VOV4.Bahnar - Dêh char Đắk Lắk dang ei oei dơ̆ng hơdrol lơ̆m teh đak găh teh pơtăm ‘long sầu riêng hăm hlŏh 33.000 hec-ta. Plei ‘long phĕ đei hlŏh 300.000 tấn 1 sơnăm. Tơdrong tĕch mơdro kiơ̆ trong tơm ăn teh đak Trung Quốc dôm sơnăm tơjê̆ âu hơnhăk ba lơ tơdrong đei yoa ăn anih jang ‘nâu.

VOV4.Bahnar - Jei tơ̆ pơlei tơm Đà Lạt (Lâm Đồng), kơsơ̆ brei hlôi pơgơ̆r Hop akŏm pơtôch Tơdrong vă jang “Tơ iung pơjing pơma dơnuh trong bơ̆ jang, pơm hơtŏk kĕ jang păng hlôh vao găh iŏk yua tơmam drăm pơ yoa ăn choh jang sa ‘lơ̆ng hơ iă. Dônh akŏm păng hơmet pơ ‘lơ̆ng kơchơ̆t iă lơ̆m pơm tơlĕch chehphe tơ̆ Việt Nam”.

VOV4.Bahnar – Hơdrin hơtŏk kơsô̆ anih jang hơp tak xah pơm jang sơđơ̆ng, jang đei cheh đơ̆ng 80% tŏk tơ̆ kơpal; lơ̆m sơnăm, pơjing đei tŏ sĕt jat noh 5 tơdrong jang hơp tak xah, lơ̆m noh, tơrĕk truh tơdrong jang hơp tak xah 'nao, tơguăt hăm pơm tơlĕch tơmam drăm đei kơjă măt.

VOV4.Bahnar - Vă tang găn hơlou hăm thê̆ tĕch răt kơ Mi, tŏk thuê̆ răt iŏk tơmam drăm Việt Nam tŏk 46% , lơ hơnih mơdro sa păng bơngai joăt jang mŭk drăm tơ̆ pơlei tơm Hồ Chí Minh, kăl đei trong jang kơđeh năr păng đunh năr. Ƀơ̆t măt ‘noh rim trong jang tơbôl, pơma đam, găh đunh đai, kăl tơmơ̆t jên jang tơplih ‘nao kmăi kmŏk pơm tơlĕch tơmam drăm, pơm hơtŏk kĕ pơjei kơ hơnih mơdro sa.

VOV4.Bahnar - Gia Lai, jĭ 1 lơ̆m dôm tơring pơtăm chĕh phe tơm kơ Việt Nam hăm hlŏh 100 rơbâu hec-ta, tŏk bŏk tơƀôh hơdăh anih dơ̆ng lơ̆m lakak chĕh phe ‘lơ̆ng kơ apŭng plenh teh. Ưh pă đei lăng kăl găh tơdrong jang đei lơ, cheh phe Gia Lai oei tơplih pran, năm truh tơmam ‘lơ̆ng păng pơm hơtŏk kơjă tĕch mưh hlôi đei trong jang hơdai ‘lơ̆ng đơ̆ng anih tĕch mơdro, kon pơlei pơtăm păng khul kơdră tơring.

VOV4.Bahnar - Kon pơlei jang chŭn mir, dôm anih tĕch tơmam đơ̆ng choh jang xa, tơ̆r ‘long tơ̆ teh đak đe păng khul kơdră tơring tơ̆ Gia Lai oei hơtŏk tơdrong hơmet rim tơdrong vă tơmam đơ̆ng choh jang xa tĕch tơ̆ teh đak đe kơ dêh char âu gơ̆h pơm lăp hăm tơdrong hơgăt tang găn hiong bri đơ̆ng Jơnŭm châu Âu (krao kơđeh ‘nŏh EUDR). Tơdrong ‘nâu đei năng jĭ đei lơ tơdrong nol mă lei kŭm pơjing đei lơ tơdrong ‘lơ̆ng vă hơtŏk bưng ai, đon lui păng jơhngâm pơjei đơ̆ng tơmam choh jang xa đei tơ̆ tơring mưh tĕch tơ̆ EU.

VOV4.Bahnar – Lơ̆m 3 năr (đơ̆ng năr 25 -27/3), Anih jang Hơp tak xah dêh char Đăk Lăk pơih lăm pơhrăm gah marketing hơtŏk jang ăn dôm anih jang hơp tak xah pơm tơlĕch, tĕch răt kaphê lơ̆m tơring teh kơ dêh char.

VOV4.Bahnar - Dêh char Dak Lăk hrei ou đei 15.000ha kơtao, lơ̆m sơnăm koh iŏk đei 1 triu tân. Hăm tơdrong tơgoăt jang hơdoi kơjăp ƀar păh kon pơlei, hơnih mơdro sa păng kơdră tơring, hơnih jang ktao pơm sĭk Dak Lăk tŏk bŏk đei hơyak pran kơtang, hơnhăk đei tơdrong hơrih sa phĭ tơtŏ dơnŏ ‘lơ̆ng ăn kon pơlei.

VOV4.Bahnar - Dôm năr âu kon pơlei jang chŭn mir Tây Nguyên hlôi yak mơ̆t lơ̆m pơyan phĕ tiu sơnăm 2024-2025. Kơjă tiu đĭ vă jê̆ 160.000 hlak jên 1 kĭ (kơjă lơ hloh đơ̆ng sơnăm 2016 truh dang ei) tŏk bŏk pơm dơ̆ng tơdrong ‘lơ̆ng tơgŭm kon pơlei sơđơ̆ng jơhngơ̆m tơmơ̆t jên jang vei lăng jrŭ hloh lơ̆m kơloăi ‘long pơtăm âu.

VOV4.Bahnar - Pơyan jang tiu 2025 tŏk bŏk yak mơ̆t lơ̆m pơyan phĕ tơm, hơnhăk truh tơdrong chơt hơiă tih ăn bơngai jang chŭn mir Gia Lai, ƀơ̆t kơjă tiu kro đei 160.000 hlak jên 1 kĭ.