VOV.Bahnar - Jĭ bơngai đei kon pơlei lui yom tơ̆ xăh Hàm Thuận Bắc, dêh char Lâm Đồng, ƀok Thông Long ưh lăp jing gơng tơƀưh ăn kơdră chĕp kơ̆l đảng, khul kơdră pơgơ̆r tơring hăm kon pơlei Chăm đĕch, mă oei jing bơngai đei ư hơnhang ang hơnhăk lơ̆m tơdrong hlôm kơ klel saranai. Ƀok Thông Long jing bơngai jang tôch tơnăp, vang tơgop pơjing tơring tơrang ‘nao păng vei kơjăp tơdrong juăt, jŏh ayŏ kơ dŏ xoang so kơ bơngai Chăm.

VOV.Bahnar - Đơ̆ng rŏng 1 sơnăm bơ̆ jang kiơ̆ trong Khul kơdră pơgơ̆r tơring 2 tăl, phường Ea Kao, dêh char Đắk Lắk ƀôh đei lơ tơdrong tơplih ‘lơ̆ng đơ̆ng hơmet ming trong pơm hla ar, vei lăng sơđơ̆ng tơ̆ tơring truh tơdrong akŏm jơhngâm pran kon pơlei vă man anih jang, pơm trong. Tơdrong kon pơlei ƀôh hơiă hlŏh jĭ Khul kơdră pơgơ̆r tơring roi jê̆ kon pơlei, bơ̆ jang roi hrĕnh păng roi kơchăng mưh sek tơlang dôm tơdrong kơtă đơ̆ng tơring hloi.  

VOV.Bahnar - Đơ̆ng trong jang tôch trŏ, lăp hăm yăn âu đơ̆ng Khul kơdră tơring, kon pơlei xăh Chư̆ A Thai, dêh char Gia Lai chu chĕng song teh, yuih hŭt dur var vă pơih trong tơ̆ tơring tơrang. Dôm tŏ trong ‘nao ưh lăp tơgŭm ăn tơdrong yak vih vât, chơ chuĕn tơmam hiôk hian đĕch, mă oei tơƀôh tơdrong mât 1 ƀơ̆r đon, mĭnh jơhngâm đơ̆ng khul kơdră pơgơ̆r păng kon pơlei mưh pơjing tơring tơrang ‘nao.

VOV.Bahnar - Đơ̆ng rŏng vă jê̆ 1 sơnăm bơ̆ jang kiơ̆ trong Khul kơdră pơgơ̆r tơring 2 tăl, dêh char Lâm Đồng oei tơƀâp pơmat tat mưh lơ kăn ƀô̆ tơ̆ xăh, phường hơnơ̆ng iŏk jang lơ tơdrong tôch trăp. Đơ̆ng tơdrong ‘nâu, Lâm Đồng oei akŏm jơhngâm hơmet pơ ‘lơ̆ng khul bơngai jang tơ̆ tơring vă khul kơdră pơgơ̆r tơring 2 tăl gơ̆h bơ̆jang rơgei, đei yoa ‘lơ̆ng ƀiơ̆.

VOV.Bahnar - Mă đơ̆ng ‘nao tĕch mơdro hăm kơmăy điên tư dang 2–3 sơnăm đĕch ră, kon pơlei păng HTX tơ̆ Gia Lai hlôi chă đei trong tĕch mơdro sơđơ̆ng ‘lơ̆ng ăn dôm tơmam ‘lơ̆ng đơ̆ng choh jang xa đei tơ̆ tơring. Tơplih hăm kơmăy sô̆ ăn ƀôh, mưh tơdrong pĕng găn tơring đei sut hŭt lê̆, tơmam jang đei đơ̆ng tơring âu gơ̆h tĕch truh tơ̆ tơring nai, tĕch mơdro roi hrĕnh ƀiơ̆. 

VOV.Bahnar - Tŏk bŏk ‘năr tŏ hlơ hlĕng tơring sơlam teh đak păh Pơmơ̆t dêh char Quảng Ngãi, bơngai jang ming man rim hnam trương teh đak rong ‘me tĕnh koăng iung jang. Hăm kon pơlei tơ̆ ou, ‘nou ưh khan lăp tơdrong jang ming man ăn pơtho pơhrăm, mă oei jing tơdrong hơpơi ‘meh vă găh hơnih hŏk pơhrăm ‘lơ̆ng hơ iă hloh dơ̆ng ăn kôn mon kon sou. Bu bu jei hơpơi hnam trương keh đang hrôih vă gơh tơmơ̆t iŏk yua.

VOV.Bahnar - Xăh Đak Sơ Mei – tơring kăn kư̆ kăch mang – pơlei Ƀok Wừu pran kơtang tơ̆ dêh char Gia Lai, oei tơplih ‘nao roi ‘lơ̆ng hơiă. Tơdrong arih xa phĭ tơtŏ dơnŏ ‘lơ̆ng rim năr oei vă truh hăm kon pơlei tơ̆ tơring kăn kư̆ kăch mang âu.  

VOV.Bahnar – Đơ̆ng rŏng kơ jang kiơ̆ pơkăp jơnŭm pơgơ̆r tơring 2 tăl, tơdrong jang tơ̆ xah tŏk lơ hloh. Hăm tơdrong hrat 'noh, khul kang ƀô̆ tơ̆ tơring groi kông kơ dêh char Quảng Ngãi hlôi kơchăng pơkăp tơdrong jang, iŏk jang lơ tơdrong jang, hơdrin “vang jang” vă vei sơđơ̆ng tơdrong jang gơh hiôk hian pơvih ăn kon pơlei. Tơdrong jang tơjê̆ hăm kon pơlei, tơguăt hăm kon pơlei adoi tơgŭm ăn kang ƀô̆ tơtom băt hơdah, sek tơlang dôm tơdrong đei ƀôh tơ̆ tơring.

VOV.Bahnar - Rơbâu tŏ hnam bơbŭng gŏch pơm tơtil băl tơter đak dơsĭ. Dôm tŏ hnam đei pơm ‘moi kiơ̆ trong pơlei, trong kueng tôch hơiă. Anih thŏng nan dơ̆ng hơnơ̆ng đei lơ ka hơdang rim pơgê păng drâm kơsơ̆ đơ̆ng rŏng kơ đe brŏk đơ̆ng chă yâu. Jih đak dơsĭ chuơh kok tơƀŭk kŭm hăm đak hlăng hlơ hlơr poh yă tơ̆ jih. Đĭ đăng mât hơdai jing anih tôch ‘lơ̆ng rŏ tơ̆ tơring đak dỡsĭ… ‘Nŏh jĭ plei Lò, 1 pơlei so tơter đak dơsĭ găh phường Hòa Hiệp, dêh char Đắk Lắk, jĭ 1 tơdrong pơtih tôch ‘lơ̆ng ăn tơdrong chă tơmang lăng.

VOV.Bahnar - Dêh char Lâm Đồng oei tơlĕch jên jang hrơ̆ch ‘lơ̆ng, hơmet ming tôm kơmăy kơmŏk tơ̆ Anih pơm hla ar ăn tơpôl tơ̆ xăh, hơtŏk tơdrong ‘lơ̆ng, hiôk hian mưh pơm hla ar. Hăm kơmăy kơmŏk ‘nao đei răt hơmet tôm, trong pơm hla ar rơđăh rơđong, xăh jing “anih gơnang kơjăp” jê̆ kon pơlei, jang kiơ̆ rim tơdrong tơ̆ tơring.