VOV. Bahnar -  Tơ̆ Đắk Lắk ‘nao pơgơ̆r Hop akŏm atŏk kơtang tang găn hơlou, iung tơjră tang găn jĭ kŏ vơnh, vă dăr lăng dôm tơdrong păng pơtrŭt kơtang tơlĕch jang kiơ̆ Tơdrong jang tơm Teh đak tang găn hơlou, iung tơjră tang găn jĭ kŏ vơnh jăl jang 2022-2030. Tơdrong pơgơ̆r ou đei iung jang kiơ̆ Năr apŭng plĕnh teh tang găn, tơjră tang găn jĭ kŏ vơnh sơnăm 2026, kơ yuơ Hơnih tơm vei lăng Choh jang sa păng Cham char iung jang hơdoi hăm Viện Vệ sinh dịch tễ Tây Nguyên păng Hơnih vei lăng Jang pơgang dêh char Đắk Lắk vang pơgơ̆r.

VOV.Bahnar - Jĭ klak chroh 'noh tơdrong jĭ đa đei tơ̆ hơioh, mă loi 'noh jĭ hơioh hơla kơ 5 sơnăm. 'Nâu jĭ tơdrong jĭ pơm ăn lôch lơ hloh tơ̆ hơioh sơnăm âu. Vi rus Rota 'noh jĭ mĭnh lơ̆m dôm yŏng jĭ tơm pơm ăn jĭ. Đơ̆ng sơnăm 2024, vắc xin Rota tang găn jĭ klak chroh hlôi đei tơmơ̆t lơ̆m Tơdrong jang ƀet bơ̆ng pơih să, ƀet đĕch ăn hơioh tơ̆ mĭnh ƀar dêh char mơmat tat păng gô tơlĕch jang jơ̆p lơ̆m teh đak đơ̆ng sơnăm 2026. 'Nâu jĭ trong jang đei yua tơgop găn ƀiơ̆ kơsô̆ jĭ klak chroh, vei lăng jơhngơ̆m pran ăn hơioh.

VOV.Bahnar - Kŭm hăm kơsô̆ dôm bơngai jĭ tŏk lơ, tơ̆ dêh char Lâm Đồng đơ̆ng blŭng sơnăm truh dang ei đĭ đei 2 ‘nu lôch yua đơ̆ng jĭ jơ̆ng ti ƀơ̆r păng 1 ‘nu lôch yua đơ̆ng jĭ pơlŏ lĕch đe. Anih jang pơgang tơring tŏk bŏk akŏm tơjră tơ̆ hơnăp krê hơmơt đơ̆ng jĭ.

VOV.Bahnar - Anih jang pơgang Đăk Lăk tŏk bŏk tŭn pran kơsô̆ chih akŏm dôm hla ar bơ̆jang. Truh dang ei, kon pơlei hlôi pơtơm gơh chih măt khăm, hơmet jĭ hăm kơmăy kơmŏk điên tư; dôm anih jang pơgang kŭm tơlĕch jang chih hla ar tơdrong jĭ điên tư păng kla jên ưh đei yua jên măt. Dôm tơdrong đei yua kơsô̆ âu tŏk bŏk ƀrư̆ ƀrư̆ tơgŭm kon pơlei gơh yua tơdrong pơvih pơvăn pơgang ƀônh hiôk hloh, hơdai hăm ‘noh hơtŏk ‘lơ̆ng tơdrong pơvih pơvăn lơ̆m khăm - hơmet jĭ tơ̆ tơring.

VOV.Bahnar - Jĭ rơka hlŭng ‘noh mĭnh tơdrong jĭ đa đei, mă loi ‘noh jĭ lơ̆m tơdrong hơrih sa ‘nao hrei ‘nâu. Kơlih đơ̆ng tơdrong đei ƀôh lơ đơ̆ng tơdrong jĭ âu pơm ăn lơ bơngai lăng pơhơi dôm tơdrong đei jĭ blŭng a. Jĭ rơka hlŭng ưh khan lăp ji tơdrong jĭ nhơ nhĭng hmă mă gô hơnhăk truh dôm tơdrong đei jĭ ăl krê hơmơt truh jơhngơ̆m pran.

VOV.Bahnar - Giĕng âu ki, dêh char Gia Lai đei 2 'nu hơioh lôch yua đơ̆ng jĭ vơnh, hơtŏk đĭ đăng kơsô̆ bơngai lôch yua đơ̆ng tơdrong jĭ 'nâu đơ̆ng blŭng sơnăm 2026 truh dang ei tŏk 5 'nu.

VOV.Bahnar – Tơ̆ dêh char Đăk Lăk 'nao băt đei bơngai jĭ mă 2 lôch hơchăng kơyuơ đơ̆ng pơlŏ tŏ lĕch đe pơm đei lơ̆m sơnăm 2026.

VOV.Bahnar - Kơ sơ̆ 'năr 8/9, tơ̆ Anih bơ̆jang kơ Khŭl kơ dră teh đak, Thủ tướng Lê Minh Hưng pơ gơ̆r jơ bơ̆ jang hăm Anih tơm vei lăng găh jang pơ gang păng rim anih tơm, anih jang ƀơm truh găh tơ drong jang Luơ̆t hơ met ming, tơ mơ̆t dơ̆ng mĭnh ƀar apăng đơ̆ng Luơ̆t khăm jĭ, hơ met jĭ, Luơ̆t pơ gang păng Luơ̆t vei sơ đơ̆ng rơ goh 'lơ̆ng tơmam sa.

VOV.Bahnar - Khŭl chĕp kơ̆l pơgơ̆r Anih jang Đảng dêh char Gia Lai hlôi drơ̆ng nơ̆r tơlĕch jang lơ tơdrong tơgŭm hơdrô̆ kiơ̆ Tơdrong tơchơ̆t kơsô̆ 72 đơ̆ng Anih tơm Chĭnh trĭ vă hơtŏk loi dơ̆ng vei lăng păng hơtŏk 'lơ̆ng jơhngơ̆m pran kon pơlei. Lơ̆m noh kăl kơ lăng truh 'noh jĭ trong jang tơmơ̆t jên jang vă jê̆ 300 ti hlak jên ăn jang pơgang tơring tơ̆ tơring sơlam, tơring mơmat tat dêh hloh, tơdrong tơlĕch jang khăm hơlen jơhngơ̆m pran hơnơ̆ng ưh kơ iŏk jên ăn kon pơlei tơ̆ 12 xăh sơlam, achon đak dơsĭ; păng tơdrong tơplih băl dôm ƀak si đơ̆ng dôm hnam pơgang năm tơgŭm dôm xăh.

VOV.Bahnar -  yak mơ̆t lơ̆m pơyan ‘mi, tơdrong jĭ pơlŏ lĕch đe Dengue tơ̆ Đắk Lắk tŏk bŏk đei ƀôh tŏk. Jô̆ đơ̆ng blŭng sơnăm truh dang ei, lơ̆m dêh char hlôi đei hloh 4.200 ‘nu đei jĭ pơlŏ lĕch đe, lơ̆m noh đei 1 ‘nu lôch. Kăl kơ lăng truh, tơ̆ hơioh đei kơsô̆ ưh kơ đei tŏ sĕt lơ̆m kơsô̆ dôm bơngai đei jĭ athei ƀĭch tơ̆ hnam pơgang hơmet. Tơpă yan âu ăn ƀôh, lơ bơngai jĭ truh tơ̆ anih jang pơgang ƀơ̆t jĭ đĭ tơplih jing krê hơmơt yua đơ̆ng pơm pơ hơi, chă hơmet kơdih tơ̆ hnam. Tơdrong ‘nâu pơm hơtŏk hơmơt kơ đei jĭ dêh, ƀơ̆t lăp tơhli truh hơkâu jăn bơngai jĭ.