆ đô̆i lôch dŏng teh đak tim mă băt hơnăn tơ̆ Pơsat teh đak  Đức Cơ, dêh char Gia Lai.

VOV.Bahnar - Anih pơgơ̆r jang "500 măng năr sir chă, pôi akŏm păng chih hơdăh hơnăn linh lôch tang ăn teh đak" xăh Diên Khánh, dêh char Khánh Hòa oei krao hơvơn đe linh so, bơngai ƀôh tom măt păng kon pơlei roi tơbăt dôm tơdrong găh đe linh lôch tang ăn teh đak lôch tơ̆ Hnam phak Thành Diên Khánh adrol kơ sơnăm 1975.

VOV.Bahnar – Khul bơ̆ jang dăr lăng Jơnŭm vei lăng Kon kông pang Lui khop kơ Kuô̆k hô̆i ‘nao đei jơ bơ̆ jang hăm Hơnih vei lăng kon pơlei dêh char Đắk Lắk. Tơ̆ jơ bơ̆ jang, dêh char Đắk Lắk apĭnh athei Kuô̆k hô̆i, Khul kơdră chĕp pơgơ̆r Teh đak hrôih hơmet pơ ‘lơ̆ng rim tơdrong tơhlăk tơhlĭn găh groi teh, tơmơ̆t jên jang pơtho pơhrăm, jang pơgang tơring kon kông; adoi pơm pơkeh rim trong bơ̆ jang, trong tơchơ̆t tơgŭm djru kăl vă tơring tơlĕch jang kiơ̆ jơnei.

VOV.Bahnar - Hloh 150 ŭnh hnam găh kon hơ ‘lơ̆p dôm bơngai vang năm tơblăh sơ̆ đei ƀơm kơnê̆ đơ̆ng ƀrơ̆m phao pơgang pơm ăn tơ̆ dêh char Quảng Ngãi tŏk bŏk đei tơgŭm djru pơm ăn hnam, ming hơmet hnam oei. Dôm pơbŭng hnam ‘noh tŏk bŏk iung jang tĕnh koăng vă jăh đang hăm tơdrong vang iung jang đơ̆ng kơdră tơring, khul ƀô̆ đô̆i kŏng ang păng kon pơlei hăm kơrŭn đĭ ai vă iung jang keh đang hơdrol năr 20/7.  

VOV.Bahnar – Khul K51, Hơnih tơm Vei lăng Khul linh dêh char Đăk Lăk 'nao akŏm đei 2 kơting linh lôch tang tơ̆ tơring kông Hòn Ông, xah Tây Sơn.

VOV.Bahnar - Tơ̆ ‘măng hop akom pơma dơnuh ‘Măng hop akom mă 2 Jơnŭm vei lăng kon pơlei dêh char Đắk Lắk jăl X, lơ kơdră tang măt akhan vă iŏk đei trong tơlĕch jang tŏk mŭk drăm hloh 10% lơ̆m sơnăm 2026, Đắk Lắk kăl tĕnh koăng hơmet pơ ‘lơ̆ng rim tơdrong tơhlăk tơhlĭn lơ̆m tơdrong teh đak tơmơ̆t jên jang, groi teh, bơ̆ jang pơm hla bơar păng hơmet pơ ‘lơ̆ng trong jang tơmơ̆t jên jang.