VOV.Bahnar - Dêh char Đắk Lắk oei hơmet ming rim hnam trưng, anih pơtho pơhrăm kơ teh đak, rŏ năng gô tơjur đei dang 50% anih. Kŭm hăm hơlen năng, pơgơ̆r hơmet ming hnam trưng, lăm hŏk, dôm tơring păng hnam trưng hơtŏk tơdrong roi tơbăt, chih iŏk rim tơdrong ‘mĕh vă, vă gơ̆h drơ̆ng mĭnh nơ̆r, pơm ‘lơ̆ng vă tơdrong hơmet ming huei ƀơm ưh ‘lơ̆ng tơ̆ tơdrong hŏk pơhrăm kơ đe oh hŏk tro lơ̆m sơnăm hŏk ‘nao. 

VOV.Bahnar - Hơmet ăn sơnăm hŏk 2026-2027, kŭm hăm adrin man pơkeh rim anih oei tam mă đang, dêh char Quảng Ngãi oei akŏm jơhngâm chă rơih hŏk tro mât hŏk, hơmet ming khul thây kô păng tơmam drăm tơ̆ lăm hŏk vă 4 hnam trưng teh đak rong hŏk tro jăl mônh păng jăl ƀar tơ̆ dôm xăh sơlam gơ̆h đei tơmât yoa trŏ năr hơgăt.

VOV.Bahnar - Jĭ tơring blŭng a kơ dêh char Gia Lai đei rơih pơjing trong jang "xăh jang hơdrol găh kơmăy sô̆", xăh Tây Sơn oei pơm tơplih ‘lơ̆ng hơiă mưh pơm hla ar vei lăng, atŏk tơiung khul kơdră pơgơ̆r tơring hăm kơmăy sô̆ păng jang mŭk drăm kơmăy sô̆. Đơ̆ng dôm tơdrong jang đei blŭng a, dêh char Gia Lai tơlĕch jang pơih xă truh tơ̆ 30 xăh, dar deh pơjing tơdrong jang tơplih hăm kơmăy sô̆ hrơ̆ch ‘lơ̆ng iŏk đơ̆ng tơring hloi.  

VOV.Bahnar - Tơ̆ tơring sơlam găh dôm xăh Tuy Đức, Đắk Wil kơ dêh char Lâm Đồng unh điên teh đak đei chô̆ truh tơ̆ dôm tơring kon pơlei oei xa hơtăih hơtŏ, vang tơgop ăn tơdrong jang tŏk mŭk drăm, vei lăng tơdrong pơm tơm kơ teh đak. Unh điên hơnhăk jơhngâm pran ‘nao truh hăm tơring sơlam.

VOV.Bahnar - Rim ‘măng pơyan ‘mi truh, lơ unh hnam kon pơlei tơ̆ găh Pơbăh đak krong Ayun, găh xăh Ia Hiao, dêh char Gia Lai hơnơ̆ng hli tơtăm kơ đak tih lip, pơjoă truh tơdrong arih păng tơmam drăm. Vă tơgŭm ăn kon pơlei đei tơdrong arih xa sơđơ̆ng ‘lơ̆ng ƀiơ̆, dêh char Gia Lai tơlĕch Tơdrong jang hơmet ming tơring oei xa, pơjing plei hle ăn tơring hơnơ̆ng đei ‘mi kial đak lip tơ̆ xăh Ia Hiao. Khei ‘năr âu ki, hăm tơdrong vang tơgŭm đơ̆ng kon pơlei, 1 tơring oei xa ‘nao tŏk bŏk đei pơjing, tơgŭm ăn kon pơlei đei tơdrong arih xa, jang xa hiôk sơđơ̆ng.

VOV.Bahnar - Đơ̆ng dôm pơlei hlôi đei kơjăp lơ̆m lơ jơhnơr arih, lơ tơpôl kon pơlei oei xa tơ̆ Đắk Lắk ‘nao yak mât lơ̆m 1 tơdrong jang hơmet ming dơ̆ng. ‘Nâu ưh lăp tơdrong jang hơmet ming pơlei pơla, kueng kơphô̆ kiơ̆ nơ̆r athei kăt tơjur khul jang đĕch, mă oei jing ƀai toan pơm ‘lơ̆ng ăn tơdrong đei yoa hăm vei kơjăp anih jŏh ayŏ kơ dŏ xoang, tơdrong juăt đơ̆ng sơ̆ păng hơmet kơjăp tơdrong pơvei lơ̆m tơpôl. Tơ̆ phường Ea Kao, trong jang hơmet ming hlôi iŏk đei tơdrong tơgŭm kơtă tơ̆ tơring.

VOV.Bahnar – Lơ̆m dôm groi teh kơ xah Tu Mơ Rông, dêh char Quảng Ngãi (apŭng Tu Mơ Rông, dêh char Kon Tum so), hloh 1 triu tơm kaphê 'nao đei pơtăm, pơih blŭng ăn tơdrong pơjing tơring pơtăm akŏm, pơjing trong jang xa kơjăp sơđơ̆ng ăn kon pơlei Xơ Đăng.

VOV.Bahnar - Dêh char Đắk Lắk oei tơplih dar deh đon tơchĕng đơ̆ng pơih xă teh pơtăm jing pơm hơtŏk kơjă tơmam jang đei lơ̆m 1 pơgar. Kŭm hăm pơjing lơ tơring choh jang hăm kơmăy kơmŏk ‘nao, atŏk tơiung trong choh jang xa klĕp ‘lơ̆ng păng hơmet pơ ‘lơ̆ng teh vă sơng anih jang tih truh, tơring dar deh pơjing anih choh jang xa ‘nao ‘lơ̆ng, pran kơjăp.  

VOV.Bahnar – Pơm kiơ̆ tơchơ̆t bot 'lơ̆ng jơnŭm pơgơ̆r, rim tơring lơ̆m dêh char Lâm Đồng tŏk bŏk oei jang tơnăp tơdrong hơgrop thôn, kueng kơphô̆ kiơ̆ pơkăp tơjur hloh 50% hơnih tơm vei lăng tơ̆ tơring. Tơdrong pơm jang đei tơlĕch hơdah 'lơ̆ng, yak truh tơdrong jang đei jơnei gah vei lăng iŏk yua bơngai jang.

VOV.Bahnar – Đơ̆ng minh pơlei tơter đak dơsĭ ƀơm 'mi kial đak hơbông pơrăm, dang ei Xóm Rớ, dêh char Đăk Lăk, jing hơnih 'lơ̆ng ăn lơ kon pơlei păng tơmoi chă truh tơmang lăng hơlen băt. Mă kăl tơring ou roi năr roi 'lơ̆ng hloh ah mă pơnơ̆ đak dơsĭ Xóm Rớ hăm mam pơsei ƀê tŏng pĕng găn pơrŏ hăm lơ đak kơ-ang chrê chra, pơjing minh um rup 'nao, ƀenh kơ jơhngơ̆m pran.