VOV.Bahnar – Lơ̆m tơring bri kông Tây Nguyên, tơring mă jơva kial tơhlu tơ̆ mir, nơ̆r đak glung re rih rah tơ̆ jơ̆ng kông, đei minh tơdra juăt jue – hơdu vơch 'lơ̆ng – noh jing tơdra đing tŭt, minh kơluăi brŏ juăt jue kăp gĭt kơ bơngai Êđê. Tơdra đing tŭt ưh hơdrô̆ tơdra hơri, mă oei jing nơ̆r tơpơng đon băt, jing tơdra tơbang kơ minh tơdrong joh ayŏ tŏk bŏk đei vei răk tơƀăk mong păng pơhơrih.

VOV.Bahnar – Gơmăng hei 5/8, tơ̆ Hà Nội, Khul bơngai răm đơ̆ng pơgang dioxin Việt Nam jang hơdoi hăm dôm anih jang dêi ƀơm truh pơgơ̆r Hơri hơxoang “Kiơ̆ măt ‘năr lĕch”.

VOV.Bahnar – Lơ̆m tơdrong joh ayŏ kăp gĭt kơ kon pơlei Êđê, dôm tơdra hơri kră sơ̆ nhen eirei, hơri kưt, hơri hơ-'mon... jing djoi tơlei tơguăt pơhngol, pơtoi tơdrong ƀlŏk hơdơ̆r đơ̆ng yă ƀok pơsư̆ ăn. Păng tơ̆ pơlei Tu, xah Ea Tul, dêh char Đăk Lăk, đei minh drăkăn ưh đei rơ-ông rơ-ang vei răk tơƀăk mong tơdrong hơri brông – 'noh ngê̆ nhơ̆n H'Ƀliư̆ Hwing.

VOV.Bahnar – Bơngai K’Ho tơ̆ dêh char Lâm Đồng, đơ̆ng kră sơ̆ hlôi tơguăt hăm tơm hơƀo. Đơ̆ng găr hơƀo đe sư pơjing đei lơ tơmam xa kăp gĭt nhen: por hơƀo, chao hơƀo iŭ, chao hơƀo tŏ, păng ƀanh hơƀo... Mă kăl, ƀanh hơƀo pai uh đei bơngai drăkăn K’Ho hăm tơpang ti gơh hơgei, ưh hơdrô̆ pơm đei lơ tơmam sŏng xa ăn unh hnam mă oei jing tơmam drăm gơh chă jên dơ̆ng.

VOV.Bahnar - Vei lăng cham char rơgŏh ‘lơ̆ng, chĕp vei tơdrong juăt jŏh ayŏ kơ dŏ xoang jĭ trong năm gĭt kăl vă atŏk tơiung chă tơmang lăng rơgŏh ‘lơ̆ng tơ̆ tơring kon kông păng groi kông kơ dêh char Khánh Hòa. Dôm tơring teh nhen: Khánh Sơn, Khánh Vĩnh, Bác Ái… oei vă jing dôm anih tôch hơiă, pơih đei trong chă tơmang lăng tơ̆ bri brăh hơdai hăm tơpôl păng pơjing tơdrong jang xa kơjăp ‘lơ̆ng.

VOV.Bahnar - Tơdrong joăt “pơkăp dih băl lơ̆m pơkong” tơ Tây Nguyên ‘noh mĭnh tơdrong joăt ‘lơ̆ng hơ iă lơ̆m tơdrong iŏk ŭnh om chom gŏ kơ rim hơdrung Êđê, K’Ho, Jarai… kiơ̆ đơ̆ng rim kră pơlei bơngai Êđê oei tơ̆ Dak Lăk, dôm bơngai hlôi pơm kơdranh pơkong ăn rim đe hơdruh tơdăm ‘noh tơdrong pơkăp dih băl lơ̆m pơkong jĭ mĭnh tơdrong joăt ‘lơ̆ng hơ iă kăl chĕk răk tơƀăk vei.

VOV.Bahnar - Anih vei lăng kon pơlei dêh char Gia Lai tơlĕch ăn Trong vă jang găh pơgơ̆r lêh “Tơdrong ‘lơ̆ng đơ̆ng bri kông - đak dơsĭ tơmơ̆t hơdai sơnăm 2025” vă tơƀôh dôm kơjă kăp gĭt ‘lơ̆ng hơiă kơ tơring teh bazan păng mŭk drăm đak dơsĭ.

VOV.Bahnar – Et soi tơmŏm mĕ kon kơ bơngai Ê Đê tơ̆ Tây Nguyên 'noh kăp gĭt 'lơ̆ng rŏ, 'meh vă rim bơngai hơrih hơ-iă tơguăt dih băl nhen 'nhŏng oh klak klơm, atŭm vang glơng, găn hloh tơnap tap vă pơjing unh hnam, hơtŏkt ơ-iung pơlei pơla roi năr roi phĭ tơtŏ dơnŏ 'lơ̆ng.

VOV4.Bahnar – Et soi jơmŭl ƀa mir (dah mă đe oei krao et soi rei pơtăm) kơ bơngai M'nông jĭ minh khôi et soi kăp gĭt, hơnơ̆ng đei pơgơ̆r hơdrol kơ pơyan 'mi, đơ̆ng rŏng kơ muih choh soh mir so. Et soi ou jing tơbang tơdrong kŭp yom pôk bơnê đơ̆ng bơngai M'nông hăm yang hơpang, hơpơi 'meh minh pơyan jang xa đei yua lơ, phĭ tơtŏ dơnŏ 'lơ̆ng.

VOV.Bahnar – Dêh char Gia Lai oei hơtŏk tơdrong tơproh trong, chĕng hơmet păng atŏk tơiung tơring Biển Hồ - Chư Đăng Ya jing 1 anih chă tơmang lăng kơ teh đak, hăm đon hơmĕng pơjing hơyak tŏk pran ăn anih chă tơmang lăng kơ dêh char păng jơ̆p tơring Tây Nguyên.