VOV.Bahnar - Tŏk bŏk bri kông Dơng K’Nơh, tơring Đam Rông 4, dêh char Lâm Đồng, jơva săng jĭt tơnanh, jơva tơnan tơngot dih băl mưh tanh reo gơgrang lơ̆m tơpang ti hơbĕch hơbal kơ nghê̆ nhân Rơ Ông Ha Bông. Đơ̆ng kram pơ o bri kông, ƀok hlôi pơjing đei broong jak reo pơvih pơvăn ăn chă jang sa păng vei kơjăp tơdrong jang joăt joe tơklep kơjăp ăn kon pơlei đơ̆ng sơ̆ khơ̆ dang ei.

VOV.Bahnar - Kơkuh chơt hơiă tơbăt 96 sơnăm Năr pơjing Khŭl vei lăng Kon pơlei jang chŭn mir Việt Nam, Khŭl vei lăng Drŏ kăn Việt Nam păng Năr drŏ kăn Việt Nam (20/10), dêh char Đắk Lắk pơgơ̆r Kơmăng pơlong hrŭk ao tai păng Hơbăn ao tanh kon kông hăm hơnăn “Um ai Đắk Lắk - akŏm hơdai păng păr ang”.

VOV.Bahnar - Khŭl kơdră teh đak jang pơlong lăng tơdrong ưh kăl pơm hla ar mât lĕch hăm tơmoi đơ̆ng Trung Quốc năm tơmang kiơ̆ khŭl truh tơ̆ Khánh Hòa yak kiơ̆ cham gre păr apŭng plĕnh teh Cam Ranh truh đĭ sơnăm 2027.

VOV.Bahnar - Tơ̆ Cham să Đông Kinh Nghĩa Thục tơ̆ anih tơm Hà Nội, Anih tơm vei lăng găh Joh yŏ, Tơplŏng kơdâu păng Tơmang lăng pơgơ̆r Lêh tơlĕch jang tơdrong jang “Mĭnh ‘nu kon pơlei rơih iŏk tŏ sĕt hloh 1 môn tơplŏng kơdâu trŏ lăp vă pơtơ̆p pơhrăm hơnơ̆ng”.

VOV.Bahnar - Đơ̆ng dôm hơpăng pơ o, ‘lao kơ bri kông, Nghê̆ nhân Ưu tŭ A Ƀang, bơngai Xơ Đang oei lơ̆m pơlei Đăk Tô 3, tơring Đăk Tô, dêh char Quảng Ngãi, hlôi pơjing đei dôm tơmam tôn reh tôch kơ hiôk kơ bri kông Tây Nguyên. Tơdrong kăl hloh ‘noh, ƀok ưh khan lăp vei răk tơdrong jang chă pơm tơmam tôn reh joăt joe sơ̆ ki mă oei tơmơ̆t ăn jơhngơ̆m đon hưch hanh hơmanh bơnê păng tơdrong hlôh vao jơva re joăt joe ăn jơhnơr mơlôh dơ̆ng.

VOV.Bahnar - Pơlei Tuyết Diêm, tơring Xuân Cảnh, dêh char Đắk Lắk đei pơjing đơ̆ng blŭng anglŏ 19 păng gei kơjăp khơ̆ dang ei. Yak hloh vă jê̆ 200 sơnăm, kon pơlei tơ̆ ou oei tơklep kơjăp hăm teh, pơlei vă vei kơjăp tơdrong jang pơm ƀoh juăt jue. Păng mưh trŭh khei 8 âm lĭch rim sơnăm, kon pơlei luh năm dơ̆ng tơ̆ Hnam soi tơbeh pơlei vă pơgơ̆r Pơm lêh Tế thu păng soi tơbeh ƀok yă tơm dơnơm tơdrong jang ƀoh. ‘Nou jĭ tơdrong joăt joe oei sa ‘lơ̆ng rŏ kơ kon pơlei, đei vei kơjăp đơ̆ng jơhnơr ou truh jơhnơr đơ̆ng rŏng păng hơnih tơguăt kơjăp kon pơlei pơla.

VOV.Bahnar - Hơtuch khei 9 păng blŭng khei 10, xăh Phú Thiện, dêh char Gia Lai pơgơ̆r 3 măng tôn chĭng chêng hơtuch giĕng tơtil tơ̆ dôm plei Kte, Rbai, Amil păng Phú Thiện. Đơ̆ng dôm lăm pơtho tôn chĭng chêng truh dôm kơmăng tôn kơtă hloi tơ̆ rông ‘noh jĭ hơnih vă dôm jơhnơr bơngai Jarai vang pơm, pơtho tơmam kăp gĭt so. Tơdrong jang ưh khan lăp vă rơih iŏk dôm ngê̆ nhơ̆n hơgei vang akŏm Festival chĭng chêng Gia Lai 2026 mă oei tơgop chĕp vei tơdrong tôn chĭng chêng Tây Nguyên - tơdrong joh ayŏ kăp gĭt kơ kon bơngai.

VOV.Bahnar - Tơ̆ tơring Hơlĕch dêh char Đăk Lăk đei minh hơnih pơsat so tơ̆ groi kông A Man, tơjê̆ hăm hơnglah 3 Sông Cái, xah Tuy An Đông. Găn ga kơhrĕng sơnăm, hơnih pơsat so hăm dôm um rup phara kăp gĭt, akŏm lơ gru grua kơ jơhnơr hơrih kăp gĭt kơ tơring teh.

VOV.Bahnar – Năr akŏm Joh ayŏ kon kông Mông 'măng mă 4 pơgơ̆r đơ̆ng năr 9 - 11/10, hăm jê̆ 800 ngê̆ nhơ̆n, bơngai joh hơri, tơplŏng kơdou truh đơ̆ng 11 dêh char

VOV.Bahnar – Ƀơ̆t Lêh Katê sơnăm 2026, năr 7/10, tơ̆ xah Bắc Bình, khul kơpal kơ Tĭnh uy Lâm Đồng truh hơpong ngôi hăm khul pơgơ̆r tơdrong khop Bàlamôn tơ̆ dêh char păng bơngai đei kon pơlei lui yom lơm tơpôl Chăm Bàlamôn.