VOV4.Bahnar - Pơgê 5/5, Kơdră jang lơ̆m Trung ương Đảng, Phó Thủ tướng Trần Lưu Quang kŭm hăm Khul jang đơ̆ng Khul kơdră teh đak năm hơlen năng tơdrong jang vei lăng bri păng tang găn unh xa bri tơ̆ apŭng Sa Thầy, dêh char Kon Tum.

VOV4.Bahnar - Dang ei, lơ tơmam choh pơtăm dơnơm kơ Tây Nguyên nhen: kaphê, tiu, sâu riêng… tŏk kơjă hlôi tơgop pơm tơplih tơdrong hơrih kon pơlei mă oei pơih să tơring tĕch răt. Mă ƀơm răm đơ̆ng hơyuh Elnino pơm tŏ phang pơđang răm tih tên truh lơ hơdrĕch ‘long pơtăm tơ̆ Tây Nguyên, mă lei kon pơlei adoi oei hơdrin tơjră hăm tơnap tap kơyuơ tŏ pơđang pơm đei vă vei lăng tơdrong jang xa kơdih po.

VOV4.Bahnar - Khei ‘năr âu ki, đơ̆ng rŏng dôm lăm hŏk pơtho tơdrong jang, lơ bơngai jang tơ̆ tơring tơrang lơ̆m dêh char Đắk Lắk, mă loi jĭ bơngai kon kông, chă đei tơdrong jang ăn kơdih, đei tơdrong arih xa sơđơ̆ng. Hơdai hăm ‘noh, tơdrong hŏk tơdrong jang oei tơgop tơgŭm ăn kon pơlei pơih đei trong ‘nao mưh pơjing dôm khul jang xa, tĕch mơdro tơ̆ tơring.

VOV4. Bahnar - Pơgê brei, năr 26/4 tơ̆ pơlei tơm Buôn Ma Thuột, Hơnih jang pơtrŭt mơdro sa găh Hơnih tơm vei lăng Mơdro sa iung jang hơdoi hăm Hơnih vei lăng kon pơlei dêh char Dak Lăk pơgơ̆r Hop akŏm pơtrŭt mơdro sa păng atok tơ iung tĕch răt hăm teh đak đe tơring Tây Nguyên.

VOV4.Bahnar -  Năr 24/4, tơ̆ Đà Lạt (Lâm Đồng) pơgơ̆r ‘măng pơlong chă rơih ‘lơ̆ng chehphe Arabica Việt Nam ‘măng mă 10.

VOV4.Bahnar - Phang pơđang, tŏ kơtang đunh năr pơm ăn lơ hơgăt teh chehphe tơ̆ apŭng Đak Ha, dêh char Kon Tum kro hla, kro sơdrai păng hơlŭng plei.

VOV4.Bahnar - Pơyan phang sơnăm ‘nâu, bơngai pơtăm ƀum yoăn tơ̆ Gia Lai pơhual mơơmat tat yoa jang xa ưh đei, yă tĕch jur hlŏh 60% mă lei tam mă tĕch hlot. Sơnăm sơ̆, bơngai pơtăm “jang đei ƀum lơ, kơjă tĕch măk”; kơna kon pơlei pơih xă tĕh pơtăm. Tơ̆ Gia Lai tĕh pơtăm ‘nao tŏk tôch xă, đei tơring tŏk truh 300% pơtiing hăm pơyan sơ̆. Tơ̆ hơnăp tơdrong pơmat tat mưh tĕch tơmam, anih jang kơpal jang hơdoi hăm dôm anih tĕch mơdro vă “dŏng” kon pơlei pơtăm.

VOV4.Bahnar – Kơjă kaphê pơtoi tŏk kăp lơ̆m khei năr âu ki hlôi tơrĕk truh tơdrong kăl jên pơm jang, tĕch pơdro kaphê tơ̆ dêh char Đăk Lăk. Anih Mong jên teh đak Việt Nam pơm jang tơ̆ Đăk Lăk pơgơ̆r dôm anih mong jên lơ̆m tơring asongmah kơsô̆ jên, pơkăp jên mong trŏ ƀlep vă asong tơtom tơdrong kăl jên jang ăn kon pơlei păng anih jang mŭk drăm.

VOV4.Bahnar - Tŏ hang pơdui đunh pơm ăn đak lơ̆m dôm dơnâu mong đak tơ̆ Dak Lak jur lơ, ƀơm ưh kơ ‘lơ̆ng truh pơm tơlĕch choh jang sa. Dôm tơring lơ̆m dêh char tŏk bŏk tơlĕch jang lơ trong jang tơ jră hăm pŏ phang pơđang.

VOV4.Bahnar - Vă hơtŏk hlŏh dơ̆ng tơdrong jang hơdoi vang tơchĕng hơlen khoa hŏk kơmăy kơmŏk pơyoa ăn choh jang xa pơma hơdrô̆ păng jang mŭk drăm, tơpôl pơma atŭm đơ̆ng 5 dêh char Tây Nguyên păng plt Hồ Chí Minh, ‘nao âu tơ̆ plt Kon Tum pơgơ̆r hop akŏm tơ̆ tơring “Pơma nuh găh trong tơmât yoa ki thuơ̆t mưh pơjing trong choh jang xa hăm kơmăy kơmŏk ‘nao, kơmăy sinh hŏk; trong pơtăm, rong yŏng, pơm tơlĕch, vei lăng hăm dôm kơloăi ‘long pơtăm tơ̆ dôm dêh char tơ̆ tơring Tây Nguyên”.