Lăp đơ̆ng rŏng vă jê̆ mơjĭt sơnăm hơnơ̆ng, hơgăt teh pơtăm sâu riêng lơ̆m teh đak hlôi lang să hloh 6 ‘măng, đei 180.000ha lơ̆m sơnăm 2024, plei đei 1 triu 500.000 tân, tĕch tơ̆ teh đak đe iŏk đei hloh 3 ti USD; tơgop kơtang lơ̆m pơkăp tŏk choh jang sa, bri ‘long, ka hơdang adoi nhen trong tơlĕch jang tĕch mơdro tơ̆ teh đak đe kơ hơnih jang. Mă lei, tŏk kăl hlôi ƀôh hơdăh lơ tơdrong răm mưh 4 khei blŭng sơnăm 2025, tĕch mơdro sâu riêng tơ̆ teh đak đe tơjur kơtang găh lơ păng kơjăp. Kơdră chĕp pơgơ̆r Hơnih tơm vei lăng Choh jang sa păng Cham char Đỗ Đức Duy pơkă, tơdăh ưh kơ đei trong bơ̆ jang trŏ lăp, Việt Nam gô huŏng lơ̆m tơdrong răm: rơkăh tơmam drăm, kơjă re, hiong hơnih răt iŏk, pơm kơnê̆ kơtang truh tơdrong lui yom tơmam drăm choh jang sa Việt Nam.