VOV4.Bahnar - Ƀlep ƀât tơbăt 69 sơnăm Năr ƀok Thây pơgang Việt Nam, ‘năr 27/2, Anih vei lăng jang pơgang dêh char Đắk Lắk pơgơ̆r pơma đam chă pơđou dơ̆ng jăl trong bơ̆ jang ‘lơ̆ng hơiă đơ̆ng Anih jang pơgang lơ̆m tơdrong vei lăng jơhngâm pran ăn kon pơlei dôm sơnăm âu ki.

VOV4.Bahnar - Tơmo lơ̆m plei lĕn ‘noh jĭ đak krăl, hơrăng yua đơ̆ng kơchơ̆t kơ nê̆ dăh mă ƀoh axit kơtoăl lơ̆m đak hơyô. Tơmo lơ̆m plei lĕn đơ̆ng rŏng kơ pơ jing gô oei dơnơ̆ng lơ̆m plei lĕn dăh mă jur tơ̆ trong chă hơyô. Jĭ tơmo lơ̆m plei lĕn tơdăh ưh kơ đei chă ƀôh păng hơmet tơtom gô pơm ăn lơ tơdrong jĭ krê hơmơt.

VOV4.Bahnar - Lơ̆m prăt sơnăm vang iung tơblăh Phalăng păng Mi, khul linh kon pơlei Lào păng khul linh kon pơlei Việt Nam hơnơ̆ng yak hơdai, vang tơblăh iŏk rơngei, vei lăng tơdrong pơm tơm kơjăp ‘lơ̆ng kơ 2 teh đak. Đơ̆ng rŏng kơ tơblăh hŭt ayăt, khul linh 2 teh đak Việt Nam păng Lào ưh lăp hơnơ̆ng pơm hơtŏk tơdrong pơvei ăn 2 khul linh đĕch, mă oei hơtŏk tơdrong jang hơdoi tôch đei yoa lơ̆m tơdrong tơchĕng hơlen khoa hŏk, mă loi jĭ khul linh quân y 2 teh đak, jang hơdoi răih hơmet đei lơ tơdrong jĭ krê hơmơt, pơih đei trong yak ‘nao lơ̆m tơdrong vei lăng jơhngâm pran ăn kon pơlei đơ̆ng khul linh quân y Lào.

VOV4.Bahnar - Tŏk huyết áp dăh mă oei krao ‘noh huyết áp tŏk, jĭ tơdrong jĭ đei ƀôh lơ ưh khan lăp tơ̆ bơngai ‘lŏ kră mă hrei ‘nâu tơdrong jĭ âu tŏk bŏk tŏk tơ̆ bơngai sơnăm mơlôh. Tŏk huyết áp đei lăng jĭ tơdrong jĭ pơlôch bơngai ưh kơ băt hơdăh păng đei hơmơt kơ đei ƀôh jĭ kơtang ăn bơngai jĭ, mă loi ‘noh jĭ đei hloh 50% kơ sô̆ bơngai đei tŏk huyết áp ưh kơbăt kơ dih đei jĭ. Yua thoi noh tơdrong chă ƀôh păng hơmet hrôih ‘noh tôch kơ gĭt kăl vă tang găn đei ƀôh jĭ đơ̆ng tơdrong jĭ ‘nâu.

VOV4.Bahnar - Jĭ 1 pơrang tơplih kĕ tơpoh lanh hrĕnh, JN.1 jĭ tơdrong tơm pơm ăn hơtŏk kơ sô̆ bơngai jĭ păng lôch tơ̆ 1,2 teh đak, lơ̆m noh đei tơring Đông Nam Á. Tơ̆ Việt Nam, pơtôch tơblang hơlen lăng gen vă jê̆ 20 ‘nu jĭ Covid 19 âu ki chih iŏk bơngai jĭ pơrang tơplih đơ̆ng Omicron JN.1. Đĭ đăng dôm bơngai âu adoi chih iŏk đei ƀôh jĭ ăl păng tam mă ƀet tôm dôm jrŭm vắc xin kiơ̆ pơtho tơtă. Tôch kơ tơtăm ‘noh jĭ kơ sô̆ bơngai jĭ ƀĭch tơ̆ hnam pơgang yua đơ̆ng Covid 19 tơ̆ dôm anih jang pơgang đei ƀôh tŏk răh lơ̆m dôm giĕng tơ jê̆ âu, athei anih jang pơgang păng kon pơlei ‘nĕ kơ pơm pơ hơi mưh ‘meh vă tơƀơ̆p pơma dơnuh, năm vih vơ̆t tŏk hrĕnh lơ̆m năr Tết nguyên đán.

VOV4.Bahnar - Băt hơdăh tơdrong vei lăng rơgŏh ‘lơ̆ng tơmam xa ưh lăp ƀơm truh jơhngâm pran kon pơlei đĕch mă oei ƀơm ưh ‘lơ̆ng truh tơdrong jang tŏk mŭk drăm, tơpôl tơ̆ tơring hai. Vă pơvih ăn kon pơlei sơng Tết Nguyên đán Giáp Thìn păng ngôi pơchơt pơyan Puih mak, vei lăng ‘lơ̆ng jơhngâm pran, Anih pơgơ̆r jang đơ̆ng lơ Anih jang kơpal găh vei lăng rơgŏh ‘lơ̆ng tơmam xa dêh char Đắk Lắk hlôi păng tŏk bŏk pơtho tơƀôh bơ̆ jang mă ‘lơ̆ng, vei lăng kơjăp tơmam xa rơgŏh tơ̆ dêh char.

VOV4.Bahnar - Jê̆ Tết Nguyên đán, ‘meh vă răt yua đơ̆ng kon pơlei lơ̆m dêh char Dak Lak tŏk lơ, ‘nâu kŭm jing jơnăr ăn tơmam ‘mê̆, tơmam ưh kơ đei băt hơdăh anih pơm tơlĕch đei tĕch hrâu lơ̆m anih tĕch mơdro. Vă vei lăng bơngai răt yua, khŭl lĭnh kơpal hlôi tŭn pran tơdrong jang iung jang tang găn păng sek phak tơtom dôm tơdrong pơm glăi khôi luơ̆t găh vei rơgoh ‘lơ̆ng tơmam sa.

VOV4.Bahnar - Pơ ‘ngeh trong chă hơyô ‘noh jĭ tơdrong jĭ đei ƀôh tơ̆ drŏ nglo kră. ‘Nâu jĭ tơdrong jĭ đa tơƀơ̆p dơ̆ng mă 3 đơ̆ng rŏng kơ tơmo plei lĕn păng pơchŭng trong chă hơyô yua đơ̆ng hơkâu jăn tơplih kră. Jĭ pơm ăn ƀơm ưh kơ ‘lơ̆ng lơ truh jơhngơ̆m pran bơngai jĭ, mă lei, đei lơ bơngai jĭ oei pơm pơ hơi mưh đei ƀôh jĭ, ưh kơ năm khăm, hơmet hrôih pơm ăn jĭ đei ƀôh lơ tơdrong jĭ ƀơm ưh kơ ‘lơ̆ng truh jơhngơ̆m pran, ƀơ̆t lăp krê hơmơt truh hơkâu jăn.

VOV4.Bahnar – Sơnăm 2024, Jơnŭm pơgơ̆r jang kơ teh đak Hơvơn plang pham ‘mêm kơ-eng hơdrin hơvơn iŏk đei pơhlom 1,6 trĭu tơpu pham.

VOV4.Bahnar - Hnam pơgang apŭng Chư Sê, Gia Lai ‘nao iŏk hơmet 3 ‘nu ‘nhŏng oh ƀơm pơnhŭl yoa đơ̆ng xa ‘nhĕm păng kơtăp kit drŏk. Dang ei 2 ‘nu oh đĭ lôch bơih, 1 ‘nu oh oei hơmet tơ̆ anih hơmet jĭ ăl.