VOV4.Bahnar - Hơtŏk tơmam ‘lơ̆ng, tơmam đei kơtă, dôm sơnăm tơ jê̆ âu dêh char Kon Tum tŭn pran tơdrong hơtŏk tơiung ‘long pơm pơgang hăm hơdrin hơnhăk dêh char jing tơring pơgang hla ‘long tơm kơ teh đak păng jing hơnih pơm tơlĕch pơgang hla ‘long tih kơ lơ̆m teh đak lơ̆m sơnăm 2025. Tơpă yan âu ăn ƀôh kŭm hăm dôm kơloăi ‘long nhen ƀa, ƀum ƀlang, cheh phe,.... tơdrong pơtăm ‘long pơm pơgang tŏk bŏk tơgŭm kon pơlei Kon Tum hơtŏk iŏk yua, tơdrong hơrih sa roi ‘năr roi phĭ tơnŏ hloh. Mă lei hăm tơdrong pơih să hơgăt teh, đang kơ ‘noh tơdrong iŏk yua trong pơm tơlĕch ‘long pơm pơgang ‘noh tam mă đei hrơ̆ch 1 ‘măng kơna hlôi pơm ăn pơrang jĭ đei ƀôh pơm pơrăm ăn kon pơlei jang chŭn mir.

VOV4.Bahnar - Hơnih vei lăng kon pơlei dêh char Kon Tum hlôi tơchơ̆t tơmơ̆t dơ̆ng tơdrong vă jang khoa hŏk kmăi kmŏk kơ dêh char, tơ iung pơjing trong jang khoa hŏk păng yan ou vă apĭnh pơjing đei trong pơih să vei lăng năng tông hơnăn tơbăt groi teh “Ngọc Linh” ăn tơmam drăm ƀum sâm lơ̆m dêh char Kon Tum.

VOV4.Bahnar - Tơdrong tơchơ̆t kơsô̆ 09-NQ/TU yoa Khul kơdră chĕp kơ̆l Đảng ƀô̆ dêh char Gia Lai (jăl XV) sơnăm 2019 găh chĕp vei păng atŏk tơiung 'long pơgang tơ̆ dêh char Gia Lai truh sơnăm 2025, trong vă jang truh sơnăm 2030, hăm đon pơhnŏng vei lăng, kŏh iŏk păng iŏk yoa kơjăp 'lơ̆ng 'long pơgang bri brăh; pơjing đei tơring pơtăm 'long pơgang tơklep hăm anih pơm tơlĕch tơ̆ tơring. Truh dang ei, dôm tơdrong iŏk đei blŭng a mưh bơ̆jang tơdrong tơchơ̆t hlôi pơih đei trong jang tŏk mŭk drăm ăn kon pơlei Gia Lai đơ̆ng 'long pơgang.

VOV4.Bahnar - Hơnhăk tơmam đơ̆ng choh jang sa đei tơ̆ hơnih tĕch mơdro điện tử dang ei hlôi 1 hơnih tĕch tơmam đơ̆ng choh jang sa gĭt kăl đơ̆ng lơ kon pơlei jang chŭn mir tơ̆ Đak Nông. Pơtôch tĕch mơdro đei ƀôh ‘lơ̆ng tơ̆ hơnih tĕch mơdro điện tử pơkă hơtŏk tơdrong tơplih kơ sô̆ lơ̆m choh jang sa tơ̆ tơring. Kiơ̆ đơ̆ng noh, tơplih đon tơchĕng choh jang sa, pơm kơđeh tơdrong hơtăih băl đơ̆ng pơm tơlĕch truh răt yua, hơtŏk ‘lơ̆ng đei yua mŭk drăm.

VOV4.Bahnar - Hrei ‘nâu lơ kon pơlei jang chŭn mir tơ̆ Đắk Lắk tŏk bŏl luh lah phă hŭt 1,2 kơloăi ‘long pơtăm đunh sơnăm tơplih jing pơtăm sầu riêng hăm hơmĕng ăn iŏk yua lơ hloh. Tơdrong hơtŏk tơiung lơ dêh hnang ‘long sầu riêng đei ƀôh lơ ưh kơ pŭn ai ưh khan lăp hăm bơngai pơtăm mă oei đei ƀôh lơ tơdrong ƀơm truh hăm anih jang tơmam sầu riêng.

VOV4.Bahnar - Đắk Lắk jĭ dêh char dơ̆ng hơdrol tơring Tây Nguyên păng oei lơ̆m grŭp 10 dêh char pơlei tơm đei kơsô̆ hnam rong sem pleng tih hloh lơ̆m teh đak.

VOV4.Bahnar – Kơsơ̆ brei (12/11), kơdră chĕp kơ̆l Anih vei lăng choh jang xa păng atŏk tơiung tơring tơrang dêh char Lâm Đồng ăn tơbăt, đĭ đei 330 unh hnam kon pơlei drơ̆ng nơ̆r hăm trong hrŭ ‘mong hiong răm yoa rơmo iŏk đak toh jĭ păng lôch yoa đơ̆ng ƀet vaccine tang găn jĭ pơplei tơ̆ kơkar Navet -LpVac đơ̆ng Công ty Navetco.

VOV4.Bahnar - “Tơring tơm sâu riêng Krông Pach, dêh char Dak Lăk gô hơnơ̆ng tơ iung pơjing jang sâu riêng kơjăp ‘lơ̆ng păng truh sơnăm 2025 gô tĕch mơdro iŏk đei 7.500 ti hlak jên đơ̆ng tơmam drăm ou”.

VOV4.Bahnar - Jang kiơ̆ Tơdrong tơchơ̆t Hop akŏm Đảng dêh char ‘măng mă XVI, jăl jang 2020-2025, 4 sơnăm ou ki, dêh char Kon Tum pơtăm ‘nao đei vă jê̆ 18.000 ha bri, să hloh 3.000ha tơdrong tơchơ̆t tơlĕch ăn. Ưh khan pơtăm keh đang hloh nơ̆r pơjao pơtăm bri hrôih hloh 1 sơnăm, đơ̆ng bơ̆ jang chĕp pơgơ̆r, pơrô̆ jang kơ Hơnih Đảng dêh char Kon Tum hlôi đei tơdrong tơplih lơ̆m hlôh vao, iung jang kơ rim Hơnih bơ̆ jang păng kon pơlei găh atŏk tơ iung bri kơjăp ‘lơ̆ng.

VOV4.Bahnar - “Tơring tơm sâu riêng Krông Pach, dêh char Dak Lăk gô hơnơ̆ng tơ iung pơjing jang sâu riêng kơjăp ‘lơ̆ng păng truh sơnăm 2025 gô tĕch mơdro iŏk đei 7.500 ti hlak jên đơ̆ng tơmam drăm ou”.