VOV4.Bahnar - Đơ̆ng năr 3/1, vei lăng, iŏk yua păng vei lăng kơsô̆ tơbăt groi teh “Buôn Ma Thuột” hăm tơmam drăm chehphe Robusta đei iŏk jang kiơ̆ hloi.

VOV4.Bahnar - Lơ̆m khei ‘năr tơdrong jang mŭk drăm tơmang pơhiơ̆ tŏk bŏk hpơmet pơ ‘lơ̆ng păng atŏk tơ iung hrei ou, Khul Kơdră teh đak Việt Nam lăng kơjăp tơdrong pơtrŭt kơtang rim trong jang pơm hơtŏk trong jang “Bơ̆ jang logistics hơnih jang gre păr ăn atŏk tơ iung hơnăn hơnih truh tơmang pơhiơ̆ Việt Nam” păng lăng tơmang pơhiơ̆ rơgoh ‘lơ̆ng jĭ trong jang kăl hloh ăn atŏk tơ iung kơjăp ‘lơ̆ng. Kơ yuơ lơ loh, tơdrong atŏk kơtang jang hơdoi ƀar păh rim hơnih jang mơdro sa-tơmang pơhiơ̆-hơnih jang gre păr vă atŭm dih băl atŏk tơ iung ‘lơ̆ng păng kơjăp ‘lơ̆ng jĭ trong jang kăl hloh.

VOV4.Bahnar - Dêh char Đắk Lắk tŏk bŏk hơdrin jang kiơ̆ ‘lơ̆ng tơdrong hơgăt pơjing tơdrong choh jang sa kơjăp ‘lơ̆ng vă hơtŏk kơjă mŭk drăm ăn dôm kơloăi ‘long pơtăm tơm lơ̆m tơring. Mĭnh lơ̆m dôm trong jang tŏk bŏk đei dêh char tŭn pran ‘noh jĭ tơplih ‘nao tơdrong jang hơdai đơ̆ng kon pơlei - hơp tak xăh - anih mơdro sa vă pơm đei kơjă kăp gĭt anih jang tơmam kơjăp.

VOV4.Bahnar - Blŭng khei 12/2024, tơmam Ea Tu Café tơ̆ dêh char Đắk Lắk hlôi chơt hơiă đei krao hơnăn lơ̆m 100 tơmam ‘lơ̆ng kơ dôm hơp tak xăh lơ̆m teh đak, đei Jơnŭm Hơp tak xăh Việt Nam pơjao tơmam hơpăh Mai An Tiêm ‘măng mă mônh, pôk pơ ư jơnei bơ̆jang pơcheh hơgei đơ̆ng kon pơlei. Tơmam hơpăh âu roi ‘lơ̆ng hơiă hloh ƀơ̆t Hơp tak xăh choh jang sa  Ea Tu đei hloh 90% bơngai vang  jang ‘noh bơngai Êđê.

VOV4.Bahnar – Tơ̆ dêh char Kon Tum tơdrong jang “Khul linh so tơgŭm băl tơjur hin dơnuh, jang mŭk drăm rơgei” pơlan să pran hloh lơ̆m lơ tơdrong jang: choh pơtăm, rong kon tơrong, tĕch pơdro, pơm tơlĕch tơmam drăm tơgŭm ăn đe linh so hơtŏk tơdrong hơrih păng tơgŭm bơngai jang đei tơdrong hơrih tơnap tap hơtŏk jang klaih đơ̆ng hin dơnuh kơjăp sơđơ̆ng.

VOV4.Bahnar - ‘Năr 19-12, Anih vei lăng choh jang xa păng atŏk tơiung tơring tơrang dêh char Đắk Lắk pơgơ̆r Hop akŏm pơtôch tơdrong jang sơnăm 2024, tơlĕch tơdrong jang lơ̆m sơnăm 2025. 

VOV4.Bahnar - Hăm tơdrong iŏk yua trong pơtăm ƀa pơtơ̆ng - pơchoh đak - kông pơlơh băl, kon pơlei tơ̆ lơ tơring pơtăm ƀa hlôi hơtŏk dơ̆ng đei yua hiôk đơ̆ng tĕch hla ar pơkăp asong tơlĕch carbon. Tơ̆ Đắk Lắk, đơ̆ng rŏng sơnăm blŭng tơmơ̆t yua pơlong lăng păng jơnei hăm tơdrong jang ‘nâu, dêh char hlôi đei trong tơlĕch jang vă pơih să lơ̆m dôm sơnăm truh. Hơdrô̆ pơyan ƀa phang 2024-2025 truh âu kơnh hơgăt ƀa pơtăm kiơ̆ ki thuơ̆t ‘nao đei hơtŏk 500hek tar.

VOV4.Bahnar - Tây Nguyên oei mât lơ̆m pơyan phĕ chĕh phe hăm yă tĕch măk hlŏh đơ̆ng sơ̆ truh dang ei (jur tŏk đơ̆ng 120-130 rơbâu hlak jên 1 kĭ). Hơiă yoa yă tŏk mă lei kon pơlei kŭm tôch pơngơ̆t, hơmơt kơ đe phĕ tơtông hai. Tơdrong tơtông hlôi đei đơ̆ng pơgar ‘long truh anih sơ̆k, hnam mong, pơm ăn kon pơlei sŏng xa, tep pơdơ̆h pă sŭk.

VOV4.Bahnar - Dôm sơnăm âu ki, tơdrong yua pơgang vei lăng ‘long pơtăm, pơgang hơdrông lơ̆m pơtăm cheh phe roi ‘năr roi lơ, mă lei tơdrong iŏk akŏm păng hơmet pơ ‘lơ̆ng get chai, tơpu đei kơ chơ̆t hoă hŏk ‘noh ưh kơ gan ‘lơ̆ng. Tơdrong ‘nâu pơm krê hơmơt đei pơnhŭl cham char, ƀơm ưh kơ ‘lơ̆ng truh teh, đak păng jơhngơ̆m pran đơ̆ng dôm tơpôl kon pơlei oei; pơm ưh kơ ‘lơ̆ng ăn tơmam đơ̆ng choh jang sa Việt Nam lơ̆m tơdrong tĕch tơlĕch tơ̆ dôm teh đak pơdrŏng.

VOV4.Bahnar - Đơ̆ng lơ sơnăm kơ âu, ‘nhĕm rơmo sơ̆k 1 năr đei lăng tơmam ‘lơ̆ng kơ apŭng Krông Pa, tơring ưh kơ gan ‘mi, tŏ lơ tơ̆ dêh char Gia Lai. Lơ kon pơlei tơ̆ âu ưh khan lăp pơjing đei hơnăn ‘nhĕm rơmo sơ̆k 1 năr tơ̆ tŏ, mă oei hơtŏk tơdrong tơplih tơmam âu jing tơmam mŭk drăm đơ̆ng rim ŭnh hnam, tơgop hơtŏk tơiung mŭk drăm, tơpôl tơ̆ tơring.