Vă tơgop hơtŏk tơdrong pơyua tơmam choh pơtăm lơ̆m tơring kơ dêh char Đăk Lăk sơnăm 2026 đei đơ̆ng 10% tŏk tơ̆ kơpal, hơnih Choh jang xa păng Cham char tơlĕch tơchơ̆t jang tŏk lơ̆m sơnăm đơ̆ng 5,86% tŏk tơ̆ kơpal. Lơ̆m 5 khei hơtuch sơnăm, hơnih jang hơdrin đei hloh  66.100 tih hlj kơjă tơmam drăm pơm tơlĕch. Lơ̆m noh akŏm lơ̆m 2 tơmam choh pơtăm tơm tĕch ăn teh đak đe noh kaphê păng sâu riêng.

Ƀok Đỗ Hữu Huy, Kơdră Hơnih jang vei lăng kon pơlei dêh char Đăk Lăk pơgơ̆r hăm hơnih Choh jang xa păng Cham char đơ̆ng dang ei truh hơtuch sơnăm athei tơchơ̆t jang hơtŏk kiơ̆ rim khei, rim jăl jang; hơnơ̆ng chih akŏm pơkăp, kơchăng tơroi hrôih păng hơmet tơtom hloi mưh đei tơdrong ưh kơ 'lơ̆ng. Bơngai chĕp kơ̆l kơ rim hơnih jang athei kơchăng lơ̆m tơdrong jang, pơm kiơ̆ pơkăp “6 hơdah, 1 tơdrong kloh klĕch”, tơguăt hăm sơnong jang đei jơnei iŏk yua mă hơtuch đĭ đăng.