VOV4.Bahnar - Tơdrong jang tơm kơ teh đak pơjing tơring tơrang ‘nao tŏk bŏk hơnhăk ba lơ tơdrong đei yoa lơ̆m tơdrong jang atŏk tơiung mŭk drăm tơpôl tơ̆ dôm pơlei pơla, dôm tơring tơrang lơ̆m plt Gia Nghĩa, dêh char Đắk Nông. Jĭ anih jang tơ̆ apŭng mă blŭng kơ dêh char Đắk Nông hlôi jang kĕh tơdrong pơjing tơring tơrang ‘nao, Gia Nghĩa oei hơnơ̆ng adrin pơjing pơlei pơla, tơring tơrang jang mŭk drăm kơjăp, đei ƀĕnh tơdrong juăt ‘lơ̆ng.

VOV4.Bahnar - Ea Súp ‘noh apŭng sơlam teh đak kơ dêh char Dak Lăk ŭnh hnam dơnuh oei lơ. Lơ̆m dôm sơnăm ou ki, khul kơdră Đảng, Kơdră chĕp pơgơ̆r tơring hlôi iung jang rim tơdrong jang atŏk tơ iung mŭk drăm-tơpôl, hơmet pơ ‘lơ̆ng hơrih sa ăn kon pơlei, iŏk đei jơnei lơ̆m bơ̆ jang tơjur dơnuh.

VOV4.Bahnar - Khei năr ou ki, rim khul jang kmăi kmŏk kơsô̆ pơlei pơla tơ̆ Dak Lăk, iung jang ‘lơ̆ng hơnăp jang pơrô̆ pơrôp, pơtho tơbăt kon pơlei kai tơmơ̆t, iŏk yua rim ư̆ng yŭng kmăi kmŏk kơsô̆ lơ̆m rim tơdrong kơ hơrih sa. Đơ̆ng noh tơgŭm ăn tơdrong jang tơplih kơsô̆ tơ̆ tơring tơplih kơtang, lơ kon pơlei hlôi băt iŏk yua pơm hla bơar kiơ̆ hăm kmăi kmŏj vă roi năr roi pơjing đei kon pơlei kơsô̆.

VOV4.Bahnar – Lơ sơnăm kơ âu, pơlei tơm Pleiku (dêh char Gia Lai) hlôi tơlĕch lơ trong pơm jang vă tơjur hin dơnuh kơjăp sơđơ̆ng, hăm tơdrong tơrĕk kăp gĭt truh kon pơlei kon kông. Dôm trong pơkăp jang tơpă hlôi tơgop hơtŏk tơdrong hơrih kon pơlei hin dơnuh lơ̆m tơring.

VOV4.Bahnar - Đắk Wer, apŭng Đắk Rlấp jĭ xăh mă blŭng kơ dêh char Đắk Nông đei năng jĭ xăh tơring tơrang ‘nao đei ƀôh. Anih jang, trong nơnăm hlôi đei ming man kơjăp ‘lơ̆ng, tơdrong arih xa găh tơmam drăm, jơhngâm đon kơ kon pơlei tŏk hơnơ̆ng. Kon pơlei tơ̆ Đắk Wer, mă loi jĭ kon pơlei bơngai M’Nông pơ̆n tŏk iŏk jên vă tưk tơiung tơdrong jang xa. Vă rim unh hnam kŭm đei hre ngăl, mă lei hre vă jang pơm pơdrŏng. 

VOV4.Bahnar - Sơnăm 2021, Khul kơdră chĕp pơgơ̆r Đảng pơlei tơm Pleiku hlôi đei Tơdrong jang 31 găh hơnng atŏk kơtang tơjur dơnuh kơjăp ‘lơ̆ng, pơm hơtŏk ‘lơ̆ng tơdrong hơrih sa kon pơlei, mă kăl tơ̆ rim pơlei pơla kon kông lơ̆m pơlei tơm jăl jang 2021 - 2025. Đơ̆ng noh, rim khul kơdră đảng, kơdră chĕp pơgơ̆r Pơlei tơm Pleiku hlôi chĕp pơgơ̆r, pơrô̆ jang păng jang kiơ̆ lơ trong jang tơjur dơnuh păng iŏk đei jơnei hơ iă.

VOV4.Bahnar - Dôm năr ‘nâu, Đảng ƀô̆, khul kơdră pơgơ̆r păng kon pơlei dôm hơdrĕch hơdrung dêh char Đắk Lắk oei pơgơ̆r lơ tơdrong tơbăt 120 sơnăm Năr pơjing dêh char (24/11/1904 – 24/11/2024). Jĭ tơring akŏm lơ kơjă kăp gĭt găh jŏh ayŏ kơ dŏ xoang kơ dôm hơdrĕch Tây Nguyên kŭm hăm tơdrong jŏh ayŏ kơ dŏ xoang kơ dôm tơring lơ̆m teh đak; tơring đei anih dơ̆ng tôch gĭt kăl, jĭ tơring tŏk bŏk, jĭ jơhngâm pran vă jang atŏk tơiung ăn tơring Tây Nguyên; hăm lơ tơdrong ‘lơ̆ng đơ̆ng plenh teh, dêh char Đắk Lắk oei adrin pơjing tơring roi đunh roi pơdrŏng ‘lơ̆ng rŏ, ƀĕnh tơdrong jŏh ayŏ kơ dŏ xoang ‘lơ̆ng hơiă, gơ̆h hơgei, hiôk chơt.

VOV4.Bahnar - Pơgê 20/11, Anih vei lăng kon pơlei pơlei tơm Buôn Ma Thuột, dêh char Đắk Lắk pơgơ̆r lêh roi tơbăt hơdăh xăh Ea Kao jang đang tơring tơrang ‘nao ‘lơ̆ng rŏ sơnăm 2023.

VOV4.Bahnar - Khei năr ou ki, lơ kơdră chĕp pơgơ̆r đảng tơ̆ tơring kơ dêh char Dak Lăk hlôi iung jang ‘lơ̆ng, tơklep kơjăp hăm dôm tơdrong đei lơ̆m tơring vă tơlĕch rim trong jang kiơ̆ jơnei lơ̆m tơdrong jang tơ iung pơjing tơring tơrang ‘nao. Đơ̆ng noh, tơgop pơm hơtŏk tơdrong hơrih sa, jơhngơ̆m đon kon pơlei.

VOV4.Bahnar -  Tơring Ia Broăi, ‘noh tơring tơnap tap hloh kơ apŭng Ia Pa, dêh char Gia Lai, dôm sơnăm tơjê̆ ou hlôi dfdei tơplih hơ iă lơ̆m bơ̆ jang tơjur dơnuh. Mĭnh lơ̆m dôm bơngai kăl tơgop iŏk đei jơnei ‘noh jĭ mŏ Kpă H'Yư - Kơdră chĕp pơgơ̆r Khul drŏ kăn tơring, bơngai tơgum tơplih jơhngơ̆m đon tơchĕng, trong jang sa kơ kon pơlei kon kông. Mŏ hlôi đei Trung ương Khul drŏ kăn Việt Nam pôk ăn hla bơar hôn bơnê.