VOV.Bahnar - Jĭ tơring choh jang sa tơm kơ lơ̆m teh đak, Tây Nguyên tŏk bŏk ăn ƀôh tơdrong ‘lơ̆ng ‘nao đơ̆ng dôm tơdrong jang pơtrŭt choh jang sa ‘nao, iŏk yua tơplih kơsô̆ lơ̆m pơm tơlĕch, tơgop hơtŏk ‘lơ̆ng păng kơjă kăp gĭt dôm ‘long pơ tăm tơm nhen cheh phe, tiu, sầu riêng. Tơ̆ hơla âu ‘noh jĭ tơdrong ‘lơ̆ng hơiă tơpă yan âu tơ̆ dêh char Đắk Lắk.

VOV.Bahnar - Hlôi đei lăng jĭ “yă dơnơm kơ dôm hơdrĕch 'long xa găr”, tơm Măk ka hlôi tơguăt hăm lơ tơring teh tơ̆ Tây Nguyên păng Tây Bắc. Măk ka kŭm tơbang hơdah gah kơjă mŭk drăm, tơgop hơtŏk iŏk yua ăn kon pơlei jang mir păng pơm jơk 'lơ̆ng tơ̆ tơring phui phang tơnang kŏ. Chŏng mă đơ̆ng rŏng kơ dôm pơyan jang đei yua lơ noh oei bơh ƀơm lơ tơnap tap – đơ̆ng hơdrĕch, pơkăp teh pơtăm truh pơm tơlĕch păng tĕch tơlĕch tơmam drăm. Ƀai chih đơ̆ng Quang Sáng tơroi gah tơdrong đei ƀôh ou tơ̆ dêh char Lâm Đồng

VOV.Bahnar - Lơ̆m khei ‘năr choh jang sa pŭ ƀơm ưh kơ ‘lơ̆ng lơ đơ̆ng tơplih tŏ ‘mi kial, pơm tơlĕch kơjăp kiơ̆ trong rơgoh tŏk bŏk jing trong jang kăl. Hăm ‘long cheh phe, tơdrong tơplih đơ̆ng pơtăm tuh phŏng, pơgang hoă hŏk jing vei lăng pơrang pơrăm hăm trong tuh mơ̆r ưh khan lăp tơgŭm hơtŏk ‘lơ̆ng kơjă kăp gĭt tơmam, mă oei vei lăng teh, đak păng jơhngơ̆m pran kơ bơngai pơtăm. Tơ̆ Đắk Lắk, lơ ŭnh hnam kon pơlei hlôi păng tŏk bŏk iŏk yua dôm trong jang rơgoh, pơjing đei dôm tơdrong jang cheh phe rơgoh đei yua.

VOV.Bahnar - Tơdrong vang akŏm pơtă apŭng plĕnh teh nhen IFFE ưh khan lăp roi tơƀôh um rup Đắk Lắk đĕch mă oei pơih să tơdrong hiôk jang hơdai tơmơ̆t jên jang, hơnhăk tơmam đơ̆ng choh jang sa ‘lơ̆ng kơ dêh char yak hơtăih hloh tơ̆ anih tĕch mơdro apŭng plĕnh teh.

VOV.Bahnar - Tơgoăt jang hơdoi lơ̆m choh jang sa tŏk bŏk đei jing hơyak kăl hloh tơgŭm ăn bơngai pơtăm chehphe dă ƀiơ̆ tơhoach lơ kon jên tơmơ̆t jang, sơđơ̆ng chă tĕch păng pơm hơtŏk ‘lơ̆ng găr chehphe. Tơ̆ tơring Ea Na, dêh char Dak Lăk, lơ ŭnh hnam kon pơlei hlôi iung jang tơplih trong jang sa, vang iung jang kiơ̆ trong jang tơgoăt jang hơdoi vei lăng năng tông chehphe ‘lơ̆ng hơ iă. Gơnơm đơ̆ng noh plei chehphe đei plei ăl păng ‘lơ̆ng, pơih đei trong hơmŏ atŏk tơ iung kơjăp ‘lơ̆ng ăn mir pơgar chehphe kơ tơring.

VOV.Bahnar – ‘Năr (28/10), tơ̆ phường Buôn Ma Thuột, dêh char Đắk Lắk, Anih pơtrŭt choh jang xa kơ teh đak pơgơ̆r pơma đam “Tưk tơiung tơdrong pơtrŭt choh jang xa vă jang tŏk pran kơjăp ăn ‘long pơtăm tơm tơ̆ tơring Tây Nguyên”.

VOV.Bahnar - Atŭm hăm hơgăt chehphe să hloh lơ̆m teh đak, dêh char Lâm Đồng hrei ou tŏk bŏk hơdrin lang să tơring pơtăm chehphe ‘lơ̆ng vă pơm hơtŏk kơjă măt tơmam drăm.

VOV.Bahnar-  Đắk Lắk jĭ tơring pơtăm cheh phe xă hloh lơ̆m teh đak. Ki thuơ̆t pơtăm đơ̆ng kon pơlei jang cheh phe tơ̆ dêh char ‘noh jĭ “pơtăm mĭnh tơm kơsep tơmơ̆ng” vă khan mĭnh hơlŭng pơtăm lăp rong 1 tơm cheh phe đĕch. Mĭng tơm cheh phe tă kơ đei kăt tơmơ̆ng vă tơm lĕch lơ dơng sơdrai. Cheh phe plei ăl găh lơ iŏk đei đơ̆ng kơ loăi dơng âu. Tơjê̆ âu, kon pơlei jang cheh phe lơ̆m dêh char hlôi pơ̆n pơlong lăng păng hlôi jơnei hăm tơdrong jang “lơ tơm kơsep tơmơ̆ng”, tơplơ̆ dơ̆ng hăm trong jang so: mĭnh hơlŭng pơtăm rong lơ tơm cheh phe păng lê̆ dôm tơm bluh măk ai, ăn plei tôch kơ lơ. Tơdrong tơroi năr ‘nâu roi tơbăt trong jang âu.

VOV.Bahnar - Lơ̆m khei ‘năr tơplih jing choh jang xa kơjăp ‘lơ̆ng, drŏ kăn Đắk Lắk oei tơƀôh hơdăh hơnăp jang roi đunh roi gĭt kăl. Đe sư ưh lăp khul jang tơm tơ̆ mir roh đĕch, mă oei jing dôm bơngai jang kiơ̆ ki thuơ̆t ‘nao, vei lăng kon jên lơ̆m hnam, hơtŏk đon ‘mơ ‘met păng trong jang ‘lơ̆ng mưh jang cheh phe. Đơ̆ng dôm tơdrong tơplih iĕ tơ̆ pơgar ‘long, đe sư vang tơgop pơm tơplih đon tơchĕng choh jang xa, năm truh tơdrong choh jang xa rơgoh, đei yoa păng kơjăp ‘lơ̆ng.

VOV.Bahnar - ‘Năr (16/10), tơ̆ Hà Nội, Anih tơm vei lăng choh jang xa păng cham char pơgơ̆r Hop akŏm hơlen năng tơdrong jang đei mưh atŏk tơiung tơmam OCOP păng chă tơmang lăng tơ̆ tơring tơrang đơ̆ng 2021-2025, trong jang đơ̆ng 2026-2030.