6 khei blŭng sơnăm, chă tơmang lăng tơ̆ dêh char hơnơ̆ng jang tŏk pran ‘lơ̆ng, hăm hlŏh 5 triu 330 rơbâu ‘nu tơmoi truh, đei iŏk yoa 9.600 ti hlak jên. Dang ei dêh char oei akŏm jơhngâm hơmet pơ ‘lơ̆ng hla ar hô sơ “Đon rơgei mưh pơtăm păng ot hơmet cheh phe Đắk Lắk” tơroi ăn UNESCO păng pơm hla ar hô sơ Et ming yang klang đak jĭ tơdrong juăt kăp gĭt kơ teh đak.

Pơma hơdăh, Tơdrong tơchơ̆t 80 ‘nŏh jĭ jrăng tơm dơnơm, Phŏ Kơdră vei lăng kon pơlei dêh char Y Nhuân Byă pơtho ăn Anih jŏh ayŏ kơ dŏ xoang jăh chih tơroi trong jang, tơdrong tơgŭm, tơtom pơm hla ar tơroi ăn Jơnŭm pơgơ̆r kon pơlei dêh char tơ̆ ‘măng hop akŏm kiơ̆ tơdrong jang vă tơlĕch jên jang đei yoa ‘lơ̆ng.