VOV4.Bahnar - Anih pơtrŭt choh jang Teh đak kŭm hăm khŭl bơ̆jang kơ anih jang hơdai apŭng plĕnh teh Nhật Bản (Jica) hlôi jur lăng kơdơ păng hơlen lăng tơdrong pơm tơlĕch tơ̆ 1,2 Hơp tak xăh tơmam choh jang sa rơgoh lơ̆m tơdrong jang bơ̆jang kiơ̆ Tơdrong jang Hơtŏk loi dơ̆ng trong jang kơjă ‘long pơtăm sơđơ̆ng tơ̆ dôm dêh char găh Tu Việt Nam. Kiơ̆ đơ̆ng noh ăn ƀôh dôm kơ loăi ‘nhot ƀum plei ‘long tơ̆ âu đei iŏk yua lơ, ‘lơ̆ng hloh ăn năr Tết Nguyên đán Giáp Thìn.

VOV4.Bahnar - Kơsơ̆ brei (30/1) tơ̆ Hà Nội, Anih tơm vei lăng choh jang xa păng atŏk tơiung tơring tơrang jang hơdoi hăm Anih mong jên apŭng plenh teh păng Anih jang tŏk Châu á pơgơ̆r pơma đam “Jang hơdoi Teh đak – Kon pơlei tưk tơiung tơdrong pơchĕh rơgei, tơlech tơdrong jang 1 triu ha ƀa ‘lơ̆ng tơjur ƀiơ̆ kơchơ̆t kơnê̆”.

VOV4.Bahnar - Anih vei lăng kon pơlei apŭng Krông Pắc, dêh char Đắk Lắk ‘nao jang hơdoi hăm anih tĕch mơdro tơ̆ tơring pơm lêh tĕch lô tơpu sem pleng mă blŭng kiơ̆ trong tơm ăn teh đak Trung Quốc.

VOV4. Bahnar -  Tơjê̆ au, kơ yuơ plei sâu riêng măt, hlôi tơgŭm ăn lơ bơngai jang mir pơgar tơ̆ dêh char Tiền Giang iung pơdrŏng, kơna hrei au tơ̆ mĭnh ƀar tơring lơ̆m dêh char kon pơlei hlôi chă pơtăm tơ̆ tơring ưh kơ pơprŏ jang, đei ‘măng koh hŭt dôm ‘long pơtăm anai vă pơtăm sâu riêng mă tơ̆ hơnăp kơnh ưh kơ băt đei tơdrong lơ liơ.

VOV4.Bahnar - Vă jê̆ jĭt sơnăm kơ âu, lơ ŭnh hnam kon pơlei tơ̆ thị xã Buôn Hồ (Dak Lak) hlôi pơ̆n hơnhăk ‘long pơkao đào pơtăm tĕch têt. Yua kơ ‘long lăp teh, tŏ ‘mi kial kơna pơkao đào ling lang tơlang pơkao ‘lơ̆ng păng đei kon pơlei tôch kơ ‘meh răt. Tơdrong jang pơtăm pơ kao đào hlôi ăn lơ ŭnh hnam kon pơlei đei iŏk yua ‘lơ̆ng. Dang ei bơngai pơtăm kơ loăi ‘long âu tŏk bŏk hăt hot kơ vei lăng hơtuch vă hơmet ăn pơyan pơkao Tết Giáp thìn 2024.

VOV4.Bahnar -“Hơtŏk tơiung Tây Nguyên kăl kơ pơm hơtŏ iŏk yua đak mă lăp”, ‘nâu jĭ nơ̆r tơgop đei pơma hơdăh tơ̆ Hop akŏm khoa hŏk “Đak hăm tơdrong arih sa păng kon bơngai Tây Nguyên” yua đơ̆ng Khŭl jang găh teh, tŏ ‘mi kial Việt Nam jang hơdai hăm dôm anih jang ƀơm truh pơgơ̆r lơ̆m pơgê 12-1, tơ̆ pơlei tơm Buôn Ma Thuột, dêh char Dak Lak.

VOV4.Bahnar - Hăm hơnăn “Vang hơmet pơ ‘lơ̆ng pơmat tat, tơgŭm ăn kon pơlei hơtŏk tơdrong jang mŭk drăm, choh jang xa, pơjing tơring tơrang hrĕnh păng kơjăp”, kơsơ̆ 11/1, Kơdră vei lăng kon pơlei dêh char Kon Tum Lê Ngọc Tuấn hlôi pơma nuh hăm 500 ‘nu bơngai tang măt ‘nŏh jĭ kăn ƀô, bơngai jang chŭn mir lơ̆m dêh char.

VOV4.Bahnar - Pơm tơlĕch ƀa kơ Dak Lak dang ei dơ̆ng hơdrol tơring Tơ ter đak dơsĭ Pơbăh tŏk păng Tây nguyên hăm chŭn na rei pơtăm dang hloh 100 rơbâu hek tar.

VOV4.Bahnar - Đơ̆ng rŏng 1 sơnăm tŏk klăih đơ̆ng dôm long nol găh tŏ ‘mi kial ưh ‘lơ̆ng, pơrang jĭ phă, mă loi jĭ tơdrong jur tŏk tơ̆ anih tĕch mơdro yoa đơ̆ng mŭk drăm rơhyŭng rơhyăng jơ̆p plei teh, mă lei tơdrong jang sa, tĕch mơdro tơmam đơ̆ng choh jang sa, ka hơdang tơ̆ teh đak đe oei iŏk đei lơ  jơnei, ưh lăp vei lăng sơđơ̆ng phe ƀa tơmam sa đĕch, mă oei pơjing đei lơ tơdrong hơiă ăn tơdrong jang mŭk drăm lơ̆m teh đak. Hlŏh 53 ti USD iŏk đei đơ̆ng tĕch tơmam choh jang saa, ka hơdang, tơ̆r ‘long tơ̆ teh đak đe lơ̆m sơnăm 2023 hlôi tơƀôh hơdăh dôm tơdrong adrin ưh đei pơdơ̆h đơ̆ng kon pơlei jang chŭn mir, đơ̆ng dôm bơngai vei lăng, bơngai jang khoa hŏk găh tơdrong ‘nâu.

VOV4.Bahnar – Sơnăm 2023, mă tơdrong jang mŭk drăm, tơpôl ƀơm lơ tơnap tap, mă lei tơdrong jang tĕch răt tơmam drăm hăm teh đak đe tơ̆ dêh char Gia Lai adoi oei đei 680 trĭu đôlar, tŏk 3,03% pơtêng hăm khei năr âu sơnăm sơ̆.