Đơ̆ng rŏng kơ tơmât hơdai, dêh char Gia Lai oei tơjră hăm lơ tơdrong pơmat tat găh dơnâu, hơbong đak, mưh đei đak jrăh jrai mă lei iŏk yoa ưh đei lăp hăm tơdrong ‘mĕh vă. Kiơ̆ Anih chĕp kơ̆l Đảng dêh char Gia Lai, lăp hơdrô̆ tơ̆ dêh char Bình Định so kŭm đei lơ dơnâu đak man kơjăp ‘lơ̆ng, kĕ tơruih ăn 95% tĕh rei pơtăm… Oei tơ̆ dêh char Gia Lai so, mă đơ̆ng đei tơdrong pran ‘lơ̆ng găh teh choh jang xa- bri ‘long, mă lei dôm dơnâu đak ‘nao kĕ tơruih ăn 68.000 ha đĕch, hơtŏ hăm dang 14% teh rei pơtăm.

Anih chĕp kơ̆l Đảng dêh char Gia Lai akhan, Tơdrong jăh hơmet pơ ‘lơ̆ng hrôih đak tơrui ‘nŏh jĭ tơdrong tôch gĭt kăl vă atŏk tơiung choh jang xa hăm kơmăy kơmŏk ‘nao. Anih choh jang xa jăh roi tơƀôh trong tơmât jên jang man dơnâu đak man hơmet dơnâu hơbong đak, tơdăh jên jang lơ̆m teh đak ưh kơmăh ‘nŏh gơ̆h tŏk iŏk jên ODA vă tơmât jang.