VOV.Bahnar - Kơjă tiu tŏk măk tŏk bŏk pơm ăn mĭnh ƀar 'nu kon pơlei jang chŭn mir tơ̆ Gia Lai pơih să teh pơtăm. Mă lei hơdrol kơ chă pơtăm, tơdrong mă kon pơlei bơngơ̆t truh 'noh jĭ chă đei hơdrĕch 'long sơđơ̆ng 'lơ̆ng, băt hơdăh hơnih pơm tơlĕch. Lơ̆m lơ hơnih tĕch mơdro, đơ̆ng hơnih chă tơchĕng hơlen, bơngai jang pơgar truh dôm hơnih tĕch mơdro tơter trong, kon pơlei jang chŭn mir tơring gô rơih iŏk hơdrĕch thoi yơ vă sơđơ̆ng ăn pơgar 'long jing 'lơ̆ng.

VOV.Bahnar - Hơmet pơ ‘lơ̆ng tơhlăk tơhlin tĕch sâu riêng tơ̆ teh đak đe jĭ tơdrong tơm tơ̆ pơma dơnuh ‘măng pơgơ̆r “Chehphe khul mơdro sa” ‘măng mă 7, kơ yuơ dêh char Đăk Lăk pơgơ̆r. Dôm nơ̆r tơgop akŏm lơ̆m vei lăng kơsô̆ pơkăp tơring pơtăm, tơgoăt jang hơdoi tĕch mơdro păng tơmơ̆t jên jang pơm tơlĕch tơmam drăm vă pơm hơtŏk kơjă sầu riêng.

VOV.Bahnar - Tơ̆ phường Pleiku, Anih vei lăng kon pơlei dêh char Gia Lai păng Grŭp jang Muyuan (Trung Quốc) đei jơ bơ̆jang găh tơmơ̆t jên jang dôm tơdrong jang rong kon tơrong hăm kơmăy kơmŏk ‘nao.

VOV.Bahnar - Pơtăm sâu riêng tŏk bŏk pơih trong hơtŏk jang mŭk drăm 'nao ăn kon pơlei tơ̆ lơ tơring sơlam kơ dêh char Quảng Ngãi. Ưh hơdrô̆ pơih să teh pơtăm, tơring ou tŏk bŏk pơtho ăn kon pơlei pơtăm kiơ̆ tơring, chih akŏm kơsô̆ pơkăp, jang hơdoi hăm hơnih jang mŭk drăm, brư̆ brư̆ hơtŏk kơjă tơmam choh pơtăm păng pơjing trong jang xa đei yua kơjăp.

VOV.Bahnar - Jang ƀa tơ̆ Đăk Lăk tŏk bŏk ăn ƀôh trong jang 'nao ah mă tơjur ƀiơ̆ tơdrong pơm tơlĕch tơmam ram 'mê̆ đơ̆ng hnam pơnĭl, atŭm hăm noh da ƀiơ̆ huach jên jang kiơ̆ đơ̆ng trong jang tơjur kơsô̆ hơdrĕch, phŏng rei, pơgang vei lăng 'long pơtăm, ruih đak mong ƀiơ̆ păng ưh gan soh hơnong ƀa rơm rĕk. Tơ̆ xah Hòa Phú, dêh char Đăk Lăk, tơdrong jang ƀa tơjur ƀiơ̆ tơmam 'mê̆ đơ̆ng hnam pơnĭl đei pơtơm jang lơ̆m hơnih teh să 24 ha tơ̆ Hơnih rei hơdrĕch 'long pơtăm Hòa Xuân. Tơdrong kăp gĭt gah trong jang ou noh ưh đei hơtŏk dôm tơdrong kăl lơ̆m pơm jang, mă tơplih tơdrong iŏk yua dôm tơdrong asong jang păng vei lăng mir na ƀa pơtăm.

VOV.Bahnar - Việt Nam tŏk bŏk đei tơring cheh phe să, hăm hloh 720.000 hek tar, lơ̆m noh dang 95% ‘noh jĭ cheh phe Robusta. Pơyan jang âu ki, tĕch cheh phe tơ̆ teh đak đe đei hloh 1,5 triệu tấn, jên hloh 8,4 ti USD. Mă lei iŏk yua găh hơgăt teh păng kơsô̆ tơmam tam mă tơplih jing kơjă tơgăl, ƀơ̆t tơdrong găr cheh phe  Robusta oei đei dôm tơdrong tam mă gan ‘lơ̆ng. Minh lơ̆m dôm tơdrong tơhlăk ‘noh jĭ tơdrong vei lăng, pơtruh kơchơ̆t ‘lơ̆ng ăn ‘long cheh phe tam mă trŏ lăp.

VOV.Bahnar - Tơdrong Tơchơ̆t 36 đơ̆ng Jơnŭm pơgơ̆r teh đak gah pơm ƀônh hiôk hla bơ-ar hanh chĭnh hăm kơsô̆ pơkăp tơring pơtăm, kơsô̆ pơkăp hơnih tah 'nŭng tŏk bŏk oei pơm ăn Gia Lai proh hơmet dơ̆ng tơdrong vei lăng tơring choh pơtăm. Đơ̆ng rŏng 55 năr pơm jang, dêh char hlôi asong 'nao 43 kơsô̆ pơkăp tơring pơtăm, hơtŏk đei truh 424 kơsô̆ pơkăp. Tơdrong tơchơ̆t tŏk bŏk oei tơrĕk kăp gĭt truh tơdrong choh jang tơ̆ tơring ah mă kon pơlei pơtơm chih akŏm tơdrong kăl lơ̆m vei lăng pơgar 'long pơtăm, hơnih jang mŭk drăm jô̆ hơlen pơih să tơring pơtăm, oei rim tơring chă hơlen lăng yư liê̆u păng pơtho ăn kon pơlei pơm jang.

VOV.Bahnar - Mĭnh tơring sầu riêng đei kơhrĕng hek tar, kơhrĕng unh hnam kon pơlei vang pơtăm, mă lei tơdăh minh ‘nu bơngai jang 1 trong ‘noh, vă pơm lăp hăm tơdrong 'mĕh vă đơ̆ng anih tĕch mơdro tơ̆ teh đak đe jing tơdrong pơmat tat tơpă. 'Nŏh kŭm jing tơdrong đei pơma tơlĕch tơ̆ hop akŏm găh vei lăng kơsô̆ chih tơbăt tơring pơtăm, kơsô̆ anih tăh tơmam păng trong jang tŏk 'lơ̆ng, pơih xă anih tĕch mơdro tơ̆ teh đak đe hăm tơmam đơ̆ng choh jang xa đei, yoa đơ̆ng Anih pơtrŭt choh jang xa kơ teh đak hăm Anih vei lăng choh jang xa păng cham char dêh char Lâm Đồng pơgơ̆r kơsơ̆ 1/10.

VOV.Bahnar - Đơ̆ng rŏng lơ sơnăm tơlĕch jên jang, vei rong, lơ pơgar sâu riêng tơ̆ xăh Chư Prông, dêh char Gia Lai oei dơ̆ng ƀât hơnăp tơdrong hiong răm pơđĭ. Rơbâu tơnơm ‘long hla hơlŭng ruh, lĕch kơtăk, dơng kro đang kơ ‘noh lôch. Pơngơ̆t hlŏh dơ̆ng, tơdrong 'nâu đei tơ̆ lơ tơring đơ̆ng rŏng kơ 'mi đunh năr, lơ̆m noh đei lơ pơgar sâu riêng đĭ vă phĕ plei bơih.

VOV.Bahnar - Anih vei lăng kon pơlei dêh char Đắk Lắk ‘nao tơlĕch ăn trong jang vei lăng rơgoh ‘lơ̆ng tơmam sa hăm tơmam choh pơtăm tĕch tơ̆ anih tĕch mơdro Jơnŭm châu Âu (EU) sơnăm 2026, hăm tơdrong hơgăt vei lăng hơmơt hloi đơ̆ng tơring tơmam.