Tơdrong pơdah vă pôk bơnê kơ tơdrong plang đơ̆ng linh lôch tang, Mĕ Việt Nam Nuih mơng, linh jĭ rơka, 'nhŏng oh linh lôch tang, khŭl linh so; atŭm hăm noh pơlan să um rup đe kang ƀô̆ linh, khul juăt jang tŏk bŏk măng năr pơm jang chơ chă sir kôch akŏm, sơkơ̆t hơdah hơnăn măt ăn kơting linh lôch tang.

Tơdrong pơdah pơlan să kơtang đon bơnôh pôk bơnê đơ̆ng chăl kon sou hrei ou hăm rim linh lôch tang nuih mơng- dôm bơngai hlôi plang dơh sơnăm mơlôh, sĕch pham kơyuơ kơ tơdrong rơngei hiôk hian ăn teh đak, kơyuơ tơdrong hơrih sơđơ̆ng 'lơ̆ng ăn kon pơlei; jĭ hlôt nhang soh plang ăn rim linh lôch tang nuih mơng; tơdrong vang glơng hăm Mĕ Việt Nam Nuih mơng, 'nhŏng oh linh lôch tang; atŭm hăm noh sơkơ̆t hơdah tơdrong kơ-'nôh đơ̆ng Đảng, Teh đak lơ̆m tơdrong jang kiơ̆ tơchơ̆t “Pôk bơnê kơ dôm bơngai hlôi lôch plang kơyuơ tơdrong rơngei hiôk hian ăn teh đak”.