VOV4.Bahnar - Dêh char Kon Tum đei hlŏh 443km trong sơlam hăm 3 dêh char Quảng Nam, Quảng Ngãi păng Gia Lai. Hăm hlŏh 600.000 héc-ta bri, yơ̆p bri đei hlŏh 63%, lơ hlŏh tơ̆ tơring Tây Nguyên, bri ‘long Kon Tum mă lơ ‘nŏh đei tơ̆ tơring sơlam hăm dôm dêh char tơjê̆, đei lơ kơloăi ‘long păng sem bri brăh kăp gĭt. Dêh char hlôi hơtŏk tơdrong jang hơdoi hăm khul jang kơpal, khul kơdră pơgơ̆r kơ dôm dêh char vă vei lăng ‘lơ̆ng bri ‘long.

VOV4.Bahnar - Năr 27/9, tơ̆ Hnam hop akŏm tơm dêh char Hậu Giang, Jơnŭm atŭm hơp tak xah dêh char Hậu Giang păng Jơnŭm atŭm hơp tak xah dêh char Dak Lăk pơgơ̆r Pơm lêh kĭ pơkăp tơgoăt dih băl mơdro sa, tơgoăt dih băl choh jang sa-tĕch răt tơmam drăm kơ hơp tak xah tơ̆ 2 dêh char.  

VOV4.Bahnar - ‘Năr 26/9, tơ̆ plt Đà Lạt, dêh char Lâm Đồng pơgơ̆r pơma đam “Trong vei lăng hơnăn tơmam đơ̆ng choh jang xa đei kơ Đà Lạt”. 

VOV4.Bahnar - Kơjă chehphe hơnơ̆ng tơjur lơ̆m dôm sơnăm ou ki, đei khei ‘năr kơjă tơjur tôch kơtang dăh mă tŏk măt hơnơ̆ng nhen hrei ou … Mă lei gơnơm hơdrin tơplih trong jang sa 21.000 ŭnh hnam kon pơlei jang chehphe iŏk đei pơkăp ‘lơ̆ng 4C hơnơ̆ng vei kơjăp jang sa iŏk yua kơjăp păng tĕch mơdro hlot tơmam drăm bơ̆n jang sa.

VOV4.Bahnar - Dôm sơnăm ou ki, lơ chi ƀô̆, đang ƀô̆ tơ̆ Dak Lăk hlôi jang kiơ̆ ‘lơ̆ng hơnăp jang pơchoh trong, chĕp pơgơ̆r, pơrô̆ jang, tơgŭm djru kon pơlei iung jang dôm tơdrong đei, tơdrong rơvơn kơ tơring, tơplih ‘long pơtăm, kon tơrong atŏk tơ iung mŭk drăm. Gơnơm đơ̆ng noh, tơdrong hơrih sa kơ kon pơlei roi năr roi sơđơ̆ng, tơring tơrang tơplih ‘nao ‘lơ̆ng liĕm.

VOV4.Bahnar – Dôm tơmam âu đei lơ tơdrong ‘lơ̆ng vă pơm hơmet tŏk jing tơmam 5 sơ nglŏng (tơmam ‘lơ̆ng kơ teh đak) vang tĕch mơdro lơ̆m apŭng plenh teh nhen chĕh phe, ca cao, mắc ca.

VOV4.Bahnar - Dêh char Sóc Trăng jĭ tơring đei hloh 35% măt bơngai kon kông hơrih sa. Lơ̆m dôm sơnăm ou ki, dêh char ling lang lăng ba kơjăp jang kiơ̆ tơtom rim trong jang tơgŭm djru đơ̆ng Đảng păng Teh đak hăm kon kông. Gơnơm đơ̆ng noh tơdrong hơrih sa kơ kon pơlei kon kông pơma atŭm hăm hơdrung Khmer pơma hơdrô̆ lơ̆m dêh char roi năr roi sơđơ̆ng dơ̆ng kơjăp.

VOV4.Bahnar - Tơ̆ Đắk Lắk, tơdrong jĭ tơ̆ kon tơrong đei ƀôh tôch krê, mă loi ‘nŏh jĭ klak nhŭng châu Phi, jĭ pơplei tơ̆ hơkar kon tơrong đei tơ̆ lơ tơring.

VOV4.Bahnar - “Lêh Sầu riêng ‘măng mă 2 sơnăm 2024” tơ̆ apŭng Krông Pach, dêh char Đắk Lắk đei pơgơ̆r đang ‘lơ̆ng hơiă. Lơ̆m tơdrong lêh đei hloi “Hop akŏm pơjing păng tưk tơiung trong jang sầu riêng kơjăp ‘lơ̆ng”. Hop akŏm sơng đei hlŏh 600 ‘nu bơngai tang măt đơ̆ng dôm anih tơm, anih jang kơpal kơ Trung ương, dôm bơngai tang măt đơ̆ng teh đak đe, dôm bơngai vei lăng, bơngai juăt jang, bơngai jang khoa hŏk, dôm anih tĕch mơdro sầu riêng lơ̆m teh đak păng tơ̆ teh đak đe.

VOV4.Bahnar - Hăm Tơdrong tơchơ̆t kơthơ ‘nao đei kĭ pơkăp, tơdra hơdrol tĕch mơdro sâu riêng pơkrot kơ Việt Nam lơ̆m sơnăm 2025 rŏ năng gô iok đei 300 triu dolar Mi.