VOV4.Bahnar - Kŭm hăm dôm xăh, phường tơ̆ tơring, lơ anih jang găh Anih vei lăng choh jang xa păng pơm cham char kơ dêh char Đắk Lắk ‘nao – đơ̆ng rŏng kơ tơmơ̆t hơdai hăm dêh char Phú Yên – đĭ bơ̆ jang sơđơ̆ng ‘lơ̆ng bơih.

VOV4.Bahnar - Kon pơlei jang chŭn mir dêh char Gia Lai pơtơm vă mât lơ̆m pơyan phĕ sầu riêng 2025. Mă đơ̆ng đei lơ nơ̆r tơroi găh pơmat tat mưh tĕch tơ̆ teh đak đe, mă lei gơnang đơ̆ng đei trong jang rơgŏh ‘lơ̆ng, dôm tơ ‘ngla pơgar ‘long tơ̆ dêh char oei tĕch đei kơjă măk đĕch, ‘nŏh jĭ 1 tơdrong ‘lơ̆ng vă roi tơbăt ăn 1 pơyan sầu riêng đei jơnei lơ.

VOV4.Bahnar – Kơsơ̆ (24/6), tơ̆ plt Kon Tum, Anih vei lăng jang Khoa hŏk păng kơmăy kơmŏk dêh char Kon Tum pơm lêh pơjao tơdrong tơchơ̆t ƀơk Hla ar chih hơgăt tơring teh “Ngọc Linh” hăm sâm ƀum ăn 4 anih jang păng bơngai jang.

VOV4.Bahnar – Kon pơlei jang chŭn mir Gia Lai pơtơm mât lơ̆m pơyan phĕ sầu riêng 2025. Mă đơ̆ng lơ tơdrong tơroi ƀơm truh tơdrong pơmat tat mưh tĕch tơ̆ teh đak đe, mă lei gơnơm jang đei plei ‘lơ̆ng, dôm bơngai pơtăm ‘long âu tơ̆ Gia Lai oei tĕch plei hăm kơjă đơ̆ng 55 rơbâu truh 70 rơbâu hlak 1 kĭ, mơ̆ng kiơ̆ plei ‘lơ̆ng thoi yơ, ‘nâu jĭ tơdrong tôch hơiă nhen vă roi tơbăt ăn 1 pơyan phĕ sầu riêng đei jơnei ‘lơ̆ng.

VOV4.Bahnar - Apŭng Đam Rông, dêh char Lâm Đồng sơ̆ jĭ apŭng dơnuh hin hlŏh lơ̆m teh đak, ƀơ̆t đei vă jê̆ truh 80% jĭ ŭnh hnam dơnuh hin. Dôm sơnăm tơjê̆ âu, gơnang tơplih ming trong choh jang xa, pơ̆n tơmât yoa khoa hŏk ki thuơ̆t lơ̆m tơdrong jang xa…, tơdrong arih xa kơ kon pơlei roi tŏk ‘lơ̆ng. Lơ̆m noh, tơdrong pơtăm ‘long mơmur rong hơdrông pơm brai tơƀôh hơdăh tơdrong đei yoa tôch ‘lơ̆ng, ưh lăp tơgŭm ăn lơ ŭnh hnam klăih đơ̆ng dơnuh hin đĕch mă 1,2 ŭnh hnam kon kông oei kĕ jang tŏk jing pơdrŏng đei ƀôh dơ̆ng.

VOV4.Bahnar - Tơ̆ pơlei tơm Đà Lạt, dêh char Lâm Đồng, Anih vei lăng găh Choh pơtăm păng Vei lăng ‘long pơtăm - Anih tơm vei lăng găh Choh jang sa păng Cham char jang hơdai vang Pơma dơnuh găh Cheh phe jơ̆p plei teh pơgơ̆r Hop akŏm “Hơlen lăng đei ƀơm đơ̆ng tơdrong pơtăm hơlam lơ̆m pơgar cheh phe truh pơrang pơm pơrăm păng pơtrŭt iŏk yua pơgang vei lăng ‘long pơtăm đei hơnăp jang tơnăp”. Hop akŏm đei tơdrong vang akŏm đơ̆ng dôm bơngai jang khoa hŏk, bơngai vei lăng, anih mơdro sa lơ̆m teh đak, kơdră chĕp kơ̆l dôm anih jang ƀơm truh păng tang măt dôm ŭnh hnam kon pơlei jang chŭn mir tơ̆ dôm dêh char tơring Tây Nguyên.

VOV4.Bahnar - ‘Nâu jĭ nơ̆r tơgop đei dôm bơngai tang măt tơlĕch ăn tơ̆ hop akŏm trực tuyến pơgơ̆r ‘năr 10/6 tơ̆ Hà Nội, hăm tơdrong vang akŏm đơ̆ng bơngai tang măt dôm anih tơm, anih jang, Khŭl jang ‘Nhot, plei Việt Nam, dôm bơngai joăt jang choh jang sa, bơngai mơdro sa tĕch tơ̆ teh đak đe păng dôm bơngai jang pơgar pơtăm sầu riêng tơ̆ dôm hơnih pơdăh tivi tơ̆ Cần Thơ, Đắk Lắk păng Tiền Giang.

VOV4.Bahnar - Kơsơ̆ năr 3/6 tơ̆ Đà Lạt, Anih tơm Choh pơtăm – Vei lăng 'long pơtăm jang atŭm pơgơ̆r tơdrong Hop akŏm Kaphê Apŭng plenh teh pơgơ̆r pơma đam gah pơtăm 'long hrou atŭm lơ̆m pơgar kaphê.

VOV4.Bahnar - Tơdrong asong tŏk iŏk jên đơ̆ng Anih mong jên oei truh hăm jơ̆p tơring tơrang tơ̆ dêh char Gia Lai, vang tơgop pơm hơtŏk tơdrong hơmet ming trong choh jang xa. Lơ anih pơm hla ar tŏk iŏk jên đei pơm tơ̆ jơ̆p tơring hơtăih yăih, tơdrong pơm hla ar roi ƀônh oei pơjing tơdrong ‘lơ̆ng ăn kon pơlei, mă loi jĭ kon pơlei kon kông chă tŏk iŏk jên.

VOV4.Bahnar – Tơ̆ pơlei tơm Đà Lạt, Anih jang vei lăng kon pơlei dêh char Lâm Đồng păng Đăi hŏk kuôk gia pơlei tơm Hồ Chí Minh pơgơ̆r Pơma đam khua hŏk kơ teh đak “Mŭk drăm jơk păng hơtŏk tơ-iung kơjăp sơđơ̆ng”.