‘Nou jĭ mĭnh lơ̆m dôm tơdrong pơgơ̆r đă ƀŏng lŏng tơplŏng kơdou gĭt kăl hloh jang kiơ̆ Sơnăm Tơmang pơhiơ̆ teh đak - Gia Lai 2026. Măng pơlong Đă ƀŏng lŏng teh đak cham chuơ̆h sơnăm 2026 đei pơgơ̆r đơ̆ng năr 23/7 truh năr 1/8 tơ̆ cham chuơh đak dơsĭ phường Quy Nhơn, akŏm đei hloh 230 ‘nu bơngai đă ƀŏng lŏng kơ 8 khul đak ƀŏng lŏng cham chuơh gơh hơgei hloh lơ̆m teh đak.

Rim khul đei pơjing 2 grŭp, mĭnh grŭp 4 khul, pơlong dăr jô̆ điêm. Ƀar khul đei điêm lơ hloh kơ mĭnh grŭp gô mơ̆t pơlong ‘măng mă ƀar, đơ̆ng rŏng ‘noh pơlong pơtôch vă băt hơdăh khul iŏk đei jơnei tơm. Tơdrong vang năm pơlong đơ̆ng rim khul đă ƀŏng lŏng đơ̆bg rim dêh char lơ̆m teh đak tơƀôh hơdăh tơdrong pơhrăm đă ƀŏng lŏng cham chuơ̆h jih đak dơsĭ tŏk bŏk roi năr roi atŏk tơ iung jơ̆p jang, adoi pơkă ăn truh mĭnh pơyan polong đă ƀŏng ‘lơ̆ng hơ iă hloh dơ̆ng.