VOV4.Bahnar - Dêh char Đăk Lăk hlôi mât lơ̆m pơyan ‘mi, pơyan blŭh vơ̆ đơ̆ng rim kơloăi ‘long xa plei. Hăm kon pơlei pơtăm ‘long sâu riêng, ‘nâu jĭ khei ‘năr kăl hlŏh vă gơ̆h pơm ăn ‘long đei plei ‘yăl, đơ̆ng rŏng dôm tơdrong hiong răm yoa đơ̆ng tŏ phang pơđang đunh. Kon pơlei tơ̆ dôm tơring pơtăm ‘long sâu riêng tơ̆ dêh char hơtŏk jơhngơ̆m vei lăng, tang găn sơdrông phă, ‘long tơgơ̆, plei hơlŭng lơ̆m pơyan ‘mi kial. Rim plei ‘long sầu riêng đei kon pơlei chô̆ hơmet tôch kơjăp, khŏm vei lăng mă ‘lơ̆ng truh pơyan phĕ plei.  

VOV4.Bahnar -  Jang kiơ̆ trong jang atŏk tơ iung mŭk drăm tơpôl, trong jang hơp tak xah tŏk bŏk tŏk kơtang lang să tơ̆ rim tơring kơ dêh char Sơn La, pơtrŭt kơtang tơplih trong jang sa, tơplih jơhngơm đon tơchĕng, trong jang kơ kon pơlei. Tơdrong tơgoăt jang hơdoi choih jang sa ưh khan lăp tơgŭm ăn hơp tak xah pơ̆ih să choh jang sa mă oei tơgŭm kon pơlei choh jang sa vang iung jang lơ̆m trong jang sa hle đei iŏk yua kơjăp hloh dơ̆ng.

VOV4. Bahnar - Gơnơm jang kiơ̆ ‘lơ̆ng pơm jŭk yŭk trong hơlau, lơ bơngai đảng viên kon kông tơ̆ dêh char Lâm Đồng hlôi pơ̆n tơplih ‘long pơtăm, chă pơrô̆ hơvơn kon pơlei atŏk kơtang jang sa, hơdrin yak hloh dơnuh hin păng vang tơ iung pơjing pơlei pơla atŏk tơ iung.

VOV4.Bahnar - Pơgê brei (6/6) tơ̆ Hà Nội, Khul jang đơ̆ng Anih jang Hải quan, teh đak Cộng hòa nhân dân Trung Hoa yoa ƀok Triệu Tăng Liên, Phŏ kơdră Anih jang chĕp kơ̆l năm hơpong tơ̆ Việt Nam păng bơ̆ jang hăm Anih tơm vei lăng choh jang xa păng atŏk tơiung tơring tơrang.

VOV4.Bahnar - Sơnăm 2024, dôm tơmam đơ̆ng choh jang xa ‘lơ̆ng đơ̆ng Đắk Lắk tă kơ tŏk kơjă ngăl, hơnhăk ba lơ tơdrong hơiă ăn kon pơlei pơtăm păng hơmĕng dơ̆ng 1 chăl jang xa đei hăm anih choh jang xa lơ̆m dêh char. Ƀât mă tơdrong jang tŏk hlŏh 2 ‘măng đơ̆ng chĕh phe, tiu pơm ăn lơ bơngai jang chŭn mir tơrek truh ‘nŏh 1 tơmam nai kŭm đei kơjă tŏk tôch ‘lơ̆ng ‘nŏh jĭ cacao, tŏk tôch dêh ră mă lei hui bơngai băt truh, đei khei ‘năr tŏk truh 12.000 USD/1 tân găr kro, lơ hlŏh 4 ‘măng pơting hăm sơnăm 2023. Plei ‘lơ̆ng, kơjă tĕch roi măk kŭm hăm anih tĕch mơdro lơ̆m apŭng plenh teh oei tŏk pran ‘lơ̆ng, hlôi pơjing đei tơdrong ‘lơ̆ng vă anih jang cacao đơ̆ng Đắk Lắk jang tŏk.   

VOV4.Bahnar - Trong jang pơtăm pia kiơ̆ kmăi kmŏk hơgei tơ̆ apŭng Hà Quảng, dêh char Cao Bằng ưh khan lăp iŏk đei tơmam rơgoh ‘lơ̆ng ăn jơhngơ̆m jăn kon bơngai mă lei oei tơgŭm ăn kon pơlei lăng truh choh jang sa rơgoh păng hơnhăk đei iŏk yua kơjăp truh kơ hrĕng triu hlak jên lơ̆m mĭnh sơnăm.

VOV4.Bahnar - Teh đak bơ̆n đei lơ tơmam đơ̆ng choh jang xa tĕch tơ̆ teh đak đe tôch lơ lơ̆m apŭng plenh teh... mă lei truh dang ei, đei truh 80% tơmam đơ̆ng choh jang xa tĕch tơ̆ teh đak đe tam mă đei hơnăn, tam mă đei logo, kơmak kơdih păng tam mă hơdai tôm ‘lơ̆ng lơ̆m trong hơtŏk kơjă tơmam lơ̆m plei teh. ‘Nâu jĭ 1 lơ̆m dôm tơdrong jing đei, tơmam tĕch lơ mă lei oei ưh sơđơ̆ng nhen ‘nao đei tơroi ‘nŏh hei. Yoa thoi noh, hơtŏk tơdrong pơjing hơnăn tơmam đơ̆ng choh jang xa Việt ‘nŏh jĭ tơdrong tôch gĭt kăl jăh bơ̆ jang đơ̆ng dang ei hloi.

VOV4.Bahnar - Hăm trong pơkăp “Đảng viên pơchoh trong chong glung,kon pơlei iung jang kiơ̆ đơ̆ng rŏng”, khei năr ou ki, lơ đảng viên tơ̆ Dak Lăk hlôi tơplih jơhngơ̆m đon tơchĕng, tơplih trong jang sa ‘long pơtăm, kon tơrong, jang kiơ̆ khoa hŏk kih thuơ̆t lơ̆m choh jang sa hơnhăk đei iŏk yua kơjăp. Tơdrong pơm jŭk yŭk trong hơlau đơ̆ng đảng viên pơjing đei jơhngơ̆m pran kơtang lang să vă kon pơlei tơplih jơhngơ̆m đon tơchĕng, trong jang sa atŏk tơ iung mŭk drăm, tơgop lơ̆m tơ iung pơjing tơring tơrang roi năr roi atŏk tơ iung.

VOV4.Bahnar - Lăp đơ̆ng rŏng pơlei tơmang pơhiơ̆ cham char kon pơlei Trà Nhiêu tơ̆ apŭng Duy Xuyên, dêh char Quảng Nam đei pơjing, kon pơlei hơnơ̆ng lang să trong jang tơmang pơhiơ̆ au hơnhăk jang sa đei iŏk yua kơjăp.  Quảng Nam tŏk bŏk đei lơ trong jang tơgŭm djru kon pơlei jang tơmang pơhiơ̆ pơlei pơla.

VOV4.Bahnar - Lơ̆m kial tơhlu phơi rơngơp đơ̆ng hơvĕn chŭn na ƀlĭk ƀlăk, kon pơlei tơring Ia Mơ, apŭng Chư Prông, dêh char Gia Lai tŏk bŏk chơt hiôk hăm pơyan đei iŏk yua kơjăp. Đơ̆ng rŏng lơ sơnăm lăp gôchang gơnang hăm đak ‘mi, kon pơlei hlôi chă rei pơtăm ƀa 2 pơyan, đei ‘măng 3 pơyan lơ̆m mĭnh sơnăm, hơnhăk ba ăn đei tơdrong hơrih sa phĭ tơtŏ dơnŏ ‘lơ̆ng dơ̆ng kơjăp.