VOV4.Bahnar - Kơsơ̆ brei 3/7, tơ̆ Hnam Quốc hội, pơgơ̆r hop akŏm giao ban hơlen năng 6 khei blŭng păng tơlĕch tơdrong jang lơ̆m dôm khei hơtuch sơnăm tơ̆ dôm anih jang kơ Quốc hội.

VOV4.Bahnar - Dôm tơdrong jang tơm kơ teh đak găh tơjur tơnuh hin, atŏk tơiung mŭk drăm, tơpôl tơ̆ tơring kon kông păng groi kông, pơjing tơring tơrang ‘nao oei pơm hơtŏk tơdrong đei yoa ‘lơ̆ng tơ̆ tơring sơlam kơ dêh char Lâm Đồng (dêh char Đắk Nông adrol ki). Hăm tơdrong tơmât jên jang trŏ ƀlep hlôi tơgŭm ăn lơ pơlei pơla, lơ tơring hơtăih yăih, tơring kon kông jang tŏk pran ‘lơ̆ng.

VOV4.Bahnar - Dôm sơnăm tơjê̆ âu, dêh char Đắk Nông so, (găh dêh char Lâm Đồng ‘nao) hơnơ̆ng dơ̆ng adrol kơ tơring Tây Nguyên păng jing 1 lơ̆m dôm tơring dơ̆ng hơdrol lơ̆m teh đak găh tơjur tơnuh hin. Tơdrong jang tơjur tơnuh hin ăn ƀôh jang đei lơ tơdrong jơnei ‘lơ̆ng đơ̆ng chĕp kơ̆l pơgơ̆r truh tơdrong jang đơ̆ng dôm khul jang đảng tơ̆ tơring, dôm chi ƀô̆ păng đe đảng viên tơ̆ pơlei pơla.

VOV4.Bahnar – Pơyan pơdơh he ưh hơdrô̆ jing jơ năr pơdơh pơdei đơ̆ng rŏng kơ minh sơnăm hŏk pơhrăm, mă oei jing 'măng vă đe oh chă pơchơt, pơhrăm păng hơlen băt cham char tăp dăr. Tơ̆ Đăk Lăk, lơ tơdrong akŏm kăp gĭt, cham pơhhiơ̆ sơđơ̆ng hlôi đei pơtơm, hơ-'nhăk ăn đe hơ-ioh minh pơyan pơdơh he tơpă 'lơ̆ng hơ-iă.

VOV4.Bahnar – Kâu lak ƀô̆ tanh brai pơlei Phung (xah Biển Hồ, pơlei tơm Plei Ku, dêh char Gia Lai) đei tơ-iung pơjing jê̆ 3 sơnăm kơ ou. 'Nou jĭ hơnih vei răk tơdrong 'lơ̆ng rŏ joh ayŏ kră sơ̆, hơtŏk tơdrong jang tanh brai kơ bơngai Jarai păng tơgop pơjing tơdrong jang xa păng đei jên ăn đe drăkăn Jarai tơ̆ pơlei Phung.

VOV4.Bahnar – Dêh char Gia Lai tŏk bŏk oei hơdrin pơtăm prit kiơ̆ trong jang 'nao, vă hơtŏk kơjă tơmam drăm păng pơjing prit jing tơmam choh pơtăm kăp gĭt tĕch ăn teh đak đe. 'Nou jĭ trong pơm jang kăp gĭt lơ̆m pơkăp choh jang xa, tơgop hơtŏk pơjing tơring tơrang 'nao kiơ̆ tơchơ̆t trong pơm jang 'nao hơgei.

VOV4.Bahnar - Hŏk pơhrăm păng jang kiơ̆ jơhngâm đon ‘lơ̆ng đơ̆ng Ƀok Hô, Chi ƀô̆ đei 100% đảng viên jĭ bơngai Thái tơ̆ plei Co Phung, xăh Hua La, plt Sơn La, dêh char Sơn La hlôi tơlĕch lơ trong jang mŭk drăm tôch đei yoa, vang tơgop pơjing pơlei groi kông pơdrŏng ‘lơ̆ng rŏ, gơ̆h hơgei.

VOV4.Bahnar - Tơring Cư Suê, apŭng Cư M’gar hrei ou đei hloh 220 ‘nu đang viên, lơ̆m ou đei 71 ‘nu đang viên bơngai kon kông. Lơ̆m dôm chi ƀô̆ tơ̆ tơring kon kông đei ƀar ‘nu drŏ kăn Ƀĭ thư bơngai Êđê ‘noh mŏ H’Đàn Niê  hăm H’Đao Êban. Đe sư ‘noh dôm bơngai drŏ kăn đei lui yom kơ yuơ bơ̆ jang hơgei, tơnăp păng pơm jŭk yŭk trong hơlou lơ̆m rim tơdrong jang. “Hơgei tơdrong ŭnh hnam, pơnam tơnăp tơdrong jang tơring” đe sư ‘noh dôm bơngai tơgop kơtang lơ̆m vei răk tơƀăk mong, atŏk tơ iung tơdrong oei sa joăt joe ‘lơ̆ng rŏ hơdrĕch hơdrung, atŏk tơ iung muk drăm-tơpôl tpơ̆ tơring.

VOV4.Bahnar – Lơ̆m tơdrong jang pơjing tơring tơrang 'nao, tơdrogn vei răk tơƀăk mong joh ayŏ kon kông hơnơ̆ng đei dêh char Gia Lai tơrĕk kăp gĭt. Tơ̆ pơlei O Ngol, xah Ia Vê, apŭng Chư Prông, jơva chĭng chêng, nơ̆r hơri tơdra hơri kră sơ̆ păng dôm khôi juăt adoi oeid dei vei răk tơƀăk mong păng pơlan să lơ̆m tơpôl pơlei pơla. Hăm tơdrong tơgŭm vang jang đơ̆ng kră pơlei, đe ngê̆ nhơ̆n păng đe sơnăm mơlôh, dôm kơjă joh ayŏ juăt jue tŏk bŏk đei vei răk yak hadoi hăm tơdrong hơtŏk tơ-iung, tơgop pơjing pơlei pơla roi năr roi hơtŏk pơdrŏng 'lơ̆ng, gơh hơgei păng ƀenh kơ um ai joh ayŏ kon kông.

VOV4.Bahnar – Jang kŏng nhơ̆n tơ̆ Kŏng ti Kơsu Chư Prông (dêh char Gia Lai), tơdăm Kpuih HMin (bơngai Jarai) hlôi hơdrin kơ-'nôh, jing Ƀĭ thư Chi đoan hơgei, bơngai jang hơgei păng jing um ai hơgei kơ đe hơdruh todăm kon kông hŏk pơhrăm păng pơm kiơ̆ nơ̆r Ƀok Hô. Hăm lơ tơdrong jang hơgei păng tơgop kăp gĭt ăn tơdrong jang Đoan, Kpuih HMin chơt hơ-iă jing minh lơ̆m 6 bơngai tang măt ăn Gia Lai đei rơih năm Hop akŏm Hơdruh tơdăm hơgei jang kiơ̆ nơ̆r Ƀok Hô lơ̆m jơ̆p teh đak 'măng mă 8, sơnăm 2025.