VOV4.Bahnar - Jang keh đang tơdrong jang tơ̆ kơdrăn tơblăh, brŏk vih hơrih sa hiôk hian nhen yan ou lơ̆m pơlei pơla, rim ƀô̆ đô̆i so oei tơ̆ apŭng Cư Kuin, dêh char Dak Lăk oei hơnơ̆ng atŏk kơtang jơhngơ̆m đon pơm jŭk yŭk trong hơlou tơgŭm djru dih băl jang sa. Kiơ̆ yok rok jơ̆ng jơhngơ̆m đon “Ƀô̆ đô̆i Ƀok Hô”, đe sư hơnơ̆ng tơbăt hơdăh jơhngơ̆m đon atŏk tơ iung mŭk drăm, pơm pơdrŏng ăn ŭnh hnam păng tơgop lơ̆m tơ iung pơjing pơlei pơla pơdrŏng ‘lơ̆ng liĕm hloh dơ̆ng.

VOV4.Bahnar - 50 sơnăm đơ̆ng rŏng năr tơring Pơbăh rơngei, vih hơlơ̆k dơ̆ng tơ̆ hơnih tơblăh păih Tu Tây Nguyên- Kon Tum dang ei ưh pă ƀôh dôm rơka krưp kĕnh đơ̆ng tơblăh vang bơih. Tơ̆ dôm tơring tơblăh Măng Bút, Măng Đen, Đăk Tô- Tân Cảnh, trong tơklăh 3 trong Trường Sơn… sơ̆, dang ei hlôi jing dôm tơring kon pơlei oei gip gap hăm ‘long kăp gĭt, ‘long sa plei, tơmang lăng pơvih pơvăn hơtŏk tơiung. Lơ̆m tơdrong chơt hơiă 50 sơnăm rơngei teh đak, bơ̆n vang truh ngôi tơ̆ tơring kăn kư̆ kach mang Đăk Ui, apŭng Đăk Hà, dêh char Kon Tum, hơnih đei lơ kon pơlei Xơ Đăng hởih sa, lăng ƀôh dôm tơdrong tơplih đơ̆ng tơring teh ‘nâu.

VOV4.Bahnar – Đơ̆ng tơring teh phui phang tơnang kŏ đơ̆ng rŏng kơ tơblah tơblŭng, gơnơm sơkơ̆t jang trŏ păng iŏk yua mŭk drăm tơmang pơhiơ̆, groi kông Măng Đen, apŭng Kon Plông, dêh char Kon Tum dang ei hlôi jing minh hơnih truh akŏm chă hơlen băt tơring Tây Nguyên bri kông đơ̆ng đe tơmoi hơtaih jê̆. 50 sơnăm đơ̆ng rŏng năr Tu – Pơbah đei akŏm minh hnam, tơring teh hăm kơdrăn tơblah hli kơtang Măng Bút, Măng Đen, hăm 7 dơnou 3 chơkơi đak ‘lơ̆ng rŏ, dang ei tŏk bŏk dơ̆ng ah trong hiôk yak lĕch tơ̆ đak dơsĭ să ah mă dêh char Quảng Ngãi păng Kon Tum đei Trung ương pơgơ̆r tơmơ̆t hơdai.

VOV4.Bahnar – Mă ah khei 3 – Khei hơdruh tơdăm iung pơm jang hlôi đĭ, mă lei dôm tơdrong jang tơgŭm kon pơlei, lơ̆m noh đei tơdrong jang pơjing tơring tơrang 'nao kơ Đoan hơdruh tơdăm dêh char Lâm Đồng adoi tŏk bŏk oei đei pơm jang, tơgop iŏk yua jơhngơ̆m pran kơ sơnăm mơlôh lơ̆m tơdrong jang hơtŏk – tơpôl, tơplih kơmăi kơsô̆.

VOV4.Bahnar – Xah Tà Nung, pơlei tơm Đà Lạt, dêh char Lâm Đồng, minh tơrign đei lơ kon pơlei kon kông hơrih jang xa, tŏk bŏk oei tơplih pran kơtang lơ̆m tơdrong jang pơjing tơring tơrang 'nao 'lơ̆ng hơƀăp. Hăm tơdrong atŭm jơhngơ̆m đơ̆ng tôm anih jang chĭnh trĭ păng kon pơlei, xah hlôi jang đei jơnei kăp gĭt, tơgop hơtŏk tơdrong hơrih ăn kon pơlei.

VOV4.Bahnar - 50 sơnăm hlôi hloh, dôm tơring kăng kư̆ kăch mang tơ̆ dôm pơlei pơla kon kông kơ dêh char Lâm Đồng hlôi tơplih ƀôh hơdah. Dôm tơring teh ƀơm phă pơrăm kơyuơ đơ̆ng tơdrong tơblah dang ei hlôi tơplih hơtŏk kơtang, jing dôm tơring teh 'nao tơgăl kơ hơrih hăm lơ tơdrong kĕ hơtŏk tơ-iung.

VOV4.Bahnar - Pơm kiơ̆ tơdrong pơgơ̆r đơ̆ng Thủ tướng teh đak bơ̆n gah tơdrong jang sut lê̆ hnam pơgia, hnam hyah hyok, dêh char Đăk Lăk tŏk bŏk tơlĕch 4 tơdrong jang vă tơgŭm man hnam oei ăn unh hnam hin dơnuh, tơjê̆ hin dơnuh păng rim bơngai tơnap tap lơ̆m dêh char. Dang ei jơnŭm pơgơ̆r tơring păng rim anih jang tŏk bŏk oei akŏm keh đang tơdrong ming man 7312 tŏ hnam hơdrol kơ pơyan 'mi, tơgŭm ăn dôm unh hnam đei hnam kơjăp sơđơ̆ng oei xa.

VOV4.Bahnar – Teh jĭ mŭk drăm kăp gĭt ăn tơdrong jang hơtŏk tơ-iung mŭk drăm – tơpôl kơ dêh char Đăk Lăk. Hăm hơgăt teh să hloh 13.000 Km2 tơ̆ tơring tơm hơnê̆ Tây Nguyên păng đei teh 'lơ̆ng kăp gĭt, tơdrong vei lăng păng iŏk yua teh tơnăp gô tơgŭm Đăk Lăk hơtŏk kơtang gah mŭk drăm – tơpôl, đei jơnei kiơ̆ tơchơ̆t hơtŏk 8% mă Jơnŭm pơgơ̆r teh đak hlôi pơjao

VOV4.Bahnar - 50 sơnăm đơ̆ng rŏng kơ tơblăh iŏk rơngei, Tây Nguyên đĭ tơplih pha bơih. Kơmâu jơk ƀlĭk đơ̆ng tơring choh jang xa tơm, lơ tơdrong jang pơm trong, man dơnâu đak hlôi hơmet pơ ‘lơ̆ng dôm tơdrong răm đơ̆ng tơblăh sơ̆. Dôm kơđông linh tih đei tơdrong tơblăh tôch krưp krĕnh lơ̆m tơdrong tơblăh Tây Nguyên nhen Đức Lập tơ̆ găh Pơmât Pơbăh, Cheo Reo tơ̆ găh Tu, Phước An tơ̆ găh Hơlĕch păng Buôn Ma Thuột ƀât tŏk bŏk, roi đunh roi tơplih ‘nao ‘lơ̆ng rŏ, jing dôm tơring jang mŭk drăm jang tŏk pran hlŏh.

VOV4.Bahnar - Đunh kơ âu 50 sơnăm, pơgê hrôih ‘năr 9/3/1975, khul linh tơblăh iŏk rơngei tơblăh tơdrŭt kơđông Đức Lập (dêh char Quảng Đức so), kơđông tơblăh găn găh Pơbăh Buôn Ma Thuột. Tơdrong tơblăh jơnei Đức Lập đei năng jĭ tơdrong tơblăh pơih blŭng tôch gĭt kăl ăn tơdrong jơnei đơ̆ng tơdrong tơblăh Tây Nguyên pơyan Puih mak 1975. 50 sơnăm đĭ hlŏh bơih, Đức Lập sơ̆ - Đắk Mil hrei ‘nâu đĭ jing 1 apŭng pơdrŏng đei ƀôh kơ dêh char Đắk Nông.