VOV.Bahnar - Hơnih vei lăng Joh ayŏ kơdŏ soang, Đă ƀŏng lŏng tơplŏng kơdou păng Tơmang pơhiơ̆ dêh char Đắk Lắk pơgơ̆r tơƀơ̆p muh măt 25 sơnăm Năr Ŭnh hnam Việt Nam (28/6), jang kiơ̆ Khei iung jang teh đak găh tang găn hil hơreh teh dong lơ̆m unh hnam sơnăm 2026.

VOV.Bahnar - Tơ̆ phường Quy Nhơn, Anih jang găh Chă tơmang lăng Teh đak Việt Nam jang hơdai hăm Anih tang găn pơrăm đơ̆ng hơ̆t hla (Anih tơm vei lăng jang pơgang) păng Anih vei lăng Joh ayŏ, Tơplŏng kơdâu păng Chă tơmang lăng dêh char Gia Lai pơgơ̆r lêh tơlĕch jang “Pơjing hơnih ưh kơ đei ‘nhui hơ̆t tơ̆ hơnih chă tơmang lăng păng hơnih ƀĭch pơdơh chă tơmang lăng”.

VOV.Bahnar - Pơgê brei (21/6), tơ̆ cham xă 10/3, phường Buôn Ma Thuột, vă jê̆ 5.000 ‘nu bơngai vang thi kơdâu Buôn Ma Thuột Robusta Half Marathon VTV8 2026 hăm hơnăn “Kơdâu ƀât tŏk bŏk tơring pơtăm cheh phe tơm”.

VOV.Bahnar - Tơ̆ Cham să Nguyễn Tất Thành (phường Quy Nhơn), dêh char Gia Lai pơgơ̆r pơih blŭng Lêh Chă tơmang lăng pơyan he 2026 hăm hơnăn “Gia Lai kơkuh pơyan he sơnăm 2026”.

VOV.Bahnar - Ƀơ̆t mă khul nghệ nhân roi đunh roi kră, tơdrong chĕp vei chĭng chêng lơ̆m tơpôl oei dơ̆ng tơ̆ hơnăp lơ tơdrong nol, Tơdrong tơchơ̆t kơsô̆ 03 đơ̆ng Jơnŭm pơgơ̆r kon pơlei dêh char Đắk Lắk găh tơgŭm vei lăng păng hơtŏk tơiung tơdrong joăt tôn chĭng chêng đơ̆ng 2026-2030 đei hơmĕng gô pơjing dơ̆ng jơhngơ̆m pran ăn tơdrong chĕp vei păng tưk tơiung dôm kơjă kăp gĭt đơ̆ng joh ayŏ kơ dŏ xoang đơ̆ng sơ̆.

VOV.Bahnar - Hloh 30 sơnăm kơ ou, atŭm hăm kon pơlei kon kông Tây Nguyên, dôm bơngai jang rapor nơ̆r kon kông kơ Rađiô nơ̆r pơma Việt Nam hlôi tơgop vei răk tơƀăk mong păng pơlan să nơ̆r pơma kon kông kơdih truh hăm pơlei pơla. Ƀơ̆t tơbăt 101 sơnăm Năr Hla bar tơroi Kăch mạng Việt Nam, tơdrong tơroi gah Tơdrong oei xa 'lơ̆ng joh ayŏ kon pơlei kon kông Tây Nguyên 'năr ou, hơvơn kơ mih ma duch nă păng bôl buăl atŭm chă hơlen băt tơdrong tơroi “Vei răk nơ̆r pơma jĭ tơdrong 'lơ̆ng joh ayŏ kơ bơngai Tây Nguyên”.

VOV.Bahnar - Ưh khan lăp tơgop pơm ‘nao tôn reh kon kông, chĕp vei tơdrong ‘lơ̆ng joh ayŏ Việt Nam, mĭnh tơdrong jang joh ayŏ kơdŏ tôn reh hloh 30 tơmam tôn reh joăt joe, hơdai hăm kơmăy kơmŏk re 3D ‘nao tŏk jing tơdrong hơiă ‘nao kơ tơmang lăng kơmăng pơlei tơm Hồ Chí Minh. Tơdrong hơdai đơ̆ng joh ayŏ kơdŏ soang, tôn reh, kơmăy kơmŏk păng tơmam sa 3 tơring hlôi sơng đei lơ lap kon pơlei păng tơmoi chă tơmang lăng apŭng plĕnh teh chă hơlen lăng truh năm lăng rim kơmăng.

VOV.Bahnar – Kơsơ̆ brei (16/6), Anih vei lăng kon pơlei dêh char Đắk Lắk bơ̆ jang hăm Anih jŏh ayŏ kơ dŏ xoang, tơplŏng kơdâu păng chă tơmang lăng dêh char kŭm hăm dôm anih jang đei ƀơm truh vă mơ̆ng nơ̆r tơroi găh Tơdrong jang atŏk tơiung chă tơmang lăng kơ dêh char Đắk Lắk đơ̆ng 2026-2030, trong vă jang truh sơnăm 2050. 

VOV.Bahnar - Anih vei lăng kon pơlei dêh char Lâm Đồng ‘nao tơlĕch ăn trong vă jang pơgơ̆r Festival Pơkao Đà Lạt ‘măng mă XI -sơnăm 2026 hăm hơnăn “Đà Lạt - Tơdrong tơmơ̆t hơdai đơ̆ng pơkao păng joh hơri hơsoang”, ‘noh đei 11 tơdrong jang tơm păng 25 tơdrong jang kiơ̆.

VOV.Bahnar – Lơ̆m tơdrong hơrih tơplih rim năr tơ̆ pơlei pơla, adoi oei đei bơngai thĕng thăp răk vei tơdrong joh ayŏ hăm đon băt hưch tôch tơnăp. Hăm ngê̆ nhơ̆n K’Brèm (tơ̆ xah Bảo Lâm 1, dêh char Lâm Đồng) tơdrong hơri K’Ho, tơdrong hơri Mạ ưh hơdrô̆ jĭ nơ̆r hơri, tơdra chĭng chêng mă oei jing đon tơƀlŏk, pơhngol păng joh ayŏ kon kông po kơdih.