VOV4.Bahnar - 20 sơnăm hơdrol, dôm dêh char Tây Nguyên hrơ̆ch bơ̆ jang kiơ̆ tơdrong Tơchơ̆t 132/2002/QĐ-TTg găh asong teh oei, teh choh jang sa ăn dôm ŭnh hnam bơngai kon kông kơtă anih. Tơ̆ apŭng Ea Kar, dêh char Dak Lak, đei kơdơ chŭn ƀa să 250 hek tar hlôi đei asong ăn kơ vă jê̆ 450 ŭnh hnam kiơ̆ tơdrong tơchơ̆t âu. Đơ̆ng noh truh dang ei, kơchơ chŭn na hlôi tơgop hơnhăk ăn tơdrong arih sa phĭ tơnŏ ăn kon pơlei.

VOV4.Bahnar - Rim pơlei pơla Việt Nam hơnơ̆ng đei dôm tơdrong joh ayŏ kơ dŏ xoang kăp gĭt, ‘lơ̆ng hơiă, jĭ dôm tơmam tơm pơjing đei tơdrong kơjăp ‘lơ̆ng, jĭ pơhngol kơ dôm pơlei pơla Việt. Yăn hri, lơ̆m tơdrong pơjing tơring tơrang ‘nao, tơmât hơdai ‘lơ̆ng tơdrong chăl so hăm chăl hle, tơdrong juăt ‘lơ̆ng đơ̆ng sơ̆ hăm hrei ‘nâu, dôm tơdrong joh ayŏ kơ dŏ xoang đơ̆ng kră sơ̆ đơ̆ng kon pơlei tơ̆ tơring tơrang ling lang jing tơmam tôch kăp gĭt vă tơiung pơjing đei pơlei pơla ‘nao ‘lơ̆ng rŏ hrei ‘nâu.

VOV4.Bahnar - Hlôi oei lơ̆m 62 apŭng dơnuh hin lơ̆m tĕh đak, apŭng hơtăih hơtŏ, tơring kon pơlei kon kông oei Đam Rông kơ dêh char Lâm Đồng hrei ‘nâu đei tơdrong tơplih tôch ‘lơ̆ng. Ưh khan lăp kơsô̆ unh hnam dơnuh jur, mŭk drăm, tơpôl tŏk ‘lơ̆ng, tơdrong sơđơ̆ng chinh trĭ đei vei kơjăp đĕch mă dôm tơdrong jŏh ayŏ kơ dŏ xoang kŭm tŏk roi ‘lơ̆ng ƀiơ̆ kơ adrol sơ̆ ‘năi. Gơ̆h đei thoi âu ‘nŏh gơnơm tơlĕch jang hrơ̆ch ‘lơ̆ng păng đei yoa dôm tơdrong tơgŭm, tơmât jên ăn tơring hơtăih yăih, tơring kon kông đơ̆ng Đảng păng teh đak lơ̆m rim tơdrong.

VOV4.Bahnar - Lơ̆m kơplăh pơjing tơring tơrang ‘nao, dêh char Quảng Nam tŭn pran tơdrong jang pơjing dôm tơdrong jang hơnih kon pơlei oei tơring tơrang ‘nao ‘lơ̆ng rŏ, tơgop pơm um ai tơring tơrang, trong pơlei kueng ƀôt rơgoh ‘lơ̆ng hloh. Truh dang ei, dêh char Quảng Nam hlôi pơjing 250 pơgar ‘lơ̆ng, găh lơ pơtăm dôm kơ loăi ‘long sa plei đei kơjă, tơgop tơgŭm kon pơlei hơtŏk ‘lơ̆ng iŏk yua mŭk drăm.

VOV4.Bahnar - Dôm sơnăm tơ jê̆ âu, đơ̆ng dôm tơdrong jang tơm kơ teh đak pơjing tơring tơrang ‘nao, hơtŏk tơiung mŭk drăm - tơpôl tơring kon pơlei kon kông, anih jang kăl tơring tơrang, mă loi ‘noh jĭ trong nơnăm tơ̆ tơring hơtăih hơtŏ, tơring mơmat tat kơ dêh char Gia Lai tŏk bŏk roi ‘năr roi đei tơmơ̆t jên jang pơm ‘lơ̆ng, hiôk ƀiơ̆. Đei đăi jơnei âu, đei 1 păh tơgop tih tên đơ̆ng tơdrong jang kon pơlei plang song teh pơm trong.

VOV4.Bahnar - Đạ K’Nàng jĭ xăh hơtăih yăih, tơring kon kông oei kơ apŭng tơnuh hin Đam Rông, dêh char Lâm Đồng. Dôm sơnăm tơjê̆ âu, gơnơm pơ̆n tơplih ming đon tơchĕng lơ̆m tơdrong jang xa, pơtăm dôm kơloăi ‘long kăp gĭt vă tơplih ăn pơgar chĕh phe kră, pă đei plei lơ, tơdrong iŏk yoa đơ̆ng kon pơlei tŏk roi lơ ƀiơ̆. Ưh lăp pơm tơjur unh hnam tơnuh hin đĕch, mă Đạ K’Nàng kŭm jang kĕh tơdrong pơjing tơring tơrang ‘nao păng oei hơnơ̆ng adrin bơ̆ jang pơjing tơring tơrang ‘nao đei ƀôh dơ̆ng.

VOV4.Bahnar - Lơ̆m 3 sơnăm âu ki, jên tơmơ̆t jang pơjing tơring tơrang ‘nao lơ̆m teh đak dang 1 triệu 700 rơbâu ti hlak jên. Kiơ̆ đơ̆ng noh, anih jang kăl đei ming man ‘lơ̆ng, tơdrong arih sa kon pơlei đei tơplih ‘lơ̆ng.

VOV4.Bahnar -Đơ̆ng rŏng hloh 5 sơnăm tơlĕch jang, Tơdrong jang Mĭnh xăh 1 tơmam hlôi pơm tơdrong păr ang pran kơtang, să jơ̆p tơ̆ dôm tơring lơ̆m dêh char Dak Lak. Truh dang ei, Dak Lak hlôi drơ̆ng ăn 143 tơmam đơ̆ng 94 tơ ‘ngla OCOP đei đơ̆ng 3 - 4 hơnglŏng.

VOV4.Bahnar - Jĭ tơring đei lơ kon pơlei oei ‘noh jĭ bơngai K’ho, mŭk drăm mơmat tat, kớô̆ ŭnh hnam dơnuh hin lơ, mă lei gơnang đơ̆ng jăh tơplih đon hlôh vao, pơ̆n sơng iŏk păng tơmơ̆t yua khoa hŏk mŭk drăm lơ̆m choh jang sa păng tơdrong arh sa, pơnam jang sa, akŏm hăm tơdrong bơngơ̆t truh tơgŭm, tơmơ̆t jên jang đơ̆ng Đảng păng Teh đak, xăh Lộc Nam, apŭng Bảo Lâm hlôi tơtĕnh klăih đơ̆ng dơnuh hin, jing tơring teh đei lơ tơmam ‘lơ̆ng păng hơtŏk tơiung.

VOV4.Bahnar - Hrei ‘nâu, đơ̆ng Trung ương truh tơ̆ rim tơring tŏk bŏk hăt hot bơ̆jang kiơ̆ dôm trong jang hơmet pơ ‘lơ̆ng mơmat tat, pơtrŭt tơlĕch jang kiơ̆ 03 tơdrong jang tơm teh đak. Khŭl kơdră teh đak kŭm hlôi pơjing 26 Khŭl jang, bơ̆jang kơtă vă hơmet pơ ‘lơ̆ng mơmat tat ăn kơ rim tơring.