VOV4.Bahnar - Jăh tơlĕch jang ming man 2 bơnơ̆ đak blai tơ̆ đak krong Ba, jăl rơ klĕch Thị xã An Khê, dêh char Gia Lai gô tơgŭm hơmet pơ ‘lơ̆ng tơdrong ‘mê̆ ‘mach, pơm cham char ‘lơ̆ng, pơtrŭt hơtŏk tơiung mŭk drăm tơpôl tơ̆ tơring.

VOV4.Bahnar - 15 tơnô̆ chehphe gĭt kăl đei rơih iŏk đơ̆ng ‘Măng pơlong chehphe gĭt kăl Việt Nam 2024 gô đei pơgơ̆r tơchă bơngai răt iŏk lơ̆m năr 17/8 kơnh tơ̆ Hà Nội.

VOV4.Bahnar - Lơ̆m 2 năr ‘noh năr 6 păng năr 7/8, dêh char Dak Lăk pơgơ̆r lăng hơlen tơmam drăm OCOP (Tơdrong jang mĭnh tơring mĭnh tơmam drăm) ‘măng mă 2.

VOV4.Bahnar - Pơgê năr 7/8, Khul chih akŏm kơ Hơnih bơ̆ jang Mŭk drăm-Tơpôl hop akŏm vă tơgop nơ̆r lơ̆m trong vă pơjing Hla bơar Tơbăt Lăng hơlen 5 sơnăm jang kiơ̆ trong jang tơm atŏk tơ iung mŭk drăm-Tơpôl 10 sơnăm 2021 - 2030, trong iung jang, tơdrong jang atŏk tơ iung mŭk drăm-tơpôl 5 sơnăm 2026-2030 (krao vă kơđeh ‘noh Hla bơar chih tơbăt Mŭk drăm-Tơpôl). 

VOV4.Bahnar - Dêh char Dak Lăk đei hơgăt teh pơtăm ‘long sâu riêng să hloh lơ̆m teh đak, tŏk bŏk khei năr phŭng pơyan phĕ sầu riêng 2024. Pơyan sầu riêng ƀĕnh ƀang tơdrong hơmŏ kơ dêh char, hăm đei plei dang 300.000 tân, tŏk bŏk hăm jơhngơ̆m đon tơtăm, mư̆h ‘mi đunh năr pơm ăn plei hơlŭng hrôih pơm ăn plei ưh kơ ‘lơ̆ng. Tơdrong ‘mi đunh năr păng dôm tơdrong tŏk bŏk đei ƀôh, tơdrong mă ou hlôi jing tơdrong long kơtang, kăl đei trong jang hơmơt pơ ‘lơ̆ng trŏ lăp. 

VOV4.Bahnar - Tơring pơtăm sầu riêng tơm dơnơm Krông Pắch kơ dêh char Đắk Lắk hlôi hơmet tôm tơdrong ăn pơyan phĕ păng oei adrin hơmet ăn Lêh Sầu riêng ‘măng mă 2, ƀât blŭng khei 9 truh. Ưh khan lăp jĭ tơring pơtăm sầu riêng xă hlŏh, hăm loi 8.000 héc ta ‘long pơtăm đei plei, Krông Pắch oei jing tơring chă răt, tăh lơ̆m tơpu, tĕch sầu riêng đơ̆ng Đắk Lắk păng jơ̆p tơring Tây Nguyên tơ̆ teh đak đe dơ̆ng. Vă vei lăng ‘lơ̆ng ăn pơyan phĕ, khul kơdră pơgơ̆r tơ̆ Krông Pắch oei hơtŏk tơdrong vei sơđơ̆ng tơ̆ trong nơnăm, vei sơđơ̆ng lơ̆m tơpôl, dăr lăng tơdrong tĕch răt păng vei lăng tơmam lơ̆ng hai.

VOV4.Bahnar - Hop akŏm Khŭl jang cheh phe ‘lơ̆ng ‘măng mă 2, jăl jang 2024-2029 pơgơ̆r ‘năr 2-8, tơ̆ pơlei tơm Buôn Ma Thuột, dêh char Đắk Lắk

VOV4.Bahnar – Pơgê năr 1/8, Ƀô̆ trương Anih tơm Choh jang xa păng Hơtŏk tơring tơrang Lê Minh Hoan atŭm hăm khul pơm jang hlôi năm pơm jang hăm Anih jang vei lăng kon pơlei dêh char Gia Lai gah pơklaih tơnap tap, chă tơring ruih ‘nao iŏk đơ̆ng pơnơ̆ đak Ia Mơr.

VOV4. Bahnar - Choh jang sa tŏk bŏk tơjră muh măt hăm lơ tơdrong long kơ yuơ tơplih tŏ ‘mi kial tơplih, tŏ ‘mi kial pơrăm păng pơrang  pơrăm. Atŏk kơtang tơgoăt jang hơdoi, đơ̆ng noh pơjing rim kơjă choh jang sa păng tĕh mơdro tơmam drăm choh jang sa, kơ yuơ lơ loh tŏk bŏk jing tơdrong ‘meh vă kơtang hloh hăm rim ŭnh hnam kon pơlei, hơp tak xah choh jang sa. Pơjing đei rim khul jang hơdoi tơgŭm ăn hơnih jang hơp tak xah rơvơn hloh dơ̆ng lơ̆m tơdrong jang kiơ̆ kih thuơ̆t lơ̆m choh jang sa, tơ iung pơjing hơnăn tơmam drăm. Kon pơlei choh jang sa vang mơ̆t jang hơdoi lơ̆m choh jang sa đei jang kiơ̆ rim trong choh jang sa, kih thuơ̆t hle păng mă kăl ‘noh tơdrong đei iŏk yua sa hơpăh kơjăp ‘lơ̆ng

VOV4.Bahnar - Hơnih vei lăng Choh jang sa păng Atŏk tơ iung tơring tơrang dêh char Dak Lăk ‘nao pơjing tơdrong Tơchơ̆t găh tơdrong dăr lăng rim tơring pơtăm, hơnih tăh ‘nŭng plei sâu riêng đei ƀơk ăn mã kơsô̆ tĕch mơdro tơ̆ teh đak đe lơ̆m dêh char sơnăm 2024.