VOV4.Bahnar - Dêh char Kon Tum đei dang 54% kơsô̆ kon pơlei ‘noh bơngai kon kông, lơ̆m noh đei 7 hơdrĕch kon kông kơtă anih, ‘noh: Xơ Đăng, Gié- Triêng, Ba Nar, Gia Rai, Brâu, Rơ Măm păng Hrê. Hăm jơhngơ̆m đon pơ hnŏng tơiung tơmam ‘lơ̆ng, đei yua vă hơtŏk tơiung, dêh Kon Tum hlôi ƀrư̆ ƀrư̆ pơjing đei dôm tơmam tơmang lăng, răt yua đơ̆ng dôm kơjă kăp gĭt joh ayŏ joăt joe tơgŭm kon pơlei hơtŏk iŏk yua ƀrư̆ ƀrư̆ hơtŏk ‘lơ̆ng tơdrong arih sa.

VOV4.Bahnar - Tơdrong jang tơm kơ teh đak găh pơjing tơring tơrang ‘nao hlôi pơjing đei tơdrong tơplih tôch ‘lơ̆ng tơ̆ lơ tơring lơ̆m dêh char Đắk Lắk. Đơ̆ng tơdrong jang ‘nâu, um ai tơring tơrang ‘nao roi đunh roi đei tơplih ‘lơ̆ng rŏ, tơdrong jŏh ayŏ kơ dŏ xoang kơ kon pơlei đei chĕp vei kơjăp, vang tơgop pơjing đei lơ tơring tơrang, pơlei pơla tôch tơgăl vă arih xa.

VOV4.Bahnar – Hăm hloh 95% unh hnam kon pơlei Bahnar hơrih jang xa đơ̆ng lơ sơnăm kơ âu, pơlei Đăk Mông, xah Đăk Rong, apŭng Đăk Đoa, dêh char Gia Lai jing minh lơ̆m dôm pơlei gơh hơgei lơ̆m pơm kiơ̆ Tơchơ̆t jang kơ teh đak gah pơjing tơring tơrang ‘nao. Atŭm hăm jơnŭm pơgơ̆r tơring, kon pơlei hlôi hơdrin pơm jang, pơm tơlĕch tơmam drăm kăp gĭt tơguăt hăm vei răk tơƀăk mong lơ um ai joh ayŏ vă tơgŭm ăn tơring tơrang roi năr hơtŏk ‘lơ̆ng, hơyak pơjing minh tơring tơrang ‘nao gơh hơgei.

VOV4.Bahnar - Pơm jŭk yŭk trong hơlâu hŏk pơhrăm tơdrong iŏk yua kơmăy kơmŏk kơtơ̆ng ang đang kơ ‘noh tơlĕch jang ăn kang ƀô̆, đảng viên păng kon pơlei hŏk pơhrăm, jang kiơ̆. ‘Noh jĭ trong mă dôm bí thư chi bộ, đảng bộ tơring mơmat tat dêh hloh tơ̆ Sơn La kiơ̆ tom hăm tơdrong jang kach mang khoa hŏk kơmăy kơmŏk 4.0. Kiơ̆ đơ̆ng noh tơgop tơmơ̆t dôm tơdrong tơchơ̆t đơ̆ng Đảng lơ̆m tơdrong arih sa, lơ̆m noh đei tơdrong tơchơ̆t găh pơjing tơring tơrang ‘nao. Tơdrong jang tơ̆ dêh char Sơn La kăl kơ đei hŏk pơhrăm, pơih să.

VOV4.Bahnar - Tơring sơlam xăh Ia Nan, apŭng Đức Cơ, dêh char Gia Lai jĭ tơring mơmat tat, 100% jĭ kon pơlei kon kông hơrih sa. Yua kơ tơdrong mŭk drăm oei dơnuh hin mơmat tat, hlôh vao đơ̆ng kon pơlei oei ưh kơ lơ kơna tơdrong truh tơ̆ hnam trưng đơ̆ng đe oh hŏk tro kŭm mơmat tat. Khei ‘năr âu ki, rim kơdră, rim khŭl tơpôl, khŭl jang, mă loi ‘noh jĭ ƀô̆ đô̆i vei lăng tơring sơlam hlôi jang hơdai hăm hnam trưng, tơlĕch ăn lơ trong jang tơgŭm ăn hŏk tro dơnuh hin tơring sơlam truh tơ̆ hnam trưng.

VOV4.Bahnar - Jang kiơ̆ khoa hŏk kih thuơ̆t, lơ kon pơlei choh jang sa bơngai Dao oei tơ̆ tơring Cư Suê, apŭng Cư Mgar, dêh char Dak Lăk hlôi tơplih trong jang sa, tơgoăt dih băl jang sa, băt hơdăh tơdrong mơdro sa, iung jang kiơ̆ pơm tơlĕch ‘lơ̆ng tơmam drăm vă hơtŏk kơjă, hơnhăk đei iŏk yua kơjăp.

VOV4.Bahnar - Tơ̆ ‘măng hop akŏm ưh kơ ê ‘măng mă 5 (Kuôk hô̆i jăl 15), mĭnh lơ̆m 4 tơdrong gĭt kăl đei dôm bơngai tang măt akŏm pơma dơnuh tơdrong Tơchơ̆t găh 1,2 trong jang tơgŭm hơdrô̆ bơ̆jang kiơ̆ dôm tơdrong jang tơm teh đak. Dôm bơngai tang măt Kuôk hô̆i drơ̆ng nơ̆r ‘lơ̆ng hăm trong jang tơgŭm pơlong lăng klăih song hơnăp jang ăn apŭng lơ̆m vei lăng păng pơgơ̆r bơ̆jang dôm tơdrong jang tơm teh đak, hơdai hăm ‘noh athei hơtŏk loi dơ̆ng tơdrong jang iŏk yua jên ăn kang ƀô̆, mă loi ‘noh tơ̆ apŭng vă bơ̆jang kiơ̆ dôm tơdrong jang iĕ đơ̆ng tơdrong jang.

VOV4.Bahnar - Hăm tơdrong kăl “Tơ̆ yơ kăl kơ hơdruh tơdăm ‘noh đei, tơdrong kiơ hơnat đei hơdruh tơdăm”, lơ̆m sơnăm 2023, đoàn viên, hơdruh tơdăm dêh char Gia Lai hlôi tơlĕch lơ tơdrong jang hơdăh ‘lơ̆ng lơ̆m tơdrong jang “Sơnăm mơlôh vang tơgŭm pơjing tơring tơrang ‘nao”. Kiơ̆ đơ̆ng noh, pơm ‘lơ̆ng um ruo ao jơk năm jang tơgŭm, iung jang, ling lang jang tơnăp hăm tơdrong hơtŏk tơiung kơ tơpôl.

VOV4.Bahnar - Jĭ bơngai Tày, rơneh păng tih vơ̆ tơ̆ pơlei pơla Đông Khê dêh char Cao Bằng - hơnih mă kơtar tính tẩu, tơdra then hlôi đei lơ̆m jơhngơ̆m đon, kơna mă đơ̆ng năm oei truh tơ̆ tơring teh ‘nao, ƀok Nông Văn Hưu (75 sơnăm) pei ling lang hưch hanh hăm tơdra hơri kră sơ̆ kơ hơdrĕch sư păng tơchĕng hăm tơdrong pơm liơ chĕp vei, pơtho tơdrong hơri âu ăn kơ tơpôl kon pơlei oei tơ̆ hơnih ƀok arih sa.

VOV4.Bahnar - Sơnăm 2023, đei 3 xăh chih măt pơjing tơring tơrang ‘nao đei ƀôh. Mă lei tam mă đei xăh yơ jang đei đĭ đăng dôm tơdrong hơgăt đei tơlĕch, mă lei tơdrong pơjing tơring tơrang ‘nao đei ƀôh hlôh ƀôh lơ tơdrong tôch đei yoa tơ̆ yăn âu, pơm hơtŏk đei tơdrong arih xa găh tơmam drăm, jơhngâm đon ăn kon pơlei.