Dôm xăh, phường đei athei jăh tơlĕch jang kiơ̆ Tơdrong tơchơ̆t 36 đơ̆ng Khul kơdră teh đak; hơmet bơngai, khul jang, sơng iŏk păng sek tơlang tơtom hla ar vă ƀơk ăn kơsô̆ tơring pơtăm, kơsô̆ anih tăh tơmam, ưh gơ̆h lê̆ hô sơ đom đunh yoa jang ưh kơ tơnăp. Gia Lai oei athei tơlĕch jang tơdrong chih hơdăh kơsô̆ tơring pơtăm hăm dôm ‘long pơtăm tơm, gơ̆h tĕch tơ̆ teh đak đe; pơ ‘nhŏ hơdrol ăn dôm anih jang găh sầu riêng, gui yoăn, cheh phe, tiu păng dôm tơmam tơm nai.

Dôm khul jang kơpal hơtŏk tơdrong dăr lăng, tơtom chă ƀôh păng sek tơlang tơpăt dôm tơdrong pơm glăi găh hla ar hô sơ, tơdrong hơlen năng tơmam đơ̆ng choh jang păng dôm tơdrong glăi mưh vei lăng, iŏk yoa kơsô̆ tơring pơtăm, anih tăh tơmam. Lơ̆m dêh char Gia Lai dang ei đei 451 kơsô̆ tơring pơtăm, akŏm đĭ đăng teh xă hlŏh 13.420 ha. Dêh char kŭm đei 53 kơsô̆ ƀơk ăn Anih tăh tơmam vă tĕch tơ̆ teh đak đe, akŏm đĭ đăng tơmam đei tăh hơmet đơ̆ng 2700 tân plei hơdrih 1 năr.