Tơdrong jang pơgơ̆r hloi lăp đơ̆ng rŏng kơ Tơdrong tơchơ̆t kơsô̆ 36 đơ̆ng Khŭl kơdră teh đak đei tơmơ̆t yua đơ̆ng ‘năr 1/8, hăm lơ tơdrong hơgăt đei hơmet ming kiơ̆ trong pơm hla ar ƀônh, tŏ sĕt khei ‘năr hơmet pơ ‘lơ̆ng păng klăih song hơnăp jang tơdrong asong hơnăn kơsô̆ tơring pơtăm ăn Kơdră Anih vei lăng kon pơlei tơ̆ xăh.

Tơ̆ tơdrong jang, dôm bơngai tang măt akŏm pơtho anih mơdro sa, hơp tak xăh păng bơngai pơm tơlĕch găh tơdrong hơgăt chih măt, vei lăng hơnăn kơsô̆ tơring pơtăm, hơnăn kơsô̆ hơnih tăh hơmet; chih tơmơ̆t hô sơ tơchă băt anih pơm tơlĕch păng pơgơ̆r pơm tơlĕch pơm lăp hăm ‘meh vă đơ̆ng anih tĕch mơdro tĕch tơ̆ teh đak đe. Oei tơ̆ anih jang, khŭl jang pơtrŭt choh jang sa kơ xăh păng Grŭp pơtrŭt choh jang sa lơ̆m tơpôl pơtho pơm hla ar, pơvei hơnăn kơsô̆, pơtho kon pơlei pơm lơ̆m Hơnih pơvih pơvăn kơ teh đak, hơmet pơ ‘lơ̆ng hô sơ tơchă băt anih pơm tơlĕch păng iŏk yua dôm trong pơm tơlĕch sơđơ̆ng ‘lơ̆ng.