VOV.Bahnar - Lơ̆m ‘năr tŏ ƀrach păng kial tơhlu hơ hơk kơ dôm năr blŭng sơnăm 2026, ƀơ̆t bri kông Tây Nguyên tơhrŭk ăn kơdih ao ‘lơ̆ng hơiă hloh, kon pơlei bơngai Xơ Đăng tơ̆ plei H’ring (xăh Cư M’gar, Đắk Lắk) ‘noh rơ ông rơ ang pơgơ̆r et sa. ‘Nâu jĭ jơ năr Et jur sa - tơdrong lui kơ yang tơgoăt hăm jơhngơ̆m kon bơngai hăm yang - pơtơm pơgơ̆r et sa, hơnhăk ba dôm tơdrong joh ayŏ joăt joe ‘lơ̆ng hơiă.

VOV.Bahnar - Hơtuch sơnăm 2025 ou ki, kơ̆m  Tăm Blang Mprang bon (kơ̆m pơtăm ‘long ƀlang, var vei lăng pơlei) kơ bơngai M’nông hlôi đei Hơnih tơm vei lăng Joh ayŏ kơdŏ soang-Đă ƀlŏng lŏng tơplŏng kơdou păng Tơmang pơhiơ̆ drơ̆ng jing Mŭk drăm oei sa gĭt kăl dăr sơnăm teh đak. Lăp đơ̆ng rŏng iŏk Hla bơar tơchơ̆t drơ̆ng muk drăm gĭt kăl, kon pơlei bơngai M’nông oei tơ̆ tơring Nâm Nung, dêh char Lâm Đồng hlôi pơgơ̆r kơ̆m kang kơnang giĕng “Tăm Blang M’prang bon”, atŭm hăm ‘Măng pơlong dôm tơdrong joăt joe rim hơdrung tơring Nâm Nung.

VOV.Bahnar - Ƀât tŏk bŏk bri kông Tây Nguyên, Lâm Đồng ưh lăp pơm lăp đon tơmoi yoa đơ̆ng tŏ ‘mi kial rơngơp, cham char bri brăh ‘lơ̆ng rŏ đĕch, mă oei yoa đơ̆ng lơ tơdrong juăt, joh ayŏ kơ dŏ xoang – tơring dôm tơdrong juăt ‘lơ̆ng đơ̆ng sơ̆ oei hơnơ̆ng chĕp vei, tưk tơiung ming păng pơm jing dôm tơmam pơyoa ăn chă tơmang lăng tôch hơiă. Đơ̆ng jơva chĭng chêng tơ̆ bri kông, dôm tơdrong et soi so, truh dôm anih chĕp vei dôm tơmam joh ayŏ kơ dŏ xoang so, ‘lơ̆ng hơiă hlôi păng tŏk bŏk jing “brai tơlei” vă gơ̆t jơ̆ng tơmoi mưh truh hăm Lâm Đồng.

VOV.Bahnar – Hăm bơngai M’nông tơ̆ Tây Nguyên, Têt nguyên đan adoi jing ‘măng hơkŭm pơlei pơla păng sơng tơmoi. Ah mă tơnuh unh đei chhŭt khơ̆ng, ge tơdrô đei tơkang ah hơnê̆ hnam, pơlei pơla adoi rơhal rơhŏ sơng drơ̆ng ‘nhŏng oh, bôl buăl păng đe tơmoi truh hơpong ngôi lơ̆m dôm năr blŭng puih mak.

VOV.Bahnar – Et soi krao hơnăn kơ bơngai K’Ho noh kăp gĭt gah đon bơnôh, hơpơi 'meh ah tih vơ̆ bơngai hơ-ioh gô hơdơ̆r kơ tơm a la chă, yă ƀok dơnơm păng hơrih pơyua ăn unh hnam păng pơlei pơla.

VOV.Bahnar – Dôm năr hơtuch sơnăm Ất Tỵ, jơ̆p jang pơlei pơla tơ̆ hơbon kông Trường Sơn, kon pơlei hơdrung Pa Kô tŏk bŏk iơ iơ̆r iơ iăr pơgơ̆r Kơ̆m ming hơdrơ̆m đak - mĭnh tơdrong kơ̆m kang kơnahg giĕng joăt joe đơ̆ng sơ̆ ki. Yak hloh kơhrĕng sơnăm tơ iung pơjing păng veikơjăp, kơ̆m kang kơnang giĕng ưh khan lăp tơbăt tơdrong hơrih sa lui kơ yang kơ bơngai Pa Kô mă oei tơgop tơgoăt dih băl kon pơlei, vei kơjăp tơdrong oei sa joăt joe ‘lơ̆ng rŏ sơ̆ ki kơ hơdrĕch hơdrung hăm bri kông kơdrơ̆ng Trường Sơn.

VOV.Bahnar – Pơgê năr (11/2), tơ̆ Hơnih jang Gru gra kơ teh đak Đình Lạc Giao, phương Buôn Ma Thuột, dêh char Đăk Lăk, Hơnih Tơƀôh pơdah Tơmam drăm so Đăk Lăk pơgơ̆r lơ tơdrong akŏm sơng Puih mak Bính Ngọ sơnăm 2026, hơvơn lơ kon pơlei păng tơmoi truh akŏm.

VOV.Bahnar - Tơ̆ Cham xă Nguyễn Tất Thành (phường Quy Nhơn), dêh char Gia Lai hlôi pơgơ̆r et hơtŏk anih pơdă tơmam tơƀôh ăn pơyan Puih mak Bính Ngọ 2026, pơyua ăn kon pơlei chơt hơiă kơ pơyan Puih mak, sơng têt păng sơng đei tơmoi chă tơmang lăng.

VOV.Bahnar – Lơ̆m tơdrong hơrih 'nao tŏk bŏk oei lang să truh jơ̆p pơlei pơla tơring hơtaih yaih, adoi oei đei dôm bơngai hăt hot vei răk tơdra chĭng chêng, vei tơdrong hơri brông Xơ Đăng hăm sơnong jang tơnăp. Tơ̆ thôn Đăk Giá 1, xah Dục Nông (Quảng Ngãi), jơva chĭng chêng, tơdra hơsuang păng dôm tơdrong hơri brông adoi oei đei pơtoi ăn lơ jơhnơr kon sou kơlih đe ngê̆ nhơ̆nt ơguăt đĭ jơhnơr hơrih hăm joh ayŏ juăt jue.

VOV.Bahnar - Kiơ̆ trong hle, Pơm lêh Sầu riêng dêh char Dak Lăk gô đei pơgơ̆r kiơ̆ jơ̆p lơ̆m dêh char, 2 sơnăm pơgơ̆r mĭnh ‘măng.