‘Nâu jĭ tơdrong jang tih vă pôk pơ ư anih jang đei tơmam drăm tơm, atŭm hăm ‘nŏh roi tơƀôh hơnăn tơmam ‘lơ̆ng, tơdrong jŏh ayŏ kơ dŏ xoang păng um rup tơ̆ tơring. Ƀok Đào Mỹ, Phŏ Kơdră vei lăng kon pơlei dêh char Đắk Lắk ăn tơbăt, lêh âu jĭ tơdrong gĭt kăl tơguăt khul kơdră pơgơ̆r, bơngai pơtăm, anih tĕch mơdro păng dôm anih jang hơdoi lơ̆m păng ‘ngoăih kơ teh đak. Kiơ̆ đơ̆ng noh, tơdrong ‘nâu vă pơih xă anih tĕch mơdro tơ̆ teh đak đe păng sơng iŏk jên tơmât jang tơ̆ dêh char.

Kiơ̆ Anih pơgơ̆r, tơdrong lêh đei 17 tơdrong jang tôch hơiă, đei: pơgơ̆r kơchơt pơdă tơmam OCOP, hop akŏm chă trong tĕch tơmam, lêh tơmam sŏng xa, pơgơ̆r livestream tĕch tơmam păng dôm tour chă tơmang lăng tơ̆ tơring pơtăm. Tơdrong tơm lơ̆m ‘măng pơgơ̆r lêh âu ‘nŏh hơtŏk tơdrong jang hơdoi đơ̆ng chă tơmang lăng choh jang xa hăm joh ayŏ kơ dŏ xoang ‘lơ̆ng hơiă tơ̆ tơring Tây Nguyên, hơmĕng pơjing đei jơhngâm hưch hanh, čhôk ‘nă păng hơnhăk ba lơ tơdrong ‘lơ̆ng hơiă ăn tơmoi chă tơmang lăng.