VOV.Bahnar - Tơ̆ groi kông ‘măng yang An Toàn, xăh An Toàn, dêh char Gia Lai, kơjung vă jê̆ 800 met pơting hăm đak dơsĭ, prăt sơnăm đei tŭk dom, ưh đei hơyuh điên thoăi, ưh đei mang internet. Tơ̆ tơring hơdrô̆ hơdrăn âu, klo kăn Võ Minh Mơ păng Đinh Lê Tuấn Anh rơih trong iung jang xa hăm tơdrong pơtăm ‘long kuê̆ đơ̆ng yă ƀok sơ̆, pơjing Hơp tak xah pơm pơgang păng pơvih pơvăn An Lão đơ̆ng sơnăm 2022. Trong jang đơ̆ng măr sư hlôi tơiung đei ‘long kuê̆ tơ̆ bri kông, hơnhăk ba tơdrong arih xa ‘nao ăn kon pơlei păng đon lui ăn bri kông.

VOV.Bahnar – Kon pơlei jang ka Lâm Đồng oei mât lơ̆m pơyan yâu ka nŭk pơdui đunh truh đĭ khei 9 âm păng lơ̆m dôm năr âu ki, lơ ƀa to yâu ka, yâu đei lơ ka nŭk, tơgŭm ăn kon pơlei jang xa đei iŏk yoa lơ.

VOV.Bahnar - Tơ̆ tơring groi kông Khánh Vĩnh, dêh char Khánh Hòa, lơ trong jang hơdoi đei tơlĕch, pơih đei trong jang tŏk ‘nao ăn kon pơlei kon kông. ‘Nâu jĭ trong jang tôch lăp hăm rim tơdrong đei tơ̆ tơring, vang tơgop ‘lơ̆ng ăn tơdrong bơ̆ jang kiơ̆ tơdrong jang tơm kơ teh đak găh atŏk tơiung mŭk drăm tơpôl tơ̆ tơring kon kông păng groi kông.

VOV. Bahnar - Dak Lăk tŏk bŏk lơ̆m pơyan phĕ tĕch sâu riêng. Pha hăm tơdrtong rơ ông rơ ang, đei ‘măng tơsul tơsăl kơ dôm sơnăm sơ̆, tơdrong tĕch răt sơnăm ou sơđơ̆ng ‘lơ̆ng hơ iă. Tơdrong chă tơgar tĕch răt dih băl pă gan đei bơih, kơjă sơđơ̆ng hloh, bơngai tĕch mơdro hăm hơnih mơdro kơchăng kơtang lơ̆m tơdrong tĕch răt. Tơdrong tơplih ou tơƀôh hơdăh đei ƀơm đơ̆ng tơdrong tĕch-răt, pơ koel kơtang đơ̆ng hơnih răt păng tơdrong tơchơt ‘nao đei pơlăp ăn.

VOV.Bahnar – 'Năr brei (7/9), anih jang mŭk drăm Trung Quốc hlôi truh pơm jang, tơmang lăng tơring pơtăm, anih 'nŭng păng hơlen băt tơdrong jang hơdoi hăm anih jang sâu riêng kơ dêh char Đăk Lăk.

VOV.Bahnar - Gui yoăn đei lơ tơdrong ‘lơ̆ng vă tŏk jing anih jang kơ ti đô la, mă loi tơ̆ dôm anih tĕch mơdro nhen tơ̆ EU, Mi, Úc, Hàn Quốc.

VOV.Bahnar – Dêh char Lâm Đồng đei 624 anih pơtruh đak yoa tơ̆ tơring tơrang mă lei đei vă jê̆ truh 1 puăt ưh đei yoa kơlih yoa vei lăng ưh kơ ‘lơ̆ng.

VOV.Bahnar - Tơmam đơ̆ng choh jang sa đei kơ tơring groi kông Khánh Hòa tŏk bŏk ưh đei anih tĕch sơđơ̆ng, kơjă re yua đơ̆ng rong nơnăm ưh kơ ‘lơ̆ng, pơm tơlĕch tam mă lơ păng ưh kơ măh anih mơdro sa tơmơ̆t jên jang ‘lơ̆ng. ‘Meh hơtŏk tơiung kơjăp, kăl kơ đei tơdrong jang tơgŭm hơdrô̆ găh teh, thuê̆, asong tŏk iŏk jên trŏ lăp hăm rim tơring, rim kơloăi jang sa.

VOV.Bahnar – 'Măng livestream tơroi păng tĕch sâu riêng đei hơnăn Ami Kâo – “Sâu riêng mĕ inh” tơ̆ xah Ea Knuêc, dêh char Đăk Lăk hăm tơdrong vang akŏm đơ̆ng Ƀĭ thư Đảng uy xah Ngô Thị Minh Trinh atŭm hăm kon pơlei jang mir, pơgê năr (24/8), hlôi đei pơgơ̆r keh kong, pơlan să trong pơm jang 'nao tơ̆ tơring.

VOV.Bahnar - Anih rei pơtăm păng vei lăng tơmam pơtăm (găh Anih tơm vei lăng choh jang xa păng cham char) ‘nao jang hơdoi hăm Anih vei lăng choh jang xa păng Cham char dêh char Đắk Lắk kŭm hăm dôm anih đei ƀơm truh pơgơ̆r Hop akŏm khoa hŏk “Trong choh jang xa rơgŏh ‘lơ̆ng, tơjur ƀiơ̆ kơchơ̆t ‘mê̆ ‘mach, jang xa kơjăp ‘lơ̆ng hăm 1,2 kơloăi ‘long pơtăm tơm tơ̆ Đắk Lắk”. Tơdrong ‘nâu sơng đei lơ kơdră chĕp kơ̆l  anih jang, bơngai jang khoa hŏk, anih tĕch mơdro, HTX păng kon pơlei jang chŭn mir vang akŏm.