VOV4.Bahnar - Đơ̆ng rŏng 1 sơnăm tŏk klăih đơ̆ng dôm long nol găh tŏ ‘mi kial ưh ‘lơ̆ng, pơrang jĭ phă, mă loi jĭ tơdrong jur tŏk tơ̆ anih tĕch mơdro yoa đơ̆ng mŭk drăm rơhyŭng rơhyăng jơ̆p plei teh, mă lei tơdrong jang sa, tĕch mơdro tơmam đơ̆ng choh jang sa, ka hơdang tơ̆ teh đak đe oei iŏk đei lơ  jơnei, ưh lăp vei lăng sơđơ̆ng phe ƀa tơmam sa đĕch, mă oei pơjing đei lơ tơdrong hơiă ăn tơdrong jang mŭk drăm lơ̆m teh đak. Hlŏh 53 ti USD iŏk đei đơ̆ng tĕch tơmam choh jang saa, ka hơdang, tơ̆r ‘long tơ̆ teh đak đe lơ̆m sơnăm 2023 hlôi tơƀôh hơdăh dôm tơdrong adrin ưh đei pơdơ̆h đơ̆ng kon pơlei jang chŭn mir, đơ̆ng dôm bơngai vei lăng, bơngai jang khoa hŏk găh tơdrong ‘nâu.

VOV4.Bahnar – Sơnăm 2023, mă tơdrong jang mŭk drăm, tơpôl ƀơm lơ tơnap tap, mă lei tơdrong jang tĕch răt tơmam drăm hăm teh đak đe tơ̆ dêh char Gia Lai adoi oei đei 680 trĭu đôlar, tŏk 3,03% pơtêng hăm khei năr âu sơnăm sơ̆.

VOV4.Bahnar - Bơ̆ jang kiơ̆ nơ̆r pơtho đơ̆ng Khul kơdră teh đak, Anih vei lăng kon pơlei dêh char Kon Tum oei tơlĕch trong tơplih hlŏh 73ha teh bri vă pơm trong, man hơbong, dơnâu đak.

VOV4.Bahnar – Kơjă kaphê dang ei tŏk pơhlom tong anê̆ kơjă kơ sơnăm hơdrol ki, hlôi pơyua pơm trong kăp gĭt ăn dôm dêh char Tây Nguyên hơtŏk mŭk drăm tơpôl, hơtŏk iŏk yua ăn kon pơlei. Mă lei, hăm bơngai tĕch răt kaphê, âu jing pơyan pơm jang tơnap tap, kơlih kơjră tĕch răt kaphê tŏk jur pơrăm ưh ê. Vei sơđơ̆ng tơdrong jang tĕch răt pơyan âu noh tơnap tap. Minh ƀar anih jang mŭk drăm iĕ hơdrô̆ khĭn tĕch răt kơplah kơplơt, oei kon pơlei jang mir noh pơngơ̆t kơ đon: Tĕch noh hli kơjă oei tŏk kăp, oei răk noh hli kơjă gô tơjur.

VOV4.Bahnar - Pơgê brei (3/1), tơ̆ pơlei tơm Buôn Ma Thuột, dêh char Dak Lăk, Kŏng ty tĕch răt hăm teh đak đe Nutrisol pơgơ̆r pơm lêh “tổ chức lễ “Tĕch mơdro kơtă tơ̆ teh đak đe container Macca Đắk Lắk mă blŭng tơ̆ Hàn Quốc”. ‘Nau jei jing tơmam drăm choh jang sa tĕch mơdro tơ teh đak đe blŭng a kơ Đak Lăk lơ̆m sơnăm 2024.

VOV4.Bahnar - Sơnăm 2023, mă đơ̆ng hlôi đei lơ hơdrin lơ̆m vei lăng păng pơtăm ‘long bri, mă lei trong tơlĕch jang pơtăm ‘long bri kơ dêh char Dak Lăk oei ưh kơ keh đang nhen hlôi tơlĕch ăn.

VOV4.Bahnar -Lơ̆m dôm năr âu dêh char Kon Tum đei 3 apŭng pŭ ƀơm ưh kơ ‘lơ̆ng kơtang đơ̆ng ‘năr tơ ngiĕt ‘noh Đăk Glei, Tu Mơ Rông păng Kon Plông. Kŭm hăm ‘năr tơngiĕt jur, lơ tơring oei hơnơ̆ng đei ƀôh tŭk dom păng ‘mi pơm ăn kơ pô rơmo ƀônh kơ đei ƀơm tơngiĕt păng đei jĭ. Vă vei lăng kơpô rơmo khŭl kơdră păng anih vei lăng choh jang sa dôm tơring tơngiĕt hlôi hơtŏk loi dơ̆ng tơroi tơbăt, krao hơvơn kon pơlei tang găn pơngot, tơngiĕt vei sơđơ̆ng ăn kơpô rơmo.

VOV4.Bahnar - Pơgê brei (26/12), Anih vei lăng choh jang xa păng atŏk tơiung tơring tơrang Đắk Lắk jang hơdoi hăm Công ty AVAC Việt Nam pơgơ̆r hop akŏm tơlĕch trong iŏk yoa vacxin tang găn jĭ klak nhŭng Châu Phi tơ̆ dêh char Đắk Lắk.

VOV4.Bahnar - Mât lơ̆m pơyan phang sơnăm ‘nâu, dôm anih jang kơ pal, tơring tơrang tơ̆ dêh char Đắk Nông kơchăng tơlĕch lơ trong jang tang găn tŏ phang pơđang, ưh kơmăh đak lơ̆m tơdrong choh jang xa păng arih xa kơ kon pơlei.

VOV4.Bahnar – Dêh char Đăk Lăk ‘nao tơroi gah tơdrong đei yua kơ pơyan jang kaphê sơnăm 2022-2023. Tơrĕk hloh noh, hloh minh sơnăm kơ âu kaphê đei ƀôh tŏk kơjă hlôi pơm ăn tơdrong choh jang xa hơ-iă ƀiơ̆. Mă lei tơdrong âu adoi pơm tơnap tap ăn dôm anih jang tĕch pơdro hăm teh đak đe, pơkăl kiơ̆ tơchơ̆t kơjung hloh hăm tơdrong vei lăng năng tông tơmam drăm.